Leikhúsferð eldri nemenda
Móðurmálsviku lauk með því að nemendur í 9. og 10. bekk var boðið að sjá leikritið Skugga - Svein með kennurum sínum. Leikritið var sýnt í nýju leikhúsi í Kópavogi sem staðsett er við Funalind og ber heitið Leikhúsið.
Frábærir morgunfundir
Nú hafa foreldra allra nemenda átt kost á að koma í morgunkaffi hér í Salaskóla á þessu skólaári. Haldnir voru 20 fundir og mættu 413 foreldrar, eða 75% foreldra.
Í unglingadeild mættu að meðaltali 55% foreldra, á miðstigi mættu að meðaltali 78% foreldra og á yngsta stigi 84% foreldra. Í þeim bekk sem best mæting var mættu foreldrar allra barna en í þeim bekk sem slökust var mæting komu 36% foreldra. Besta mætingin var í lóum, þar var 100% mæting. Steindeplar lentu í 2. sæti með 95% mætingu og mávar í 3. sæti með 90% mætingu.
Lesa meiraSlökkviliðið í heimsókn
Í dag komu slökkviliðsmenn í heimsókn í skólann og voru með eldvarnarfræðslu hjá nemendum í 3. bekk. Nemendur fengu að skoða bæði sjúkra- og slökkvibíla sem var lagt fyrir utan skólann. Krakkarnir höfðu gaman að heimsókninni og fannst mikið til þess koma að fá að stíga upp í sjúkrabíl og komast í návígi við slökkviliðsbíl. 
Vel heppnuð móðurmálsvika
Í þessari viku hefur markvisst verið unnið með móðurmálið á öllum stigum í svokallaðri móðurmálsviku. Ljóð hafa verið kyrjuð, upplestur æfður og mikil ritun í gangi svo eitthvað sé nefnt. Margir bekkir fóru á sal til að syngja ýmsar vísur og ljóð með aðstoð tónmenntakennara og ungra hljóðfæraleikara sem allt voru nemendur í skólanum. Nemendur tróðu […]
Lesa meiraForeldrar og börn saman
SAMKÓP, samtök foreldrafélaga í Kópavogi boða til fræðslufundar næstkomandi fimmtudag, 13. nóvember í Hörðuvallaskóla. Fundurinn hefst kl 20:00. Fulltrúar Heimilis og skóla munu halda erindi sem fjalla um: 1) mikilvægi foreldrastarfs í skólunum 2) nýju grunnskólalögin 3) mjög áhugaverða ráðstefnu sem haldin var í Svíþjóð í haust sem hét “Foreldrar eru auðlind í skólastarfi” […]
Lesa meiraMorgunkaffi fyrir langvíur og súlur
Sú breyting hefur orðið á að morgunkaffi langvía og súlna verður slegið saman og foreldrar beggja bekkja eru boðnir föstudaginn 14. nóvember kl. 8:10. Að kaffinu loknu eru þeir boðnir á sýningu í tilefni af degi íslenskrar tungu í salnum okkar. Allt búið vel fyrir kl. 10:00.
Lesa meiraLególið Salaskóla sýndu frábæran árangur
Nemendur Salaskóla sem skipuðu liðin Ozon og Team Awesomeness í First LEGO League keppninni sem fór fram í Öskju sl. laugardag stóðu sig með mikilli prýði og voru skólanum til mikils sóma. Bæði lið voru tilnefnd til margra verðlauna og þóttu skara fram úr á mörgum sviðum. Í hús kom bikar fyrir góðar dagbókarfærslur Ozon meðan á verkefninu stóð. Með því að smella á linkinn má skoða nánar tilnefningar og úrslit http://www.hi.is/id/1026313.
Lesa meira70 krakkar keppast við að tefla
Hið árlega bekkjarmót í skák hófst í morgun þegar fulltrúar nemenda í 1. - 4. bekk komu saman til þess að tefla í undanrásum. Taflborð voru víða sett upp í skólanum og áhuginn skein úr andlitum hinna ungu skákmanna sem sátu og tefldu af miklum móð.
Lesa meira
Morgunkaffi í 46. viku
Foreldrar lóma, langvía og súlna eiga eftir að koma í morgunkaffi en nú er komið að þeim. Þriðjudaginn 11. nóvember eru það foreldrar lóma, miðvikudaginn 12. nóvember foreldrar langvía og föstudaginn 14. nóvember súluforeldrar. Mæting kl. 8:10 á kennarastofunni og allt búið kl. 9:00
Lesa meiraTextílmenntin leitar eftir prjónum
Síðustu misseri hafa nemendur fengið prjóna í skólanum til að vinna með heima og mikið af þeim hefur ekki skilað sér til baka. Nú er svo komið að engir prjónar eru til í ákveðnum númerum og viljum við því biðja alla sem hafa fengið prjóna að láni heim, að skila þeim strax. Við erum stopp í verkefnum í nokkrum árgöngum vegna prjónaskorts og eins og er eru prjónar illfáanlegir í bænum.
Foreldraröltið – allir með
Foreldrafélagið hefur nú tekið saman upplýsingar um foreldraröltið og mikilvægi þess. Hver bekkur hefur einnig fengið úthlutað röltdögum og eru foreldrar hvattir til að vera með. Það er þessi samfélagslega ábyrgð. Svo er líka bara svo fínt að hitta hina foreldrana og eiga með þeim góða stund í hverfinu. Allir saman nú, einn, tveir, þrír!
Lesa meiraForeldraröltið – allir með
Foreldrafélagið hefur nú tekið saman upplýsingar um foreldraröltið og mikilvægi þess. Hver bekkur hefur einnig fengið úthlutað röltdögum og eru foreldrar hvattir til að vera með. Það er þessi samfélagslega ábyrgð. Svo er líka bara svo fínt að hitta hina foreldrana og eiga með þeim góða stund í hverfinu. Allir saman nú, einn, tveir, þrír!
Lesa meira