Árshátíð 2010
Árshátíð Fönixar og Salaskóla var haldin í gærkvöldi fyrir unglingadeild og tókst sérlega vel. Krakkarnir komu í sínu fínasta pússi, borðuðu góðan mat saman sem Erik, kokkur skólans, eldaði af miklu listfengi.
Lesa meiraLífið vaknar að vori
Nemendur margra bekkja eru á fullu í útikennsluverkefnum. Nú er verið að byrja á veðurathugunum í 5. bekk en áður voru þau í ljóðagerð úti í náttúrinni og höfðu m.s. "viðtöl" við steina og plöntur. Lífið vaknar að vori er viðfangsefni fjórðubekkinga en þá fjalla nemendur um á hvern hátt náttúran vaknar til lífsins og […]
Lesa meiraTextíll til góðs
Í dag kom fulltrúi Rauða krossins í skólann og sótti heim nokkra nemendur, allt stúlkur, sem höfðu valið valgreinina"Textíll til góðs" hluta vetrar. Tilgangur valgreinarinnar var að framleiða barnaföt sem yrðu gefin til styrktar hjálparstarfi Rauða krossins í útlöndum. Þess má geta að leitað var til fyrirtækisins Föndru um styrk sem gaf allt það efni sem saumað var úr.
Lesa meiraGleðilegt sumar
Frí er í skólanum á morgun, Sumardaginn fyrsta. Nemendum og foreldrum eru færðar bestu óskir um gleðilegt sumar með kærri þökk fyrir gott samstarf á skólaárinu sem senn er á enda. Megi sumarkoman verða ykkur öllum til blesssunar. Starfsfólk Salaskóla
Lesa meiraSalaskóli varð Íslandsmeistari grunnskólasveita
Við samgleðjumst frábærum árangri sem skáksveit Salaskóla náði þegar hún varð Íslandsmeistari grunnskólasveita sem fór fram í Skákhöllinni Faxafeni 12, um helgina. Salaskóli hafði nokkra yfirburði og fékk sveitin 33 vinninga af 36 mögulegum. Sjá nánar um mótið hér.
Myndir frá Íslandsmeistaramóti grunnskólasveita.
Myndir frá Kjördæmamóti Reykjaness.
Góður árangur
Nemendur og starfsfólk samfögnuðu á sal skólans í dag góðum árangri í skák og fimleikum. Eins og fram kemur hér á síðunni vann Tinna Óðinsdóttir Norðurlandameistaratitil í fimleikum á dögunum en að auki náðu Páll og Eyþór Trausti að verða Kópavogsmeistarar í skólaskák í eldri og yngri aldursflokki. Fleiri nemendur stóðu sig afar vel í skólaskákinni […]
Lesa meiraPáll Andrason og Eyþór Trausti Kópavogsmeistarar í skólaskák
Meistaramót Kópavogs í skólaskák var haldið í Hjallaskóla þann 13 april 2010, og mættu alls 56 keppendur til leiks. Keppt var í tveimur aldursflokkum, 1.-7. bekk og 8.-10. Tefldar voru átta umferðir með 12 mínútna umhugsunartíma. Tveir efstu úr hvorum flokki komast svo áfram á Kjördæmismót Reykjaness. Salaskóli hafði mikla yfirburði í báðum flokkum og tók öll fjögur sætin sem komast áfram. Í eldri flokki var það hinn geðþekki Páll Andrason sem bar sigur úr býtum, Birkir Karl Sigurðsson varð annar og Guðmundur Kristinn Lee þriðji, allir úr Salaskóla. Í yngri flokki sigraði hinn efnilegi Eyþór Trausti Jóhannsson eftir spennandi keppni við félaga sinn Baldur Búa Heimisson, en Róbert Leó Jónsson, Hjallaskóla, varð þriðji. Skákstjórar voru Smári Rafn Teitsson og Tómas Rasmus.
Lesa meiraTinna varð Norðurlandameistari
Við hér í Salaskóla samgleðjumst innilega Tinnu Óðinsdóttur sem er í 10. bekk og vann það einstaka afrek um helgina að verða Norðurlandameistari á slá í áhaldafimleikum. Lið Gerplu sem Tinna var liðsmaður í vann einnig silfur á þessu Norðurlandamóti í áhaldafimleikum.
Lesa meiraTilkynning til nemenda í 7. – 10. bekk
Vegna skipulags næsta skólaárs þurfum við upplýsingar um hvort nemendur í 7. – 9. bekk Salaskóla ætli sér að fá tómstundastarf sitt metið sem valgrein í skólanum næsta vetur. Biðjum því um að þeir svari könnun um það núna strax og í síðasta lagi á sunnudag. Línkurinn er http://www.surveymonkey.com/s/YHVDQG8
Lesa meiraNíundubekkingar dvöldu á Laugum
Tengill í myndir.
Níundubekkingar dvöldu á Laugum alla síðastliðna viku ásamt nemendum úr Ingunnarskóla í Grafarholti. Viðfangsefni voru af margvíslegum toga s.s. hópefli, útivist og sirkuskúnstir sem margir náðu gríðarlega góðri færni í. Nemendum var skipt upp í þrjú lið sem söfnuðu stigum allan tímann meðan á dvölinni stóð. Það lið sem náði flestum heildarstigum í lokin vann hina svokölluðu Laugaleika.
Salaskóli í þriðja sæti
Salaskóli varð í þriðja sæti á Íslandsmóti grunnskólasveita sem fram fór 21. mars síðastliðinn í Vetrargarðinum í Smáralind. Það var d-sveit skólans sem varð efst d-sveita. Það var Skákakademía Reykjavíkur sem stóð fyrir mótinu. Við óskum skáksnillingunum til hamingju með frábæran árangur. Nánar um mótið hér.
Lesa meiraVel mætt á páskabingó
Páskabingó foreldrafélagsins tókst vel og var góð mæting bæði nemenda og foreldra. Bingóvinningar voru ekki af verri endanum. Stemninguna sem var á bingóinu má skoða nánar á þessum myndum.
Lesa meira