Þriðjudaginn 10. janúar er morgunkaffi fyrir foreldra sendlinga, miðvikudaginn 11. fyrir foreldra hrossagauka og fimmtudaginn 12. fyrir foreldra músarindla. Mæting á kaffistofu skólans kl. 8:10. Spjall um skólastarfið og síðan er bekkurinn heimsóttur. Morgunkaffi fyrir foreldra í unglingadeild verður svo í næstu viku.
Category Archives: Fréttir
Salaskólakrakkarnir fjölmenna á Íslandsmót barna 2012.
Íslandsmótið fer fram laugardaginn 7. janúar kl 11:00 til ca 16:30 í Rimaskóla. Keppendur verða að vera fæddir árið 2001 eða síðar. Veitt eru sérstök verðlaun fyrir bestan árangur í hverjum árgangi, og auk þess efnt til happdrættis svo allir eiga möguleika á vinningi.
Þessir eru þegar skráðir á hádegi þann 6.01.2012:
Aron Ingi Woodard
Axel Óli Sigurjónsson
Ágúst Unnar Kristinsson
Benedikt Árni Björnsson
Dagur Kárason
Hilmir Freyr Heimisson
Kjartan Gauti Gíslason
Róbert Örn Vigfússon
Sindri Snær Kristófersson
Gleðilega jólahátíð
Jólaböllin í skólanum gengu vel og voru hin besta skemmtun eins og myndirnar bera með sér.
Starfsfólk skólans óskar nemendum og foreldrum gleðilegra jóla og farsældar á komandi ári. Þökkum ánægjulegt samstarf á árínu sem er að líða. Hlökkum til að sjá ykkur aftur í skólanum fimmtudaginn 5. janúar skv. stundaskrá. Miðvikudaginn 4. janúar er skipulagsdagur og dægradvölin er opin frá kl. 8:00.
Litlu jólin
Á morgun 20. desember eru litlu jólin hjá 1. – 7. bekk. Þá mæta nemendur í stofuna sína og ganga með umsjónarkennaranum sínum í röð í salinn þar sem dansað er í kringum jólatré. Nemendur mæta sem hér segir en gott er að mæta 10 mínútum fyrr:
| kl. 9:00 | kl. 10:00 | kl. 11:00 |
|
þrestir |
lóur |
hrossagaukar |
Unglingarnir halda sitt jólaball í kvöld, mánudaginn 19. des. og hefst það kl. 20:30.
Fjörugur körfubolti
Í unglingadeildinni hófst dagurinn á hörkufjörugri körfuboltakeppni ens og hefð er fyrir rétt fyrir jólafrí. Bekkirnir keppa innbyrðis sín á milli og einnig var allsterkt kennaralið sem tók þátt í leiknum. Í þessari körfuboltakeppni er keppt um svokallaðan Óttarsbikar sem gerður var til að heiðra minningu Óttars húsvarðar. Ákaft var miðað á körfuna og boltinn skoppaði oft á brúninni án þess að fara niður en ekki vantaði kappið í leikmennina. Eftir marga allharða leiki fóru leikar þannig að tíundubekkingar stóðu uppi sem sigurvegarar. Á jólaballi unglingadeidlar í kvöld verður bikarinn afhentur.
Bekkjarmót Salaskóla í skák 2011
Nú er lokið bekkjarmóti Salaskóla í skák árið 2011. Alls kepptu yfir 140 krakkar í þremur riðlum í undanrásum. Föstudaginn 16.11.2011 var síðan haldið úrslitamót þar sem þeir bestu af þeim bestu kepptu um titilinn besti skák-bekkurinn árið 2011.
Úrslit:
Krummar 10b 18,5
Súlur A 7b 15
Kríur A 5b 14,5
Mávar A 5b 11
Kríur B 5b 11
Músarindlar A 2b 10
Langvíur A 7b 9,5
Súlur B 7b 9,5
Álftir A 7b 9
Ritur A 5b 8
Starar A 3b 8
Steindeplar A 4b 5
Steindeplar misstu af fyrstu þrem umferðunum þannig að þeirra árangur er ekki marktækur.
Bestum árangri á einstökum borðum náðu:
1. borð: Hilmir Freyr Heimisson Kríum 6,5 v af 7
2. borð: Þormar Leví Magnússon Krummum 7 v af 7
3. borð: Kári Steinn Hlífarsson Súlum 5 v af 7
Mótsstjórar voru Tómas Rasmus og Sigurlaug Regína. Myndir frá mótinu.
Jólahringekjur og gönguferð
Músarrindlar, sendlingar, spóar og stelkar eru búnir að vera í jólahringekju þar sem margvísleg og skemmtileg verkefni hafa verið unnin. Í morgun skelltum við okkur síðan í hressingar jólagönguferð í Rjúpnalund þar sem krakkarnir tóku lagið og gæddu sér á piparkökum. Veðrið lék nú ekki við okkur því það var vindur og kuldi sem beit í tær og kinnar.
Skoðið myndir
Kveðja 2. bekkingar
Jólastund í Rjúpnalundi
Klukkan hálftíu í morgun örkuðu kátir fyrstubekkingar Salaskóla af stað að heimsækja útistofuna okkar, Rjúpnalund. Þar sameinuðust grunnskóla- og leikskólabörn og áttu góða jólastund saman. Veðrið var okkur í hag, frekar hlýtt og milt. Þegar við nálguðumst útikennslustofuna fundum við ilm frá varðeldi og þegar við komum nær blasti við okkur þessi fallegi bjarmi frá mörgum luktum sem var búið að hengja upp í trén. Kennarar tóku á móti okkar og sögðu okkur frá ljóðinu hans Jóhannesar úr Kötlum, Jólasveinavísum. Það var búið að hengja upp spjöld með myndum og texta um jólasveinana þrettán. Tákn voru hjá hverju spjaldi sem hægt var að skoða, snerta eða smakka svo sem stafur, askur og skyr. Nemendur sátu í hring í kringum varðeldinn og var þetta mjög hátíðlega jólastund sem endaði með kakói og jólasöng, það ríkti mikil gleði og kátína. Börnin voru sammála um að þetta hefði verið frábær jólastund.
Kveðja
1.bekkur Salaskóla
Lúsíumessa
Það er orðin hefð í Salaskóla að halda upp á Lúsíumessu sem tengist verndardýrðlingnum Santa Lúsíu. Kór Salaskóla, sem skipaður er nemendum úr 3.-7. bekk, sér ávallt um Lúsíuathöfnina undir stjórn Ragnheiðar tónmenntakennara. Krakkarnir klæðast þá hvítum kyrtlum, hnýta silfurbönd um mitti sér og höfuð og halda á ljósi. Lúsían sjálf er prýdd ljósakransi og með rauðan linda um mitti. Í morgun fór Lúsíugangan um allan skólann með söng og tilheyrandi hátíðleika. Aldís Eva Geirharðsdóttir í súlum var Lúsían þetta árið. Nemendur komu fram á ganga með kennurum sínum og fylgdust með göngunni. Falleg og friðsæl stund í Salaskóla í morgunsárið.
Spilað í grænu
Á aðventunni er gjarnan bryddað upp á einhverju sem er öðruvísi og brýtur upp hefðbundið skólastarf. Í dag var einmitt notalegur spilatími hjá yngri bekkjunum og í lagi að koma með spil að heiman til að leyfa bekkjafélögunum að prófa. Út um allt sáust litlir hópar sem krúnkuðu sig saman yfir spilin sín og höfðu gaman að. Mælst var til þess að sem flestir klæddust einhverju grænu í dag en það var þó engin skylda. Hér eru myndir frá spiladegi í 2. bekk.