Verðlaunaafhending fjölgreindaleikanna fór fram í vikunni. Þá voru allir nemendur skólans kallaðir á sal sem var þétt setinn. Þrjú efstu liðin fengu viðurkenningu og valdir voru tveir bestu liðsstjórarnir sem eru þau Bjarmar og Karitas. Einnig voru veittar viðurkenningar fyrir norræna skólahlaupið en þar stóðu bekkirnir krummar, súlur og sólskríkjur upp úr. Sjá nánari umfjöllun og myndir á fésbókinni. Einnig myndir í myndasafni skólans.
Category Archives: Fréttir
„Vinir úr Salaskóla“
Í tilefni af Degi gegn einelti fóru nemendur úr 9. og 10. bekk í heimsókn í leikskólana föst. 7.11. og unnu með börnunum að ýmsum verkefnum í tengslum við þemað Vinir úr Salaskóla sem er samstarfsverkefni við leiksskólana Fífusali og Rjúpnahæð. Meðfylgjandi eru myndir frá þessum degi úr leikskólanum í Fífuseli.
Góðir gestir í heimsókn
Við höfum fengið góða gesti til okkar í nóvember. Rithöfundurinn Gunnar Helgason kom til okkar og las upp úr nýju bókinni sinni „Gula spjaldið í Gautaborg“. Krakkarnir tóku honum vel og margir gáfu sig á tal við hann eftir upplesturinn. Töframaðurinn Einar og aðstoðarkona hans kíktu á krakkana í 1. – 4. bekk og sýndu töfrabrögð upp úr nýrri bók sem er að koma út. Það er mikil tilbreyting að fá góða gesti í heimsókn og von er á fleirum síðar í þessum mánuði.
Myndir frá heimsóknunum.
Vegna mögulegs verkfalls 10. nóvember
Starfsmannafélag Kópavogs hefur boðað verkfall frá og með mánudeginum 10. nóvember nk. semjist ekki fyrir þann tíma. Ef af verkfalli verður mun það hafa veruleg áhrif á starfsemi grunnskóla í Kópavogi og þar með Salaskóla. Afleiðingarnar hér verða svohljóðandi:
– dægradvöl skólans lokar alveg meðan á verkfalli stendur, á líka við um klúbbastarf í 4. bekk
– húsvörður verður í verkfalli en skólast…jóri má opna skólahúsið að morgni dags
– ritari verður í verkfalli og því verður erfitt að ná símasambandi við skólann. Hægt að senda tölvupóst á skólastjóra hafsteinn@kopavogur.is. Ef um mjög brýnt mál er að ræða er hægt að hringja í Hafstein skólastjóra í síma 821 1630 eða Hrefnu aðstoðarskólastjóra í síma 864 3719
– sundlaugin verður lokuð og sundkennsla fellur því niður
– stuðningsfulltrúar fara í verkfall
– kennarar eru ekki í verkfalli og kennt verður skv. stundaskrá
– ýmis önnur röskun getur orðið af þessum völdum og munum við tilkynna um það eftir því sem við á.
– dægradvöl skólans lokar alveg meðan á verkfalli stendur, á líka við um klúbbastarf í 4. bekk
– húsvörður verður í verkfalli en skólast…jóri má opna skólahúsið að morgni dags
– ritari verður í verkfalli og því verður erfitt að ná símasambandi við skólann. Hægt að senda tölvupóst á skólastjóra hafsteinn@kopavogur.is. Ef um mjög brýnt mál er að ræða er hægt að hringja í Hafstein skólastjóra í síma 821 1630 eða Hrefnu aðstoðarskólastjóra í síma 864 3719
– sundlaugin verður lokuð og sundkennsla fellur því niður
– stuðningsfulltrúar fara í verkfall
– kennarar eru ekki í verkfalli og kennt verður skv. stundaskrá
– ýmis önnur röskun getur orðið af þessum völdum og munum við tilkynna um það eftir því sem við á.
– verkfallið hefur ekki áhrif á mötuneytið, þar verður matur framreiddu að venju.
Vonandi nást samningar áður en til verkfalls kemur. Við sendum upplýsingar til ykkar um það í tölvupósti og í gegnum facebooksíðu skólans.
Vonandi nást samningar áður en til verkfalls kemur. Við sendum upplýsingar til ykkar um það í tölvupósti og í gegnum facebooksíðu skólans.
Dagur gegn einelti
Föstudagurinn 7. nóvember er helgaður baráttunni gegn einelti hér í Salahverfi. Þetta er samstarfsverkefni milli leikskólanna í hverfinu og Salaskóla. Nemendurnir 9. og 10. bekkjar fara í heimsókn í leikskólana og vinna með börnunum að ýmsum verkefnum sem tengjast verkefninu Vinir úr Salaskóla sem er samstarfsverkefni við leiksskólana Fífusali og Rjúpnahæð. Nemendur í 7. og 8. bekk Salaskóla sjá um útivist með yngri nemendum.
Morgunkaffi – byrjum 5. nóvember
Þá er komið að morgunfundum skólastjórnenda í Salaskóla með foreldrum. Miðvikudaginn 5. nóvember bjóðum við foreldrum barna í 1. bekk til okkar, 6. nóvember foreldrum barna í 2. bekk og 7. nóvemeber foreldrum barna í 3. bekk. Fundirnir hefjast kl. 8:10 og standa til kl. 9.00 og eru í sal skólans. Á fundunum ræðum við saman um ýmis mál sem snerta skólastarfið. Einnig eiga foreldrar að skrifa á blað eitthvað sem þeim finnst gott í starfi skólans, eitthvað sem má bæta og svo ef þeir luma á góðum hugmyndum um hvað mætti gera þá viljum við fá það á blaðið líka. Krakkarnir mæta svo á fundinn kl. 8:45 taka stutta söngstund. Foreldrar ganga svo með þeim inn í kennslustofurnar. Við bjóðum upp á kaffi.
Þetta eru mikilvægir og gagnlegir fundir fyrir okkur öll og við leggjum mikla áherslu á að allir mæti.
Gengur vel á Reykjum
Frábær stemning hér á Reykjum. Kvöldvakan hjá krökkunum gekk mjög vel og voru okkar krakkar með skemmtiatriði eins og leiki, dans og söng. Í kvöld var diskótek þar sem var mikið dansað og sungið, allir tóku þátt í gleðinni. Á morgun, fimmtudag, fá krakkarnir að velja sér vinnustöðvar og síðan seinnipartinn verður hárgreiðslukeppnin mikla sem gengur út á það að stelpurnar eiga að greiða strákunum. Frumlegasta hárgreiðslan vinnur.
Allt gengur mjög vel. Myndir
Víðlesnir nemendur á miðstigi keppa sín á milli
Spurningakeppnin LESUM MEIRA 2014, sem er lestrarkeppni á miðstigi, hófst í morgun með því að flórgoðar og tjaldar kepptu sín á milli. Afar skrautleg og flott lið mættu til leiks þennan morguninn með hvatningaspjöld í stíl við skrautlegan klæðnað og andlitsmálningu. Flórgoðar báru sigur úr bítum að þessu sinni með litlum mun stiga en bæði liðin stóðu sig afbragðs vel. Síðar í vikunni mætast tildrur og vepjur og þannig koll af kolli þar til fundin hafa verið tvö lið til að keppa til úrslita sem verður í lok nóvember.
Markmiðið með keppninni er að nemendur verði víðlesnari, auki við orðaforða sinn og áhugi á bókalestri eflist. Lið bekkjanna þurfa að svara spurningum er reyna á almenna kunnáttu, ýmislegt úr heimi bókmenntanna og lesefni bókanna sem teknar eru fyrir í þessari keppni. Krakkarnir hafa einmitt verið að lesa ákveðnar bækur fyrir keppnina til að undirbúa sig fyrir keppnina. Skipuð eru bekkjarlið með 5 nemendum en bekkurinn stendur á bak við liðið með allan sinn bókalestur og fær tækifæri til að hala inn stig þegar spurningum er beint til hans. Liðin fá úthlutað ákveðnum litum og mega skreyta sig þeim lit í keppninni. Myndir frá keppninni.