Prýðisveður núna og skólahald verður með eðlilegum hætti. Ágætt að þeir nemendur sem geta gangi í skólann svo ekki myndist öngþveiti bíla við skólann núna á eftir.
Category Archives: Fréttir
Nýjar upplýsingar
Til að einfalda málin höfum við þetta svona í Salaskóla:
Foreldrar sækja nemendur í 1 – 4. bekk. Við sendum þau ekki gangandi ein heim
Nemendur í 5. – 10. bekk ganga heim eftir hádegismat.
Við biðjum foreldra um að koma inn í skóla og ná í börn sín. Við getum ekki sinnt beiðnum um að senda þau út í bíl til ykkar. Það er mikið álag á okkur og ekki bætir úr skák bilun í tölvukerfi.
Óveðrið og skólalokun – uppfært
Á fundi neyðarstjórnar Kópavogs í morgun var ákveðið að hvetja foreldra til að sækja börnin sín um hádegi í leikskóla, grunnskóla og frístund. Mælst er til þess að foreldrar verði búnir að sækja börnin sín fyrir kl. 14:00. Börn sem þurfa að ganga heim fari heim í hádeginu, áætlað er að engin börn séu á gangi eftir kl. 13:00.
Leikskólar, grunnskólar, og frístundir loka kl. 15:00 í dag.
………………………….
At a meeting of the Kópavogur Emergency Board this morning, it was decided to engourage parents to pick up their children at noon in preschools, primary schools and leisure centres and no later than 2:00 pm. Children who have to walk home on their own leave school at noon so that no children will be walking outside after 1:00 pm.
Preschools, primary schools and leisure centres will close at 3 o‘clock.
……………………………
Na spotkaniu sztabu kryzysowego Miasta Kópavogur zdecydowano zalecić rodzicom, żeby w południe odebrali dzieci z przedszkoli, szkół i świetlic szkolnych.
Zaleca się odebranie dzieci najpóźniej do godziny 14:00. Dzieci, które muszą wrócić pieszo, powinny pójśc do domu w południe.
Zakłada się, że żadne dziecko nie będzie samo na dworze po godz. 13:00.
Szkoły podstawowe, przedszkola i świetlice szkolne zostaną dzisiaj zamknięte o godz. 15:00.
Í dag
Foreldrar eru beðnir um að sækja börn í skólann fyrir kl. 15:00 í dag, 10. desember vegna veðurs. Ekki er ráðlagt að börn gangi ein heim eftir klukkan 13:00. Send verður út tilkynning til foreldra á eftir um tímasetningar þegar veðurspá hefur skýrst enn frekar. Engin röskun verður á skólastarfi fyrir hádegi
Við vekjum athygli ykkar á að umferðaröngþveiti á höfuðborgarsvæðinu getur orðið milli kl. 14:00 og 15:00 ef allir ætla að fara af stað á þeim.
English:
Parents are asked to pick up children at the school before 15:00 today, December the 10th due to weather. Children will not go home alone after 1pm. When a weather forecast has been clarified, a notification will be sent to parents afterwards. There will be no disruption to school activities before 13:00
We would like to draw your attention to the fact that traffic jams in the capital area can take place between 14:00 and 15:00 if everyone is going to leave their work at the same time.
Desemberdagar í Salaskóla
Við vitum að það getur verið íþyngjandi fyrir ykkur að muna eftir öllum þessu sérstöku dögum í desember í Salaskóla. Við höfum nú samræmt þá í 1. – 7. bekk til að einfalda lífið. Höfum í huga að þetta er gert til að gleðja blessuð börnin.
En þetta eru dagarnir sem þarf að muna:
- – 7. bekkur
3. desember – aðventuganga foreldrafélagsins kl. 17 – 19
4. desember – Jólasveinahúfudagur og / eða rauður dagur (koma með jólasveinahúfu eða í einhverju rauðu t.d. peysu, sokkum, bol, buxum, klút)
6. desember – sparinesti
12. desember – dótadagur / spiladagur
19. desember – stofujól, við bjóðum upp á kakó og krakkarnir koma með smákökur að heiman
20. desember – litlu jól og jólafrí að því loknu.
Hjá 8. – 10. bekk er þetta svona:
3. des – aðventuganga foreldrafélagsins
4. des – jólasveinahúfudagur og / eða rauður dagur, koma með jólasveinahúfu eða í einhverju rauðu
18. des – stofujól unglinga
19. des – körfuboltamót og jólaball um kvöldið
Alþjóðlega Hour of code
Alþjóðlega Hour of Code (Klukkustund kóðunar) forritunarvikan verður haldin dagana 9.-15. desember um heim allan. Markmiðið með átakinu er að hver og einn nemandi forriti í a.m.k. eina klukkustund. Átakið hefur náð til yfir 835 milljón þátttakenda í yfir 180 löndum.
Búið er að skrá Salaskóla til þátttöku og munu allir nemendur skólans taka þátt í forritunarvikunni.
Hér má sjá kynningarmyndband um Hour of Code.
Gegn einelti í dag og alla daga!
Í dag, 8. nóvember, er baráttudagur gegn einelti og hann ber upp á seinni dag fjölgreindaleikanna í ár. Leikarnir eru því helgaðir baráttunni gegn einelti og fer vel á því, því að fátt stuðlar að betri skólaanda og skólabrag. Nemendur vinna saman í 15 manna liðum þvert á árganga og glíma við ótrúlegustu verkefni sem reyna á bæði hug og hönd. Elstu nemendurnir eru liðsstjórar og leggja sig fram við að búa til góðan liðsanda og hvetja til samvinnu og samstarfs.
Í tilefni dagsins koma elstu nemendur leikskólanna í hverfinu í hverfinu og kynna sér fjölgreindaleikanna og fá að taka þátt í ævintýrinu.
Bebras (Bifur) – áskorunin – rökhugsun & tölvufærni
Nemendur í 5.-10.bekk í Salaskóla stefna á að taka þátt í Bebras-áskoruninni að þessu sinni en Bebras tölvuáskorunin 2019 fer fram í vikunni 11.-15. nóvember 2019. Áskorunin er alþjóðlegt verkefni og er henni ætlað að kynna hugmyndafræði og grunnhugsun forritunar (e. computational thinking) fyrir nemendum með því að fá þá til að leysa krefjandi og skemmtileg verkefni.
Bebras var upphaflega stofnað af Prófessor Valentina Dagiene hjá Háskólanum í Vilnius, en Bebras (e. Beaver) er heitið á dýrinu bifur á litháísku. Bebras er ætlað að vekja áhuga nemenda á því að kynnast upplýsingatækni. Valentina ákvað að nýta bifur sem ímynd áskoruninnar vegna þess dugnaðar og fullkomnunaráráttu sem þeir virðast hafa. Bifrar eru duglegir, vinnusamir og gáfaðir; og þeir vinna stöðugt í stíflunum sínum, bæði til að gera þær betri og stærri. Fyrsta Bebras áskorunin var í Litháen árið 2004 en áskorunin hefur stækkað gríðarlega á stuttum tíma og er hún ein fjölmennasta áskorun sem notuð er til kennslu í upplýsingatækni.
17. fjölgreindaleikar Salaskóla
7. og 8. nóvember n.k. verða fjölgreindaleikar í Salaskóla. Þetta er í 17. sinn sem við efnum til þessara leika en þess ber að geta að leikarnir voru „fundnir upp“ í Salaskóla. Nemendur skiptast í hópa þvert á aldur og þeir sem eru elstir eru liðsstjórar. Svo er keppt í alls konar þrautum þessa tvo daga. Kynningarmynd um leikana er að finna hér https://www.youtube.com/watch?v=Wl-UPxtjMUg&t=1s
Ljósmyndasýning nemenda
Nemendur í 8. og 9. bekk tóku þátt í ljósmyndasamkeppni á degi íslenskrar náttúru og úr varð svo heljarinnar ljósmyndasýning á göngum skólans. Nemendur fengu lista af þemum sem þau máttu velja og tóku myndir sem tengdust þeim.
Þrír voru valdir úr hverjum hóp og fengu þau myndina sína útprentaða í stórum ramma. Auk þess voru nokkrar aðrar myndir valdar sem þóttu fallegar og voru þær settar í minni ramma.
Við í Salaskóla stefnum á að halda fleiri ljósmyndasýningar enda voru nemendur mjög stoltir að sjá myndirnar sínar upp á vegg í ramma. Þetta vakti einnig mikinn áhuga og athylgi frá öðrum nemendum og kennurum skólans.
Hér má sjá mynd frá sýningunni:
Hér má sjá þær myndir sem voru valdar:
Hið dýrmæta líf – Besta myndin, 9.bekkur
Haust – Besta myndbyggingin, 9.bekkur
Haust – Sú mynd sem lýsti þemanu ,, Haust “ best 9.bekkur
Fram í heiðanna ró – Besta myndin, 8. bekkur
Jörðin og vatnið – Sú mynd sem lýsti því þema best, 8.bekkur
Gult og grænt – Besta myndbyggingin, 8. bekkur