Bekkjaskiptingu í 6. – 7. bekk er hægt að sjá með því að smella á Lesa meira.
Fálkar |
Uglur |
Ernir |
||||||||||||||||||||||||||||||||||||||||||||||||||||||||||||||||||
|
|
|
Bekkjaskiptingu í 6. – 7. bekk er hægt að sjá með því að smella á Lesa meira.
Fálkar |
Uglur |
Ernir |
||||||||||||||||||||||||||||||||||||||||||||||||||||||||||||||||||
|
|
|
Miðvikudagskvöldið 3. júní voru foreldrar barna í 5. og 6. bekk boðaðir á fund þar sem þeim var kynnt námsskipulag næsta skólaárs. Mjög góð mæting var á fundinn sem sýnir mikinn áhuga foreldra á skólastarfinu. Skólastjóri greindi frá þeim breytingum sem ætlunin er að gera á skipulagi í 6. og 7. bekk næsta vetur, en þá verður fjórum bekkjum sem nú eru í 5. og 6. bekk steypt saman í 3 aldursblandaða bekki. Í máli hans kom fram að fækkun nemenda í þessum árgöngum hefði orðið til þess að kennarar og skólastjórnendur fóru að velta upp möguleikum á breyttu fyrirkomulagi þar sem saman færi betri nýting fjármuna og mjög gott faglegt starf.
Að lokinni kynningu hans svöruðu skólastjórnendur og kennarar spurningum foreldra. Mjög jákvæður andi var á fundinum og þó vissulega kæmu fram áhyggjuraddir var það mál manna að þessi lausn væri góður kostur í þeirri stöðu sem uppi er.
Á næstu dögum verður raðað í nýju bekkina og munu skólastjórnendur hafa um það víðtækt samstarf við kennara, nemendur og foreldra.
Útskrift 10. bekkjar að kvöldi hins 8. júní. Hefst kl. 20:00. Foreldrar koma með á kaffihlaðborðið.
Eftir skólaslit kl. 14:40 hefst skemmtun foreldrafélagsins á skólalóðinni.
Dægradvölin verður opin frá kl. 8:00
Samtök foreldrafélaga við grunnskóla Kópavogs
Aðalfundur SAMKÓP verður haldinn fimmtudaginn 4. júní 2009 í Salaskóla og hefst kl. 20:00. Stefnt er að því að fundur ljúki um kl 21:30
Dagskrá:
Allir foreldrar grunnskólabarna í Kópavogi eiga rétt á setu á aðalfundi með málfrelsi og tillögurétti og geta boðið sig fram til stjórnarkjörs. Samkóp óskar eftir áhugasömum foreldrum til þess að bjóða sig fram til stjórnarsetu, til þess að styrkja starfið enn frekar!
Fræðslufyrirlestur: "Hvert stefna menntamál í Kópavogi á komandi árum?"
Að loknum aðalfundi og kaffiveitingum – kl. 20:30 mun fulltrúi frá skólanefnd Kópavogsbæjar flytja áhugaverðan fyrirlestur sem enginn ætti að láta framhjá sér fara þar sem farið verður yfir það hvernig Kópavogsbær sér þróun menntamála á komandi árum, í ljósi breyttra efnahagsaðstæðna.
Fundurinn er opinn ÖLLUM foreldrum grunnskólabarna í Kópavogi. Mikilvægt er að hvert foreldrafélag við grunnskóla Kópavogs eigi a.m.k. einn fulltrúa á aðalfundinum.
Kópavogur, 28. maí 2009
Stjórn SAMKÓP
Í vetur hefur verið gerð tilraun til að vera með árgangahreinar bekkjardeildir í Salaskóla. Í ljósi reynslu okkar í vetur höfum við í hyggju að breyta svolítið kennsluskipulagi hjá okkur í því skyni að bæta enn frekar námsumhverfið til að nemendur ná góðum árangri í námi.
Breytingarnar ná til elstu bekkjanna, þ.e. frá 6. bekk og upp úr. Á unglingastiginu verða t.d. gerðar breytingar á valgreinum nemenda auk þess sem meira verður kennt í árgangablönduðum námshópum en áður hefur verið gert og þá með það að markmiði að nemendur fái í frekara mæli nám við hæfi en hægt er að gera í árgangabundnum bekkjum. Reynsla okkar af aldursblöndun á miðstigi er góð og í ljósi tilraunar okkar í vetur teljum við að hægt sé að ná betri árangri, bæði námslegum og félagslegum með aldurblönduðum bekkjum á því stigi.
Nemendur sem verða í 6. og 7. bekk næsta vetur eru um 65. Við ætlum að skipta þeim í þrjá námshópa og verða því um 22 nemendur í hverjum þeirra. Hugmyndin er að þróa áfram það kraftmikla og lifandi námssamfélag sem hefur verið á þessu aldursstigi og leggja áfram áherslu á nám við hæfi hvers og eins, metnað, kröfur og góð samskipti og félagatengsl.
Kennslustofur 6. og 7. bekkja verða á efri hæð í miðhúsi en aðstaðan þar gefur mikla möguleika á fjölbreyttum kennsluháttum.
Við óskum eftir góðu samstarfi við foreldra í þessari vinnu okkar. Við erum fús að svara spurningum ykkar varðandi þetta skipulag ef einhverjar eru og biðjum ykkur um að hika ekki við að hafa samband.
Óvissuferð 10. bekkja Salaskóla verður farin þriðjudaginn 2. júní.
Nú stendur yfir könnun á viðhorfum foreldra til Salaskóla. Könnunin er gerð á netinu og hafa foreldrar fengið línk inn á könnunina senda í tölvupósti. Könnunin er virk til sunnudagsins 26. apríl. Niðurstöður verða birtar fljótlega eftir að könnun lýkur.
Við hvetjum foreldra til að taka þátt og leggja þannig sitt af mörkum til að bæta skólastarfið.