Í morgun komu foreldrar langvía og drukku morgunkaffið sitt með skólastjóranum. Samkvæmt bókhaldi okkar hafa þá foreldrar nemenda í öllum bekkjum skólans komið á morgunfund í vetur, rætt við skólastjórnendur og skoðað skólastarfið.

Hátt í 500 foreldrar hafa setið með okkur í morgunkaffi í vetur. Við erum afar ánægð með þann áhuga sem foreldrar sýna skólastarfinu með því að taka þátt í þessu með okkur. Allir hafa fyllt út blöð þar sem á að skrifa það sem er gott í starfi skólans og hvað mætti betur fara. Við erum byrjuð að vinna úr blöðunum og gerum ráð fyrir að fljótlega liggi fyrir skýrsla um þetta mat foreldra á skólastarfinu.

Við munum svo taka upp þráðinn í haust og stefnum að því að ljúka kaffiboðunum fyrir áramót.

Nýlega var óskað eftir framboðum í foreldraráð. Fimm einstaklingar gáfu kost á sér og var ákveðið að þeir tækju allir sæti í ráðinu og því var ekki efnt til kosninga. Ráðið skipa því eftirtaldir foreldrar:

Sigurjón Sigurðsson, Ísól Ómarsdóttir, Bryndís Baldvinsdóttir, Árni Þorsteinsson og Sigþór Samúelsson. Fyrsti fundur ráðsins verður fljótlega og verður fyrsta verkefni þess að skoða áætlanir um skólastarf næsta skólaárs. Um leið og hið nýja ráð er boðið velkomið til starfa er fráfarandi foreldraráði þakkað gott samstarf.