Útikennslustofa í Rjúpnahæð
Í morgun kl. 10:00 var útikennslustofan formlega opnuð. Mættir voru fulltrúar Kópavogsbæjar, starfsmenn fræðsluskrifstofu og skipulags – og umhverfissviðs. Elstu nemendur á Fífusölum og Rjúpnahæð með kennurum sínum og nemendafulltrúar Grænfánans í Salaskóla og kennarar. Einn kennarinn var með gítar og sungu allir saman nokkur lög og bökuðu brauð yfir opnum eldi og fengu […]
Lesa meiraSöguheimur Auðar og Þórarins
Rithöfundarnir Auður Jónsdóttir og Þórarinn Leifsson heimsóttu krakkana í 6. og 7. bekk og sögðu frá bókum sem þau hafa skrifað. Einnig ræddu þau um hvernig allir geta byrjað að skrifa á hvaða aldri sem þeir eru því að skriftir sé leikur þar sem blanda má öllu saman. Auk þessu sýndu þau fram á að myndir og orð fæða oft af sér sögu. Krakkarnir fylgdust með innleggi þeirra af áhuga og spurðu margra spurninga sem tengdust efninu. 
Verðlaunaafhending fyrir fjölgreindaleika
Verðlaunaafhending fyrir Fjölgreindaleika Salaskóla fór fram, 27. október á sal skólans Íþróttakennarar lögðu áherslu á að í raun og veru væru allir sigurvegarar á fjölgreindaleikunum því svo einstaklega vel þóttu nemendur standa sig, yngri sem eldri. Öll liðin fengu stig fyrir unnin störf og veitt voru sérstök verðlaun fyrir þrjú efstu liðin sem hlutu flest stig.
Gagnasafn bilað
Gagnsafn skólans er bilað og það veldur því að ekki er hægt að opna ýmsar upplýsingar. Viðgerð stendur yfir en við bendum lesendum á að matseðill og skóladagatal er aðgengilegt hér til hliðar á síðunni.
Lesa meiraBrunaæfingin gekk vel
Blásið var til stórrar brunaæfingar hér í Salaskóla í morgun og gekk allt að óskum. Slökkviliðsmenn komu á svæðið og bjuggu til svolítinn reyk innandyra. Það tók um 7 mínútur að rýma skólann sem þykir mjög gott. Allir söfnuðust saman á boltavellinum þar sem tekið var manntal.
Lesa meiraÁvextir í 1. – 5. bekk
199 foreldrar svöruðu könnun okkar um ávextina. Niðurstöður voru þær að 158 kváðust vilja að skólinn sæi um ávextina gegn 30 kr. greiðslu frá foreldrum á dag. 41 sagðist fremur vilja senda börn sín með nesti. Við höfum því ákveðið að bjóða foreldrum nemenda í 1. – 5. bekk að kaupa ávexti í áskrift fyrir 30 kr. á dag.
Vetrarleyfi 25. og 26. október
Eins og kemur fram á skóladagatali þá er vetrarleyfi mánudaginn 25. og þriðjudaginn 26. október. Þá er engin starfsemi í skólanum.
Lesa meiraSkáldkonur í heimsókn
Skáldkonurnar Vilborg Davíðsdóttir og Sigurbjörg Þrastardóttir komu í heimsókn í skólann í morgun og hittu nemendur í 9. og 10. bekk. Þær sögðu frá textum í ljóðum sínum og skáldsögum og hvernig þeir kvikna og verða til.
Fræðst um fjöruna
Krakkarnir í 5. bekk hafa verið að læra um fjöruna undanfarnar vikur. Þeir eru búnir að fara og skoða Sjóminjasafnið Víkina og síðan var fjaran í Kópavoginum skoðuð. Í framhaldi eru krakkarnir að vinna ýmiss verkefni um fjöruna. Myndir úr ferðinni eru inni á myndasafni skólans.
Lesa meiraMyndir frá fjölgreindaleikum
Myndir frá fjölgreindaleikunum 29. – 30. sept. eru komnar inn á myndasafn skólans. Skoðið hér.
Lesa meiraForeldraviðtalsdagur
Á mánudaginn er foreldraviðtalsdagur í Salaskóla eins og kemur fram á skóladagatali og umsjónarkennarar hafa upplýst um. Þá ræða kennarar við sérhvern nemanda og foreldra hans um gengi í náminu og það sem mikilvægt er að gera á næstu mánuðum. Foreldrar geta líka hitt sérgreinakennara og rætt við þá.