Salaskóli er hnetulaus skóli. Hnetur geta valdið mjög slæmu og hættulegu ofnæmi hjá sumum einstaklingum. Við biðjum alla nemendur og starfsmenn að gæta þess að koma ekki með hnetur í skólann. Hnetur eru stundum í brauði, kökum, sælgæti og jógúrti.
Category Archives: Fréttir
Nýtum það sem til er, vinnum saman hvar sem er (BYOD)
Skólaárið 2014-2015 fékk Salaskóli styrk úr Sprotasjóði vegna verkefnisins „Nýtum það sem til er, vinnum saman hvar sem er.“ Verkefnið snýst um að nemendur í unglingadeild geti komið með sín eigin snjalltæki og notað í námi sínu. Þá er átt við síma, spjaldtölvur og fartölvur. Logi Guðmundsson var verkefnisstjóri. Skýrslu um verkefnið er að finna hér.
Rafrænn skóli – nútímaskóli (notkun spjaldtölva í kennslu)
Skólaárið 2012 – 2013 fékk Salaskóli styrk úr Sprotasjóði vegna verkefnisins „Rafrænn skóli – nútímaskóli“. Skýrslu um verkefnið má fá með því að smella hér.
Þemavinna í 7. – 10. bekk
Skólaárið 2010 – 2011 fékk Salaskóli styrk úr Sprotasjóði vegna verkefnisins „Þemavinna í 7. – 10. bekk“. Skýrslu um verkefnið er hægt að nálgast með því að smella hér.
Myndir 2014-2015
Ágúst:
Skólasetning
September:
Norræna skólahlaupið
Útikennsla í september
Október:
Fyrri dagur fjölgreindaleika
Seinni dagur fjölgreindaleika
Starfsfólk á fjölgreindaleikum
Sjöundubekkingar á Reykjum
Lestrarkeppnin Lesum meira 2014
Nóvember:
Góðir gestir í nóvember
Dagur gegn einelti – heimsókn í leikskóla 9.-10. b.
Verðlaunafhending fyrir fjölgreindaleika
Desember:
Jólaþorpið 2014
Litlu jólin 2014
Janúar – febrúar
Hundraðdagahátíðin í 1. bekk
Öskudagur 2015
Mars – apríl
Fyrstubekkingar – sýning fyrir foreldra
Heimsókn í leikskólann Rjúpnahæð – þemadagar
Júní
Hlaupið af krafti í norræna skólahlaupinu 2014
Myndir frá Norræna skólahlaupinu
Í dag, fimmtudaginn 11. september, fór Norræna skólahlaupið fram í Salaskóla en allir skólar á Norðurlöndunum geta tekið þátt í hlaupinu á hverju hausti. Í þessu hlaupi er lögð áhersla á holla hreyfingu og markmiðið er að sem flestir – helst allir- taki þátt. Það gerðu einmitt nemendur í Salaskóla, allir hlupu af stað, og krakkarnir sýndu mikinn dug og mikla elju og skemmtileg stemning skapaðist í kringum hlaupið.
Krakkarnir gátu valið um mismunandi vegalengdir 2,5, 5 km eða að fara 10 km en einn hringur var einmitt 2,5 km. Einhverjir fóru meira að segja 5 hringi sem gerir 12,5 km sem er vel af sér vikið. Að sjálfsögðu var drykkjarsstöð á leiðinni eins og í alvöru hlaupi. En það sem mestu máli skipti er að hver og einn stóð sig gríðarlega vel og fær nú viðurkenningarskjal þar sem greint er frá árangri. Til hamingju með flott hlaup, Salaskólakrakkar.
Forskóli tónlistarnáms
Undanfarin ár hefur skólinn boðið nemendum í 2. bekk upp á flautunám í litlum hópum beint eftir skóla. Þetta geta öll 7 ára börn nýtt sér hvort sem þau eru í dægradvölinni eða ekki.
Kostnaði er stillt í hóf og hafa börn í dægradvöl einungis verið að borga fyrir flautu og námsefni, en ef það er til blokkflauta á heimilinu þá er sjálfsagt að nota hana.
Ef barnið er ekki í dægradvöl þá bætist við hófstillt námskeiðsgjald. Þetta tilboð hafa mörg börn nýtt sér sem stefna á að fara í tónlistarskóla og læra á hljóðfæri. Þarna læra þau grunnatriði í tónfræði og nótnalestri í gegnum hljóðfæraleik, hreyfingu, sköpun og verkefnavinnu.
Kennt verður í beinu framhaldi af skóla eða kl. 13: 35 – 14: 15. Foreldrar barna í 2. bekk hafa fengið nánari upplýsingar í tölvupósti.
Valið í unglingadeild
Sl. vor létum við unglingana velja sér valgrein fyrir haustið og á stundaskrám þeirra kemur fram hvaða val þau komust í. Þar sem ýmsar breytingar hafa orðið hjá þeim og líka okkur viljum við að þau velji aftur eða staðfesti að þau vilji hafa valið eins og það kemur fram á stundaskránni. Við biðjum alla því að fara inn á þennan tengil og ganga frá þessu þar – https://www.surveymonkey.com/s/PXQ96CD.
Á stundaskrám þeirra kemur einnig fram hjá þeim sem sóttu um að fá tómstundastarf metið sem valgrein, hversu margar valstundir fást í afslátt út á það. Það stendur þá -1, -2 eða -4 í einhverjum reitnum. Það geta þau dregið frá þeim fjórum tímum sem þau eiga að taka sem valgreinar og minnkar þá stundafjöldinn sem þau eiga að velja sem því nemur.
Ef aðstæður hafa breyst hjá einhverjum varðandi tómstundastarf þarf að láta okkur vita – t.d. ef einhver er hættur í því tómstundastarfi sem hann fékk afslátt út á.
Vinsamlegast klárið að fylla þetta eyðublað út í dag eða í síðasta lagi á morgun, því kennsla í valgreinum hefst 1. september.