Hér má sjá myndir frá ólympíuhlaupi ÍSÍ í ár. Eftir hlaupið var svo boðið upp á pylsur.
Category Archives: Fréttir
Valið í 8. – 10. bekk
Nú er komið að valinu. Fullt af áhugaverðum viðfangsefnum og allir eiga að finna eitthvað við sitt hæfi.
Nemendur í 8. bekk smella á þennan tengil: https://www.surveymonkey.com/r/2LY95GQ
Nemendur í 9. og 10. bekk smella á þennan tengil: https://www.surveymonkey.com/r/296VQW8
Skilaboð frá leynileikhúsinu
Skilaboð frá leynileikhúsinu:
Kæru foreldrar og forráðafólk leynileikara í Salaskóla.
Leynileikhúsið heldur áfram uppteknum hætti og er með námskeið í Salaskóla á haust önn 2019
Opnað hefur verið fyrir skráningu á https://leynileikhusid.felog.is/
SALASKÓLI Á FÖSTUDÖGUM / hefst 13.september
Kl. 14.00-15.00 / 2.-4. bekkur / almennt námskeið / kennt í stofu F5 á rauða gangi
Eldri nemendum er bent á námskeið Leynileikhússins í samstarfi við LK á miðvikudögum
Í Leynileikhúsinu er leikgleðin ávallt höfð að leiðarljósi. Farið er í grunnatriði leiklistar með hjálp leikja og æfinga. Lögð er áhersla á spuna og mikilvægi persónusköpunar, að gefa skýr skilaboð, hlustun, einbeitingu og samvinnu. Leiklist eykur samskiptahæfni, núvitund og sköpunarkraft barna.
Almenn námskeið: Kennt er einu sinni í viku í 1 klst. í senn en í lok annarinnar eru 11. og 12. tími kenndir saman og enda með sýningu í leikhúsi. Ungu leikararnir fá búning og leikhúsförðun og aðstandendur geta komið og séð börnin blómstra á alvöru leiksviði.
Allir kennarar Leynileikhússins eru starfandi sviðslistamenn með háskólamenntun í listum og góða reynslu af leiklistarkennslu og vinnu með börnum.
Námskeiðsgjöld:
Almennt námskeið er kr. 32.700.-.
Allur kostnaður er innifalinn í verðinu. Leynileikhúsið tekur á móti frístundakorti Reykjavíkurborgar og öðrum tómstundastyrkjum bæjarfélaga höfuðborgarsvæðisins. Aðeins 12 nemendur eru í hverjum hópi.
Endilega hafið samband við okkur í síma 864-9373 eða í gegnum netfangið info@leynileikhusid.is ef þörf er á frekari upplýsingum eða hjálp við skráningu.
Við hlökkum til að sjá ykkur sem flest.
Bestu leikgleðikveðjur;
Leynileikhúsið.
Ólympíuhlaup í Salaskóla 6. september
Föstudaginn 6.september er Ólympíuhlaup ÍSÍ frá kl. 11:00 -13:00 hér í Salaskóla. Hlaupið hefst stundvíslega klukkan 11:00 og lýkur klukkan 13:00. Ræst verður í hollum klukkan 11:00. Nemendur á unglingastigi leggja fyrst af stað, næst fer miðstig og síðast yngsta stig. Hringurinn sem nemendur fara í Ólympíuhlaup ÍSÍ er 2.5 km. Þess má geta að nemendur hlaupa eða ganga sama hring og í fyrra. Vert er að nefna að nemendur geta valið hversu marga hringi þeir hlaupa. Eftirfarandi reglur eru til viðmiðunar fyrir hvern árgang:
-
Nemendur í 8. – 10. bekk hlaupa 2-4. hringi (5 – 10 km).
-
Nemendur í 4. – 7. bekk hlaupa 1-4. hringi (2.5 – 10 km).
-
Nemendur í 2. – 3. bekk hlaupa 1-2 hringi (2.5 – 5 km).
-
Nemendur í 1. bekk hlaupa 1 hring með umsjónakennara. (2.5 km).
Við bjóðum þeim foreldrum sem vilja að mæta og taka þátt í þessum skemmtilega viðburði með okkur. Þeir geta líka tekið þátt í hlaupinu að hluta til. Við viljum einnig brýna fyrir foreldrum að nemendur séu klæddir eftir veðri, í góðum skóm og fatnaði til hreyfingar. Við hvetjum alla nemendur til að koma með merktan vatnsbrúsa.
Að loknu hlaupi eða frá kl 12:00 ætlar skólinn að bjóða upp á grillaðar pylsur fyrir alla.
Skólasetning föstudaginn 23. ágúst, breyting
Salaskóli verður settur föstudaginn 23. ágúst og eiga nemendur að mæta sem hér segir.
Kl. 10:00 8.-10. bekkur
Kl. 11:00 5. – 7. bekkur
Kl. 12:00 2. – 4. bekkur
Nemendur mæta í anddyri skólans, þar sem skólinn verður formlega settur, farið yfir áherslur í skólastarfinu, breytingar og nýjungar og nýir starfsmenn á stiginu kynntir.
Að því loknu fylgja nemendur kennurum sínum í kennslustofu. Þar fara kennarar yfir ýmis mál sem snúa að náminu og kennslunni, skipulagið í árganginum, umgengni um ritföng o.fl.
Markmiðið skólasetningardagsins er að hefja skólaárið á jákvæðan hátt, losa um spennu og efla félagatengsl.
Við teljum mikilvægt að foreldrar komi með börnum sínum og fái þannig innsýn inn í starf og áherslur skólans á komandi skólaári, ásamt því að hitta kennara og aðra foreldra.
Við gerum ráð fyrir að þessi athöfn taki u.þ.b. 45 mínútur, verði alls ekki lengri en klukkustund.
10. bekkur í útskriftarferð
Krakkarnir í 10. bekk vöknuðu fyrir allar aldir í morgun. Þeim var boðið í girnilegan morgunverð í skólanum í boði foreldrafélagsins. Að honum loknum skunduðu þau út í rútu sem færði þau á vita ævintýra einhvers staðar úti á landi. Þetta er síðasta verkefni þeirra hér í skólanum og af því tilefni stilltu þau sér fallega upp fyrir myndatöku.
Útivera, leikir og keppnir
Það er mikið um að vera síðustu skóladagana í Salaskóla. Við notum útisvæðið mikið á þessum árstíma og góða veðrið undanfarnar vikur hefur komið sér vel. Í dag og á morgun eru 8. og 9. bekkur með Salaskólaleikana sína. Keppa í alls konar skemmtilegum hópleikjum. Á myndinni má sjá ofan á nokkra leiki.
