Hér eru myndasögusýningar nemenda í ritum vorið 2009

Nemendur í 4. bekk sóttu námskeið í myndasögugerð í apríl og maí. Myndasögugerðin var einstaklingsverkefni og gekk út á að "ferðast" á Google Earth sem er á netinu og taka myndir á meðan á ferðalaginu stóð. Nemandinn lærði á ýmsa möguleika í Google Earth, að afrita myndir inni í hugbúnaðinum og loks að koma þeim fyrir í eigin möppu á netþjóni skólans. Þá raðaði hann myndunum úr "ferðalaginu" inn í forrit sem heitir Photostory. Í því forriti bjó hann til texta sem lýsti myndinni (frá sögulegu eða listrænu sjónarhorni). Síðan var sett inn tónlist sýningarinnar sem valin var af kostgæfni í hverju tilfelli fyrir sig. Að síðustu var  birtingarform myndanna ákveðið t.d. koma þær fljúgandi inn frá einu horni eða birtast eins og stjarna o.s.frv. Sýningar krakkanna opnast í Media player.

Gjörið svo vel að skoða afraksturinn hér.

Góða skemmtun.

Við gerðum okkur lítið fyrir í dag og grilluðum hádegismatinn okkar úti í dýrðlegu veðri. Boðið var upp á eldsteikta hamborgara með tilheyrandi meðlæti. Krakkarnir voru að vonum kát með framtakið og tóku vel til matar síns. Áform eru um að endurtaka slíkt grill fljótlega. Allir hjálpuðust að við grillið og hér má m.a. sjá húsvörðinn taka til hendinni við grillverkin. Nemendur í 10. bekk voru einnig duglegir að hjálpa til og sáu til þess að bera fram máltíðina fyrir aðra nemendur skólans. Ef smellt er á lesið meira má sjá fleiri myndir frá þessu skemmtilega hádegi.

Vikuna 26.- 30. maí  ætlum við að gera smá átak og hvetja alla nemendur til að ganga í skólann. Ef nemandi býr í öðru hverfi má fara fyrr úr strætó eða bílnum og ganga smá spöl. Við hvetjum sérstaklega krakka í prófum að koma gangandi því það hressir, bætir og kætir.

Umsjónarkennarar fá blöð hjá gönguhópnum þar sem stimplað er í reit á hverjum degi hjá viðkomandi nemanda ef hann kemur gangandi í skólann. Bekkurinn sem gengur mest í skólann fær mjög áhugaverð verðlaun. Verðlaun eru fyrir 2. og 3. sæti.
Tíu góðar ástæður til að ganga saman í skólann

• Það vekur mann
• Það er hressandi …

• Það er hollt
• Maður kemst í form
• Ókeypis líkamsrækt
• Bílar menga
• Bensín er dýrt
• Kynnist umhverfinu
• Gaman að kynnast öðrum krökkum sem ganga í skólann
• Börn og foreldrar eiga góða stund saman

Allir í Salaskóla ganga í skólann  – Þar eru hraustir nemendur-

Hér eru myndasögusýningar nemenda í lundum vorið 2009

Nemendur í lundum sóttu námskeið í myndasögugerð í apríl og maí. Myndasögugerðin var einstaklingsverkefni og gekk út á að "ferðast" á Google Earth sem er á netinu og taka myndir á meðan á ferðalaginu stóð. Nemandinn lærði á ýmsa möguleika í Google Earth, að afrita myndir inni í hugbúnaðinum og loks að koma þeim fyrir í eigin möppu á netþjóni skólans. Þá raðaði hann myndunum úr "ferðalaginu" inn í forrit sem heitir Photostory. Í því forriti bjó hann til texta sem lýsti myndinni (frá sögulegu eða listrænu sjónarhorni). Síðan var sett inn tónlist sýningarinnar sem valin var af kostgæfni í hverju tilfelli fyrir sig. Að síðustu var  birtingarform myndanna ákveðið t.d. koma þær fljúgandi inn frá einu horni eða birtast eins og stjarna o.s.frv. Sýningar krakkanna opnast í Media player.

Gjörið svo vel að skoða afraksturinn hér.

Góða skemmtun.