Category Archives: Fréttir

skk_003small.jpg

Góður árangur

Birt . Höfundur:

skk_003small.jpgNemendur og starfsfólk samfögnuðu á sal skólans í dag góðum árangri í skák og fimleikum. Eins og fram kemur hér á síðunni vann Tinna Óðinsdóttir Norðurlandameistaratitil í fimleikum á dögunum en að auki náðu Páll og Eyþór Trausti að verða Kópavogsmeistarar í skólaskák í eldri og yngri aldursflokki. Fleiri nemendur stóðu sig afar vel í skólaskákinni bæði á Kópavogsmótinu um helgina og í skákiðkun í vetur. Bikarar voru veittir í öllum aldursflokkum frá 1. bekk til 10. bekkjar. Tíundubekkingurinn Páll Andrason er skákmeistari skólans árið 2010.
Sjá fleiri myndir frá þessari montstund sem var 16. apríl 2010.

Páll Andrason og Eyþór Trausti Kópavogsmeistarar í skólaskák

Birt . Höfundur:

Meistaramót Kópavogs í skólaskák var haldið í Hjallaskóla þann 13 april 2010, og mættu alls 56 keppendur til leiks. Keppt var í tveimur aldursflokkum, 1.-7. bekk og 8.-10. Tefldar voru átta umferðir með 12 mínútna umhugsunartíma. Tveir efstu úr hvorum flokki komast svo áfram á Kjördæmismót Reykjaness. Salaskóli hafði mikla yfirburði í báðum flokkum og tók öll fjögur sætin sem komast áfram. Í eldri flokki var það hinn geðþekki Páll Andrason sem bar sigur úr býtum, Birkir Karl Sigurðsson varð annar og Guðmundur Kristinn Lee þriðji, allir úr Salaskóla. Í yngri flokki sigraði hinn efnilegi Eyþór Trausti Jóhannsson eftir spennandi keppni við félaga sinn Baldur Búa Heimisson, en Róbert Leó Jónsson, Hjallaskóla, varð þriðji. Skákstjórar voru Smári Rafn Teitsson og Tómas Rasmus.

Lokastaðan í yngri flokki efstu 10:

Sæti|Nafn                               
1|Eyþór Trausti Jóhannsson Salaskóla  7,0
2|Baldur Búi Heimisson Salaskóla       6,5
3|Róbert Leó Jónsson Hjallaskóla           6,5
4|Kristófer Orri Guðmundsson  Vatnsendaskóla   6,0
5|Hilmir Freyr Heimisson Salaskóla        6,0
6|Ásta Sonja Ólafsdóttir   Hjallaskóla       5,5
7|Hildur Berglind Jóhannsdóttir  Salaskóla 5,0
8|Atli Snær Andrésson      5,0
9|Elías Lúðvíksson      5,0
10|Arnar Steinn Helgason  Salaskóla  5,0

Eldri flokkur efstu 10 :

Sæti|Nafn                                |
1|Páll Andrason   Salaskóla      7,0
2|Birkir Karl Sigurðsson Salaskóla  6,5
3|Guðmundur Kristinn Lee  Salaskóla    6,0
4|Omar Yamak  Salaskóla        5,0
5|Tam Van Lé  Hjallaskóla 5,0
6|Ingó   Smáraskóla 5,0
7|Eiríkur Örn Brynjarsson Salaskóla 4,5
8|Arnþór Egill Hlynsson Salaskóla 4,5
9|Natthakan Khandong  Hjallaskóla        4,0
10|Óttar Atli Ottósson  Vatnsendaaskóla 4,0

Fulltrúar Kópavogs á kjördæmismóti Reykjaneskjördæmis  2010 verða því allir úr Salaskóla.

Eða Páll Andrason, Birkir Karl, Eyþór Trausti og Baldur Búi.

Kjördæmismótið verður mánudaginn 1904.2010  og hefst  kl 18.00

tinna.jpg

Tinna varð Norðurlandameistari

Birt . Höfundur:

Við hér í Salaskóla samgleðjumst innilega Tinnu Óðinsdóttur sem er í 10. bekk  og vann það einstaka afrek um helgina að verða Norðurlandameistari á slá í áhaldafimleikum. Lið Gerplu sem Tinna var liðsmaður í vann einnig silfur á þessu Norðurlandamóti í áhaldafimleikum.

tinna.jpg
 

9._bekkur_laugar_003.jpg

Níundubekkingar dvöldu á Laugum

Birt . Höfundur:

Tengill í myndir. 
Níundubekkingar dvöldu á Laugum alla síðastliðna viku ásamt nemendum úr Ingunnarskóla í Grafarholti. Viðfangsefni voru af margvíslegum toga s.s. hópefli, útivist og sirkuskúnstir sem margir náðu gríðarlega góðri færni í. Nemendum var skipt upp í þrjú lið sem söfnuðu stigum allan tímann meðan á dvölinni stóð. Það lið sem náði flestum heildarstigum í lokin vann hina svokölluðu Laugaleika.

9._bekkur_laugar_003.jpg

Dvölin endaði á miklu sundlaugarpartýi. Níundubekkingarnir okkar voru sjálfum sér og öðrum til sóma og voru almennt mjög ánægðir með ferðina. 

islandsmot.jpg

Salaskóli í þriðja sæti

Birt . Höfundur:

islandsmot.jpg
Salaskóli varð í þriðja sæti á Íslandsmóti grunnskólasveita sem fram fór 21. mars síðastliðinn í Vetrargarðinum í Smáralind. Það var d-sveit skólans sem varð efst d-sveita. Það var Skákakademía Reykjavíkur sem stóð fyrir mótinu. Við óskum skáksnillingunum til hamingju með frábæran árangur. Nánar um mótið hér.

Krúsilíus

Birt . Höfundur:

Næstkomandi  miðvikudag 24. mars er  foreldrum  boðið á tónleika. Þar munu börnin í 1. – 4. bekk syngja valin lög af plötunum Krúsilíus og Berrössuð á tánum. Lög og textar eru öll eftir Aðalstein Ásberg Sigurðsson.

Tónleikar þessir eru afrakstur af samstarfi bekkjarkennara sem kenndu textana,Heiðu sem stjórnar samsöng og Ragnheiðar kórstjóra. Okkur fannst spennandi að taka þessi lög fyrir, því bæði eru þau fjörug og hugmyndarík auk þess sem textarnir eru bráðsnjallir. Tónleikar 3.- 4. bekkjar og yngri kórsins eru  kl. 8:30 í sal skólans. Tónleikar  1.-2. bekkjar og yngri kórssins eru kl. 10:00 í sal skólans. Kær kveðja,  kennarar

 

Síðasta morgunkaffið í morgun!

Birt . Höfundur:

Í morgun mættu foreldrar 10. bekkinga í morgunkaffi með skólastjórnendum. Þetta var 19. morgunkaffið frá frá því í janúar. Alls mættu 397 foreldrar, 163 pabbar og 234 mömmur, foreldrar 296 barna. Eins og í fyrra var 100% mæting í lóum einum bekkja, en nokkrir aðrir komu fast á hæla þeirra.

 

Margt var spjallað. Eineltismál bar á góma sem og skólastarfið almennt. Hvert kaffiboð endaði á heimsókn í bekkinn.

Foreldrar fylltu út matsblöð og skrifuðu eitthvað tvennt sem vel er gert og eitthvað sem betur má fara í skólanum. Við erum nú að finna úr þeim blöðum og látum vita þegar skýrsla liggur fyrir.

Við þökkum foreldrum fyrir góða þátttöku og mikinn áhuga á skólastarfinu.

Páskabingó þriðjudaginn 23. mars

Birt . Höfundur:

Páskabingó foreldrafélags Salaskóla verður haldið þriðjudaginn23 mars n.k. Bingó fyrir 1-4 bekk og fjölskyldur þeirra verður kl 17:15  Bingó fyrir 5-10 bekk og fjölskyldur þeirra verður kl 19:30  Vinningar verða að sjálfsögðu páskaegg ofl.Bingóspjaldið kostar kr 300.-