Category Archives: Fréttir

skolinnbyrjar

Skólinn settur

Birt . Höfundur:

skolinnbyrjar
Í dag, 21. ágúst, var Salaskóli settur í 13 sinn en þá mættu nemendur í andyri skólans og voru skipaðir í bekki af skólastjórnendum. Síðan fóru þeir með umsjónarkennara sínum í kennslustofu bekkjarins þar sem afhent var stundaskrá og spjallað saman. Margir foreldrar fylgdu börnum sínum til skóla í dag. Það er alltaf eftirvænting hjá krökkunum að byrja aftur, gaman að hitta félagana og setja dagana í fastar skorður. Flestir eru broshýrir, jafnvel sposkir á svipinn en aðrir hljóðir og pínulítið feimnir sem er afar eðlilegt við þessar aðstæður. Í Salaskóla eru um 520 nemendur núna og hafa þeir aldrei verið fleiri, af þeim sökum er búið að setja niður tvær lausar skólastofur á skólalóðinni sem hafa fengið heitin Fjallasalur og Skógarsalur. Við, starfsfólkið í Salaskóla, hlökkum til starfsins í vetur. Skóli hefst samkvæmt sundaskrá á morgun, föstudag, hjá öllum nema 1. bekkingum sem verða boðaðir sérstaklega. Myndir frá skólasetningu.

Skólasetning

Birt . Höfundur:

Skólasetning Salaskóla verður fimmtudaginn 22. ágúst. Nemendur mæta sem hér segir:

2., 3. og 4. bekkur        kl.   9:00
5., 6. og 7. bekkur        kl. 10:00
8., 9. og 10. bekkur      kl. 11:00

Kennsla í 2. – 10. bekk hefst samkvæmt stundaskrá föstudaginn 23. ágúst. 

Nemendur sem eru að fara í 1. bekk verða sérstaklega boðaðir með foreldrum sínum dagana 22. og 23.  ágúst. Kennsla skv. stundaskrá hefst í 1. bekk mánudaginn  26. ágúst. 

Dægradvöl opnar föstudaginn 23. ágúst en lokainnritun fer fram þriðjudaginn 22. ágúst.

Við bjóðum nýjum nemendum öðrum en þeim sem eru að fara í 1. bekk í heimsókn í skólann þriðjudaginn 20. ágúst kl. 12. 

Til foreldra í 1. – 4. bekk

Birt . Höfundur:

Ritfangaverslanir auglýsa nú rækilega tilboð sín til foreldra skólabarna. Heimkaup hefur sett lista allra skóla upp á heimasíðu sinni en þegar listar okkar í Salaskóla eru bornir saman við listana sem eru á heimasíðu verslunarinnar ber þeim ekki saman. Þetta á við um 1. – 4. bekk.

Þar verðum við með sameiginleg innkaup á ýmsum vörum og höfum því ekki sett þá á listana. Biðjum ykkur um að athuga þetta og miða innkaupin við það sem á okkar listum stendur en þeir eru allir á heimasíðu skólans. Svo minnum við ykkur bara á að kanna hvað er til síðan síðasta vetur því óþarfi er að kaupa það sem er til. 

Starfið hafið í Salaskóla

Birt . Höfundur:

Salaskóli hefur verið opnaður eftir sumarleyfi. Við erum að leggja lokahönd á undirbúning skólaársins, innrita nýja nemendur, ráða starfsfólk sem vantar, koma húsnæðinu í gott horf o.s.frv. Það er mikilvægt fyrir okkur að fá að vita strax um nýja nemendur og einnig ef einhver er að fara í annan skóla.

Við hlökkum til samstarfsins við ykkur öll í vetur.

Sumarleyfi

Birt . Höfundur:

Skrifstofa Salaskóla er lokuð vegna sumarleyfa frá 18. júní. Opnað verður aftur  8. ágúst. Hægt er að skrá nýja nemendur í skólann hér á vefnum. Einnig er hægt að koma áríðandi skilaboðum til skólans með því að senda tölvupóst til skólastjóra hafsteinn@salaskoli.is  Hafið það gott í sumar.

 

Útskrift og skólaslit

Birt . Höfundur:

Í dag, 4. júní,  þreyta 10. bekkingar sitt síðast próf í grunnskóla og halda að því loknu í tveggja daga útskriftarferð.
Fimmtudagskvöldið 6. júní, kl. 20:00, verða þeir svo útskrifaðir úr skólanum við hátíðlega athöfn. Foreldrar koma með sínum 10. bekking og allir koma með eitthvað á kaffihlaðborðið.
Föstudaginn 7. júní eru skólaslit og þeim verður skipt í tvennt. Helmingur nemenda í 1. – 9. bekk mætir kl. 10 og hinn hlutinn kl. 1030. Í fyrstu verður safnast saman í andyri skólans þar sem við eigum góða stund saman og eftir það gengur hver bekkur til sinnar stofu með umsjónarkennara sínum. Foreldrar eru velkomnir ef þeir vilja. Skólaslitin taka um 40 mínútur. Dægradvölin er opin frá kl. 800 – 1200. Þeir sem ætla að nýta sér hana þurfa að láta vita. Þeir bekkir sem eiga að mæta kl. 10:00 eru: sólskríkjur, músarrindlar, lóur,tildrur, tjaldar, jaðrakanar, súlur, lundar, kjóar, krummar, mávar

Kl. 10:30 mæta svo: glókollar, hrossagaukar, þrestir, vepjur, spólar, svölur, ritur, kríur, teistur, smyrlar, hrafnar

Vormyndasöfn:

Útskrift 10. bekkjar 6. júní 
Skólaslit 1. – 9. bekkjar 7. júní 

Vorhátíð foreldrafélagsins 

vala

Skákin komin í sumarfrí í Salaskóla.

Birt . Höfundur:

vala
Mikil aðsókn hefur verið á skákæfingar í Salaskóla í vetur oftast á milli 30 og 40 krakkar á hverri æfingu. Á lokaæfingunni 7.05.2013 mættu tæplega 30 krakkar og fengu þau að taka þátt í sérstakri skákþrautakeppni. Veitt voru verðlaun fyrir bestu lausnir hjá drengjum og stúlkum. 

Bestu lausnir í stúlknaflokki átti Guðrún Vala Matthíasdóttir  í 6. bekk mávum. 
Bestu lausnir í drengjaflokki átti  Ágúst Unnar Kristinsson  6. bekk kríum. Vala og Ágúst eru því skákþrautadrottning og skákþrautakóngur Salaskóla árið 2013.

kiwanis

Kiwanis kemur færandi hendi

Birt . Höfundur:

kiwanis

Í dag fór fram afhending reiðhjólahjálma til fyrstu bekkinga hér í Salaskóla en þetta verkefni Kiwanishreyfingarinnar er í samstarfi við Eimskip í ár eins og undanfarin ár. Nemendur í 1. bekk voru boðaðir á sal til þess að taka á móti hjálmunum úr hendi félaga í Kiwanisklúbbnum Eldey í Kópavogi. Krakkarnir voru afar ánægð með heimsóknina, tóku á móti gjöfinni glöð í bragði og tóku loforð af þeim félögum að nota hann alltaf við hjólreiðar. Þau þökkuðu síðan Kiwanismönnum fyrir sig með því að syngja fyrir þá skólasöng Salaskóla.