Nemendur í 9. bekk eru nú að stíga upp í rútu sem fer með þá í skólabúðirnar á Laugum í Sælingsdal. Þarf verða þau þessa viku. Unnið verður að ýmsum verkefnum og ekki kæmi á óvart að Laxdæla bæri eitthvað á góma.  

Næstkomandi föstudag, 13. mars, verður skipulagsdagur í Salaskóla. Daginn nota kennarar í að meta starfið undanfarna mánuði og leggja línurnar fyrir síðasta áfanga skólaársins. Þá verður einnig gengið frá umbótaáætlun vegna úttektar sem Menntamálaráðuneytið gerði á Salaskóla rétt fyrir jól. Það eru sem sagt ærin verkefni sem liggja fyrir sem ekki gefst tími til að vinna dagsdaglega. Dægradvölin er opin þennan dag. 

Á skólaþingi nemenda 12. febrúar sl. var rætt um matartímana. Fram komu ýmsar góðar hugmyndir sem við höfum nú tekið saman og unnið úr þeim annars vegar viðmið fyrir matartímana og reglur um matartímana hins vegar. Nemendur eiga í raun allan heiður af þessu. Þetta er hægt að sjá hér:

Reglur í matartíma

Máltíðir í Salaskóla

Inn­ritun 6 ára barna (fædd 2009) fer fram í Salaskóla mánudaginn 2. og þriðjudaginn 3. mars. Sömu daga fer fram inn­ritun nemenda sem flytjast milli skóla­hverfa og þeirra sem flytja í Kópa­vog eða koma úr einka­skólum. Haustið 2015 munu skólinn hefjast með skólasetningardegi mánudaginn 24. ágúst. 

Innritunin fer fram á skrifstofu skólans frá kl. 9:00 – 15:00 báða dagana. Það er bæði hægt að koma á skrifstofuna til að innrita eða gera það í gegnum síma, 570 4600. 

Vorskóli fyrir 6 ára börnin verður dagana 7. og 8. maí nk. Fyrri daginn verður jafnframt námskeið fyrir foreldra. Við auglýsum það nána síðar. 

Öskudagur verður með hefðbundnum hætti í Salaskóla. Nemendur mæta á bilinu 8:10 – 9:00 í skólann, en kl. 9:00 eiga allir að vera komnir til umsjónarkennara.

Við gefum þetta svigrúm svo allir geti klætt sig í sinn búning án þess að vera í miklu stressi. Hér verður boðið upp á andlitsmálningu ef þarf. Það verður ýmislegt í gangi og vonandi skemmta allir sér vel. 

Kl. 1130 – 1200 verður pizza í matinn og þeir sem ekki eru í mat geta keypt mat þennan dag. Það þarf að panta það í síðasta lagi á þriðjudagsmorgun og koma með pening fyrir pizzunni, 420 kr. og láta umsjónarkennara fá. Nóg að panta mat hjá umsjónarkennara. 

Skólinn er sem sagt til 12 þennan dag. Dægradvölin opin eftir það. Við viljum taka skýrt fram að nemendur mega ekki yfirgefa skólann fyrr nema fá leyfi áður. 

Stjórn foreldrafélagsins ákvað að gefa ekki sælgæti þetta árið, heldur frekar að hvetja íbúa Salahverfis að taka vel á móti börnunum sem munu ganga í merkt hús á milli klukkan 17 og 19 og syngja í von um eitthvað góðgæti.
Þau banka bara á þær dyr sem eru merktar með miðanum Gleðilegan öskudag eða eitthvað álíka. Einnig væri sniðugt að auðkenna húsin og stigagangana með t.d. blöðrum. Börnin eru að sjálfsögðu á ábyrgð foreldra á meðan þessu fer fram og alls ekki úr vegi að taka göngutúrinn með þeim.Ef einhverjir hafa ekki áhuga á að vera með, þá bara einfaldlega gera þau ekki neitt.

Síðan er um að gera að láta þá vita sem ekki eru með börn í Salaskóla af þessu.