Næsta föstudag, 2. mars, verður fræðslufundur um netfíkn hér í Salaskóla fyrir foreldra og nemendur í 5. og 6. bekk. Eyjólfur Örn Jónsson, sálfræðingur fræðir foreldra og það er mjög mikilvægt að allir foreldrar mæti, eiginlega bara skyldumæting. Fundurinn hefst kl. 815 og er í klukkukstund. Þegar Eyjólfur Örn hefur rætt við foreldra mun hann halda fund með nemendum.

6. mars verður svo annar fundur fyrir foreldra í 7. og 8. bekk og þeir sem eiga líka börn í þeim árgöngum þurfa aðeins að mæta á annan fundinn.

Veðurstofan spáir vitlausu veðri í fyrramálið í Kópavogi og víðar.
Veðrið verður að líkindum mjög slæmt þegar krakkar halda af stað i
skólann og foreldrar í vinnu. Eins og endranær munum við opna skólann
á réttum tíma foreldrar verða sjálfir að meta hvort og hvenær þeir
koma börnum sínum í skólann. Líklegt er að færð spillist og umferð
gangi treglega og auðvitað er líka spurning um hvort yfirleitt sé
skynsamlegt fyrir fólk að halda af stað meðan veðrið er sem verst. Það
verða því allir að fylgjast vel með og alls ekki að senda yngri börn
án þess að fylgja þeim. Fylgist með tilkynningum í fyrramálið.

Biðjum alla að setja öryggið framar öllu. Ef allir fara af stað rétt
um átta á bílum sínum og aka börnum sínum í skólann verður
umferðaröngþveiti þar og ástand verður hættulegt. Við mælum því með
því að þið takið því bara rólega í fyrramálið og skutlið krökkunum
þegar þið sjálf treystið ykkur til að fara á bílnum í vinnuna.

Það er mikið álag á skrifstofu Salaskóla undir þessum kringumstæðum og
við biðjum ykkur ekki um að hringja í skólann nema erindið sé mjög
brýnt. Sendið frekar tölvupóst á ritari@salaskoli.is

Ef þið þurfið að aka börnunum í skólann t.d. vegna leiðinda veðurs þá biðjum við ykkur um að nota hringtorfið við skólann til að sleppa þeim út. Það er miklu öruggara en að fara inn á bílaplanið. Strætó er hættur að fara í hringtorgið og þetta er því í góðu lagi. Ef það er mikil traffík þá er hringtorgið stórt og nóg pláss sem sjálfsagt er að nota. Við höfum einnig fengið ábendingar um að einhverjir fara í Suðursali og hleypi börnum út þar. Það skapar óþarfa hættu þar. Notið frekar hringtorgið við skólann.

Förum varlega í umferðinni!

English below
Nú hefur Veðurstofa Íslands spáð fyrir um appelsínugula viðvörun með suðaustan stormi fyrir höfuðborgarsvæðið í dag milli 16:30 og 19:30. Veður hefur versnað á höfuðborgarsvæðinu og eru foreldrar og forráðamenn beðnir að sækja börn sín í lok skóla eða frístundastarfs. Börn eru óhult í skóla og frístundastarfi þar til þau verða sótt. Hér er átt við börn yngri en 12 ára.

Það verður líklega mjög mikið rok í Salahverfi og við biðjum foreldra um að sækja börn sín í dægradvöl. Skynsamlegt að vera á ferðinni fyrir kl. 1600 því það verður arfavitlaust eftir það. Auk þess er mjög hált og erfitt að fóta sig. Börn verða ekki send ein heim gangandi eftir kl 1500.

Enska:

Announcement 3. In the afternoon if the weather worsens during school and after-school programs.

The weather conditions in the Reykjavik area has deteriorated and parents and guardians, of children younger than 12,are asked to pick up their children at the end of the school day or afterschool programs.
We ask parents to pick up their children not later than 4 o´clock because the weather will probably be very bad here in Saladistrict. Take care of slippery in the schoolyard. We will not send the children walking home after 3 o´clock.

Að gefnu tilefni boða stjórn Foreldrafélags Salaskóla og skólastjórnendur til fundar í sal skólans þriðjudaginn 24. október kl. 17:30 – 18:30. Tilgangur fundarins er að upplýsa uppákomur sem orðið hafa við Hörðuvallaskóla á kvöldin, hópamyndanir m.a. með þátttöku barna úr Salaskóla. Einnig munum við ræða hvernig megi bregðast við eignaspjöllum og þjófnaði sem hefur átt sér stað í hverfinu undanfarið. Mætum og látum okkur málið varða.

Þar sem búast má við mikilli fundarsókn er skynsamlegt að þeir sem geta komi fótgangandi til fundarins því hörgull kann að verða á bílastæðum.