Á fimmtudag og föstudag 25. og 26. september verða fjölgreindaleikar Salaskóla.
Category Archives: Fréttir
Grænlenskir nemendur í Salaskóla
Þessa dagana taka grænlenskir nemendur þátt í skólastarfi með 6. bekkingum í Salaskóla. Um er að ræða 13 nemendur frá Grænlandi sem dvelja á Íslandi um tíma til þess að læra og æfa sund í sundlauginni í Versölum. En það mun vera samstarfsverkefni Íslands og Grænlands um sundkennslu. Grænlensku nemendurnir fara í sund a.m.k. tvsivar á dag en þess á milli fá þeir að taka þátt í kennslu með sjöttubekkingum. Sést hefur til nemendanna að tafli og í leiklistarstarfi og einnig hafa nemendur verið að skiptast á grænlenskum og íslenskum orðum sem hengd eru síðan upp öðrum til fróðleiks.
Skák í Salaskóla
Nú er vetrarstarfið í skákinni að hefjast í Salakóla. Nemendur geta komið á eftirfarandi æfingar:
Byrjendur ( og þeir sem eru í dægradvöl): 1, 2 og 3. bekkur – miðvikudaga og/eða föstudaga kl 13:30 til 14:30
Kennari: Sigurlaug Regína, skráning hjá viðkomandi umsjónarkennara eða ritara í tölvupósti asdissig@kopavogur.is
Lengra komnir – allur aldur þriðjudaga kl: 14:30 til 16:10
Kennari: Tómas Rasmus.
Úrvalshópur þeir sem vilja pæla djúpt, þriðjudaga kl: 14:30 til 16:10
Kennari: Henrik Danielsen stórmeistari.
Hægt er að lesa um skákárið í fyrra á heimasíðu Salaskóla undir liðnum þróunarstarf – skák
Námskynningar fyrir foreldra
Námskynningar verða í skólanum á næstu dögum og vonumst við eftir góðri mætingu foreldra á þær. Kynningarnar eru kl. 17:30 til 18:30 og verða sem hér segir:
| mið. 3. september | 6. og 7. bekkur |
| fim. 4. september | 2. bekkur |
| mán. 8. september | 5. bekkur |
| mán. 8. september | 8. 9. og 10. bekkur – mætt fyrst á sal |
| þri. 9. september | 4. bekkur |
Kynningar hjá 1. og 3. bekk verða auglýstar síðar.
Skólastarf fer vel af stað
Nú er fyrsta vikan í skólanum brátt á enda. Skólastarfið hefur farið vel af stað og nemendur komu endurnærðir til leiks eftir sumarið. Yngstu nemendurnir hafa tekið góðan tíma í að aðlagast skólanum, sumir bekkir hafa farið í ferðalög til að kynnast betur en jákvæðni og metnaður einkennir nemendur Salaskóla. Inni á myndasafni skólans eru komnar myndir frá skólasetningu. Skoðið nánar hér.
Val í 9. og 10. bekk
Nemendur í 9. og 10. bekk eiga nú að velja valgreinar sem þeir vilja taka á haustönn. Farið inn á valsíðu með því að smella hér. Nemendur þurfa að velja fyrir miðnætti fimmtudagsins 28. ágúst.
Drengjum og stúlkum kennt á ólíkan hátt!
Almennur fyrirlestur fyrir foreldra og annað áhugafólk um skólamál
Fimmtudaginn 21. ágúst kl. 19:30 mun Kelley King halda almennan fyrirlestur í hátíðarsal Breiðholtsskóla. Fyrirlesturinn verður á ensku.
Kelley fjallar um mun á strákum og stelpum og hvernig hægt er að koma til móts við kynjamun í uppeldi og kennslu.
Foreldrar og annað áhugafólk er hvatt til að mæta.
Þessa dagan stendur Breiðholtsskóli fyrir námskeiðum og fyrirlestri um ólíka nálgun við kennslu drengja og stúlkna. Hátt í 200 kennarar sækja námskeiðin en þau eru ætluð kennurum sem hug hafa á að ná betur til nemenda sinna og minnka um leið bilið á milli árangurs drengja og stúlkna í skólanum.
Mikill munur á árangri drengja og stúlkna
Í niðurstöðum samræmdra prófa hérlendis sem víða erlendis kemur fram mikill munur á árangri drengja og stúlkna. Þessi munur virðist hafa farið vaxandi og er víða umræðuefni meðal áhugafólks um skólamál. Rannsóknir sýna að drengir og stúlkur hafa ekki aðeins mismunandi hormónaframleiðslu heldur er einnig munur á hvernig heilinn starfar. Kelley King fjallar um hvernig við nýtum okkur þessa þekkingu og kemur með raunhæfar leiðbeiningar til foreldra um hvernig við getum eflt getu bæði drengja og stúlkna til að ná betri árangri í námi.