Aðalfundur foreldrafélags Salaskóla verður þriðjudaginn 15. nóvember nk. Á fundinum verða venjuleg aðalfundarstörf, kosið í stjórn og fulltrúa í skólaráð. Kolbrún Baldursdóttir sálfræðingur kemur á fundinn og flytur erindi um einelti – einkenni þess, viðbrögð þegar það kemur upp og hvernig er hægt að stuðla að því að draga úr einelti. Allir foreldrar hvattir til að mæta. Fundurinn verður í sal Salaskóla og hefst kl. 20:00

Á næstu vikum bjóða stjórnendur Salaskóla foreldrum í morgunkaffi. Fyrirkomulagið er þannig að foreldrar nemenda í hverjum bekk fyrir sig mæta kl. 8:10 á kaffistofu starfsmanna, fá sér kaffisopa og spjalla við skólastjórnendur um skólastarfið. Eftir spjallið er bekkurinn heimsóttur í kennslustund og svo er allt búið kl. 9:00

Meðan á kaffispjallinu stendur skrifa foreldrar á blað það sem þeim finnst gott í starfi skólans og það sem má bæta.

Morgunkaffi með foreldrum er siður sem var tekinn upp fyrir nokkrum árum í Salaskóla. Þetta er kjörinn vettvangur fyrir foreldra að ræða skólastarfið við stjórnendur og fyrir stjórnendur að koma sjónarmiðum á framfæri við foreldra. Þá kynnast foreldrar einnig innbyrðis sem er ekki síður mikilvægt.

Dagsetningar eru þessar:
8. nóv – álftir
9. nóv – súlur
10. nóv – langvíur
11. nóv – teistur
15. nóv – lundar
16. nóv – ritur
17. nóv – mávar
18. nóv – kríur
22. nóv – steindeplar
29. nóv – starar
30. nóv – maríuerlur
1. des – stelkar
2. des – sólskríkjur
6. des – glókollar
7. des – þrestir
8. des – spóar

9. des – lóur

13. des – sendlingar

14. des – hrossagaukar

15. des músarindlar

Unglingadeildin er svo eftir áramót

Siggi kokkur, sem hefur verið hjá okkur til margra ára og átt stóran þátt í að móta þá ágætu matarmenningu sem hér ríkir, er nú farin í veikindaleyfi. Við starfi hans tók Klara Björnsdóttir kokkur, en hún er reyndur skólakokkur. Við bjóðum hana velkomna til starfa. Vænta má einhverra breytinga á matseðlinum því nýtt fólk kemur alltaf með eitthvað nýtt.

Föstudaginn 30. september er skipulagsdagur í Salaskóla. Nemendur eiga frí en dægradvölin er opin frá kl. 8:00. Þennan dag er sameiginlegur skipulagsdagur í öllum grunnskólum Kópavogs og hann verður að þessu sinni haldinn í Salaskóla. Hér verða um 500 starfsmenn skólanna á námskeiðum og fræðslufundum allan daginn. Þar sem mikið álag verður á skólanum biðjum við þá foreldra sem ætla að nýta sér dægradvölina að láta okkur vita með því að senda tilkynningu  á netfang dægradvalar egg@salaskoli.is

Nýir nemendur Salaskóla, aðrir en þeir sem fara í 1. bekk, eru boðnir í heimsókn og skólaskoðun fimmtudaginn 18. ágúst kl. 11:30. Foreldrum þeirra að sjálfsögðu einnig.

Niðurstöður viðhorfakönnunarinnar má nálgast hér.

Salaskóla verður slitið mánudaginn 6. júní kl. 13:00. Nemendur mæta í sínar kennslustofur og ganga þaðan í hátíðarsal skólans, Klettagjá, þar sem skólanum verður slitið. Að loknum skólaslitum hefst vorhátíð foreldrafélagsins og þar verður mikið húllumhæ og boðið upp á grillaðar pylsur að venju. Nemendur eiga ekki að mæta í skólann fyrr en kl. 13:00 þennan dag, en dægradvölin er opin frá kl. 8:00 og fram að skólaslitum.