Á morgun er öskudagur og eins og venjulega er það svolítið öðruvísidagur í Salaskóla. Nemendur mæta í grímubúningum í skólann og taka þátt í alls konar skemmtilegum verkefnum. Unglingadeildin hefur fengið sína dagskrá og valið sig inn á verkefni.

Nemendur í 1. – 7. bekk: Nemendur mæta á bilinu 8:10 – 9:00 í skólann. Við gefum þetta svigrúm svo þeir sem þurfa lengri tíma til að koma sér í búninginn geti það. Allir eiga að vera mættir í sínar stofur kl. 9:00.
Ávextir eru í nestistímanum eins og venjulega og kl. 11:30 – 12:00 er boðið upp á pylsur. Ekkert nammi eða nammipokar í skólanum. Skólastarfið er búið kl. 12:00 og þá opnar dægradvölin fyrir þá sem þar eru.

Árshátíð unglingadeildar er á fimmtudagskvöldið. Þar verður örugglega gaman enda margt til skemmtunar eins og venjulega og góður matur. Unglingadeildin fær frí í fyrsta tíma á föstudeginum.

Vetrarleyfi eru í næstu viku, 5. og 6. mars. Þá er skólinn alveg lokaður, dægradvölin líka

Skipulagsdagur er mánudaginn 23. mars. Dægradvölin er opin þennan dag.

Það er opið í Bláfjöllum í dag og það verður því skíðadagur hjá 6. og 7. bekkingum. Það blæs svolítið í fjöllunum en vindur er að ganga niður og búast má við fínu veðri þegar líður á morguninn. Það verður kalt og allir verða að vera vel klæddir og muna eftir nestinu. Rúturnar fara frá skólanum kl. 9:15 og nemendur verða að mæta tímanlega. Góða skemmtun!

Krakkarnir í 7. bekk eru með samstarfsverkefni við jafnaldra sína í japönsku skóla. Þetta er hluti af alþjóðlegu samstarfi Salaskóla sem UNESCO skóla. Þau hafa átt í ýmsum samskiptum, hist á „skype“- fundum og skipst  á ýmsum upplýsingum.

Þau gerðu svo þetta listaverk í samstarfi við japönsku krakkana. Japönsku krakkarnir máluðu einn helminginn og við hinn og sendum svo út til Japans. Þetta verður sýnt á Ólympíuleikunum í ár. Glæsilegt hjá þeim!

Í Salaskóla erum við að taka í notkun glænýtt, fullkomið hljóðver. Þar verður hægt að taka upp tónlist, hlaðvörp og bara það sem okkur dettur í hug. Heiðurinn af þessu hljóðveri eiga nokkrir krakkar í 9. og 10. bekk sem settu fram vel mótaða hugmynd, studda af fjárhags- og framkvæmdaáætlun. Hugmyndin fékk góðan hljómgrunn og skólinn og félagsmiðstöðin Fönix tóku höndum saman með þessum nemendum og gerðu hugmyndina að veruleika.  Nemendurnir tóku að sér að útbúa góða aðstöðu fyrir hljóðverið, máluðu, einangruðu og settu upp þann búnað sem þurfti. Hljóðverið verður tekið í notkun eftir helgi og má því vænta þess að á næstunni verði settir í loftið hlaðvarpsþættir af ýmsu tagi ásamt frumsaminni tónlist svo eitthvað sé nefnt.

Hljóðverið bætist við góðan aðbúnað í Salaskóla en áður var búið að koma upp góðu tækniveri og aðstöðu til myndvinnslu . Allt þetta ýtir undir fjölbreytta nálgun í námi og gefur nemendur færi á að vinna verkefni í hæsta gæðaflokki.

Þess má geta að um leið og hljóðverið opnar fer af stað valgrein sem nýtir aðstöðuna og nemendur sjá sjálfir um að námið og kennsluna. Þekking á þessu sviði liggur hjá þeim og þeir mun læra hver af öðrum og leita saman að lausnum á þeim verkefnum sem mæta þeim.

Verðlaunaafhending fyrir fjölgreindaleika 2019. Einnig voru veitt verðlaun fyrir ólympíuhlaupið 2019, 4.bekkur hljóp mest og 10.bekkur þar á eftir. Kennarar þessa árganga tóku á móti viðurkenningunni. Þess má geta að skólinn hljóp samtals 2870 km, sem eru rúmlega 2 hringir í kringum landið. 

Myndirnar eru teknar af Daníel Woodard í 9.bekk.

Farið inn á þennan tengil og fylgið leiðbeiningum https://www.surveymonkey.com/r/QTX7NYG