Á öskudag verður skóladagurinn dálítið öðruvísi en venjulega. Það verður nefnilega öskudagsgleði í skólanum og dagskráin fjörug og fjölbreytt. Allir mega koma í búningum og þess vegna þarf ekki að mæta fyrr en kl. 9:00, en skólinn opnar samt á venjulegum tíma og allir eru velkomnir strax þá. Svo er ýmiskonar dagskrá, leikir, söngur, dans og gleði til kl. 11:30 – þá er pylsuveisla og allir fá pylsur – allir. Skólinn er svo búinn kl. 12:00, en dægradvölin er opin eins og venjulega. Með þessu erum við að koma til móts ólík sjónarmið varðandi öskudag, þ.e. að vera með öðruvísi skóladag og þeir sem vilja geta svo farið og sungið fyrir nammi eftir að skóla lýkur.

Inn­ritun 6 ára barna (fædd 2005) fer fram í Salaskóla mánudaginn 7. og þriðjudaginn 8. mars frá kl. 9:00 – 15:00. Sömu daga fer fram inn­ritun nemenda sem flytjast milli skóla­hverfa og þeirra sem flytja í Kópa­vog eða koma úr einka­skólum.

Við hvetjum foreldra til að koma með börn sín á skrifstofu skólans til að innrita þau. Það er þeirra fyrsta heimsókn í skólann með foreldri og liður í að venja þau við nýjan skóla. 

Þann 17 febrúar verður starfsfólk Leikskólans Fífusalir með Bingó í sal Salaskóla.
Bingóið byrjar kl 17.30 og er áætlað að það standi til 19.00
Spjaldið er á 500 krónur
Mjög veglegir vinningar í boði einnig verður til sölu á vægu verði, pizza & gos/safi.
Ágóðinn rennur í námsferð starfsmanna til Boston

Fimmtudaginn 24. og föstudaginn 25. febrúar er vetrarleyfi í grunnskólum Kópavogs. Þessa daga liggur öll starfsemi skólanna niðri. Mánudaginn 28. febrúar er skipulagsdagur í Salaskóla. Kennsla fellur niður en dægradvölin er opin frá kl. 8:00.

Það er bálhvasst í Salahverfi og ugglaust strengir hér og hvar. Við erum mætt í skólann og búin að opna hann. Við hvetjum foreldra til að fylgja börnum sínum í skólann. Veðrið á að ganga niður með morgninum og höfum umburðarlyndi þó að yngri börnin mæti eitthvað seinna í dag.

Bingóið verður þó aðeins blási. Það verður ekki illviðri fyrr en eftir að bingóinu lýkur. Fullt af góðum vinningum bíða þess að komast í hendur á góðum krökkum. Kaffi, gos og góðgæti selt á staðnum.

Spáð er óveðri í kvöld og fram á föstudagsmorgun sunnan- og vestanlands. Vakin er athygli á því að kennsla fellur sjaldan niður í skólanum vegna veðurs en foreldrar ákveða sjálfir hvort þeir senda börn sín í skólann eða ekki. Nánari upplýsingar:

Röskun á skólastarfi vegna veðurs

Disruption of school operations due to storms

Næsta fimmtudag, 10. febrúar, verður bingó í Salaskóla  fyrir nemendur í 1-7. bekk og fjölskyldur þeirra. Fullt af góðum vinningum og spjaldið á 300 kr. Bingóið hefst kl. 17:30 og stendur til 19:00.

Það eru nemendur í 10. bekk sem standa fyrir bingóinu og rennur ágóðinn í sjóð vegna útskriftarferðar þeirra.

Næsta fimmtudag, 10. febrúar, verður bingó í Salaskóla  fyrir nemendur í 1-7. bekk og fjölskyldur þeirra. Fullt af góðum vinningum og spjaldið á 300 kr. Bingóið hefst kl. 17:30 og stendur til 19:00.

Það eru nemendur í 10. bekk sem standa fyrir bingóinu og rennur ágóðinn í sjóð vegna útskriftarferðar þeirra.

Það er hvasst og kalt í dag og við bendum foreldrum á að erfitt getur verið fyrir yngstu börnin að ganga í skólann. Hvetjum foreldra til að fylgja þeim. Almannavarnir hafa sett vinnureglur fyrir skóla vegna óveðurs. Þær má finna með því að smella hér .

Bendum líka á vinnureglur Salaskóla í óveðri:

1. Skóla er aldrei lokað í óveðri nema fyrir tilstilli almannavarnanefndar. Foreldrar verða að geta treyst því að skóli sé opinn hafi almannavarnir eða skólaskrifstofa ekki gefið út sérstaka tilkynningu um annað.

2. Ætlast er til að foreldrar meti sjálfir hvort þeir senda börn sín í skóla þegar óveður geisar. Sé þeim haldið heima þarf að tilkynna það til skóla eins og önnur forföll. Séu börnin hins vegar send í skóla er þess vænst af foreldrum að þeir fylgi börnum sínum í skólann og sæki þau að loknum skóladegi.

3. Ætlast er til þess af þeim kennurum sem kenna í síðasta tíma á stundaskrá hvers bekkjar að þeir sjái svo um að börnin fari ekki ein út í óveður að afloknum skóladegi. Heimferð þeirra sé tryggð – ella sé börnunum haldið í skóla þar til foreldrar sækja þau eða aðrar ráðstafanir hafa verið gerðar.

4. Telji foreldrar vafasamt að senda börn í skóla vegna óveðurs áréttar skólinn að aldrei sé teflt í tvísýnu, öryggi barnanna sitji ávallt í fyrirrúmi.

5. Verði símasambandslaust við skólann þegar óveður geisar er ætlast til þess að börnin verði kyrr í skóla þar til þau verða sótt eða þeim tryggð örugg heimferð (sjá lið 3).