Á fjölgreindaleikum standa liðin saman og allir gera eins vel og þeir geta eins og fram hefur komið hér á síðunni áður. En í lok leikanna eru stig liða reiknuð saman og á endanum er eitt lið sem er efst að stigum. Stig eru ekki bara bundin við frammistöðu  heldur er einnig hægt að fá aukastig fyrir ýmislegt sem tengist framkomu, einbeitni og stjórnun liðsins. Fyrirliðar gegna því stóru hlutverki þegar kemur að söfnun stiga. Í dag var svokölluð uppskeruhátíð fjölgreindaleika en þá var sagt frá því á sal hvaða lið fengu flest stig. Að þessu sinni var liðið Pappírspési efst að stigum og urðu því fjölgreindameistarar 2011. Mörg önnur lið voru nefnd til sögunnar sem stóðu sig afar vel.    

Fréttasnápur GREINDARLEGRA FRÉTTA hitti nokkra krakka á púslstöðinni snemma morguns. Þau voru hress og kát og er þau voru innt eftir því hvað væri skemmtilegasta stöðin á fjölgreindaleikunum hingað til nefndu þau nokkur stóra trambólínið. Ein stelpan sagði þó að kaðlaklifrið vera nokkuð skemmtilegt en maður þyrfti að passa sig að „brenna sig“ ekki á fótunum á leiðinni niður kaðalinn. Þau héldu svo áfram að púsla af krafti og létu ekki trufla sig lengur við spjall.

Nú er fyrri dagur fjölgreindaleika á enda. Nemendur fóru heim afar sáttir að því er virtist. Tveir ungir nemendur í 2. bekk hittu Stínu-Línu á leiðinni út úr skólanum og sögðust „… hlakka svo svakalega til“ að koma í skólann á morgun, þá ættu þær að vera á stöðvunum í íþróttahúsinu. Þar fá þær Hrafnkatla og Hekla m.a. að fara í handbolta, körfubolta, limbó, kaðlaklifur, hoppa á trampólíni, húlla húlla, þekkja fána og spreyta sig á fiitness þraut. Góður dagur er á enda runninn.

Já, annar af tveimur dögum fjölgreindaleika er runninn upp.   Á fjölgreindaleikum er krökkunum í Salaskóla skipt upp í 40 lið – en í hverju þeirra eru 10 krakkar, einn úr hverjum árgangi. Elstu nemendurnir eru fyrirliðar og eiga að gæta þess að allt fari vel fram innan liðsins. Liðin fara á milli stöðva þar sem er stöðvarstjóri úr röðum starfsfólks skólans. Stöðvarstjórar eru klæddir í grímubúning sem útskýrir þá miklu ringulreið sem varð í morgun þegar ýmis furðudýr og skringilegt fólk dreif að skólanum.

Afar vel gekk að skipa krökkunum niður í  liðin sín og hófust síðan leikarnir stundvíslega klukkan 9. Liðin safna stigum á hverri stöð með góðum árangri sínum og góðri liðsheild. Hægt er að fá aukastig m.a. fyrir góða stjórnun liðsins. Stöðvarnar sem eru um 50 talsins reyna á hinar ýmsu greindir okkar. Nokkrar nýjar stöðvar eru í boði að þessu sinni t.d. stígvélaspark, uppþvottur, landkönnuðurinn, nafnarapp o.fl.

Nokkrir krakkar sem Stína Lína hjá GREINDARLEGUM FRÉTTUM hitti á stígvélasparkstöðinni sögðu að það væri ótrúlega erfitt að fá stig fyrir stígvélaspark. Það mætti bara sparka innan ákveðins svæðis og það væri þrautinni þyngri. Þau voru samt bjartsýn á að ná inn fullt af stigum á þeirri stöð. Nokkrir krakkar á limbóstöðinni voru brosmild og sögðu létt í bragði að þetta væri skemmtilegur dagur og það væri „svo rosalega gaman að sjá hvað kennararnir væru skrýtnir..“  

Góðan daginn!
Velkomin á  Fréttamiðilinn GREINDARLEGAR FRÉTTIR. Aðalmarkmið fréttamiðilsins er að flytja ykkur fréttir af hinum stórkostlegu fjölgreindaleikum sem hófust í morgun, fimmtudaginn 6. október, í SALAKÓLA. Stína – Lína, fréttasnápurinn alkunni, er á sveimi, kíkir í öll horn, hlustar eftir öllu og lætur ekkert fram hjá sér fara. Hún snapar eftir fréttum alls staðar.  Hér á síðunni er hægt að kynna sér það sem fram fer.