Á dögunum komu verðandi fyrstubekkingar í heimsókn í skólann ásamt foreldrum sínum. Þau voru kátt og glöð og hvergi bangin við að setjast á skólabekk og fást við ýmis verkefni. Vorskólinn er í tvo daga í senn og markmiðið með honum er að nemendur og foreldrar heimsæki skólann, fái að skoða aðtæður, kynnist kennurunum og nálgist ákveðnar upplýsingar fyrir næsta skólaár.
Salaskóli heldur upp á 10 ára afmæli sitt 13. maí 2011. Það verður opið hús milli kl. 12:00 og 13:30. Nemendur og starfsfólk taka á móti gestum og sýna afrakstur vinnu sinnar í vetur. Skólakórinn syngur og nemendur í tónlistarnámi spila fyrir gesti. Skólasagan í myndum og aðrar myndir úr skólalífinu verða sýndar.
Guðmundur Kristinn Lee, Salaskóla, og Vignir Vatnar Stefánsson, Hörðuvallaskóla, urðu kjördæmismeistarar Reykjaness í skólaskák fimmtudaginn 28.04.2011. Guðmundur í eldri flokki en Vignir í þeim yngri. Birkir Karl Sigurðsson, Salaskóla, tryggði sér einnig keppnisrétt á Landsmótinu en hann endaði í 2. sæti í eldri flokki. Hilmir Freyr Heimisson hafnaði í öðru sæti í yngri flokki.
Sigur Guðmundar var einkar glæsilegur og sigraði hann alla sína andstæðinga. En allir fulltrúar Salaskóla náðu verðlaunasæti sem sýnir hversu öflugir okkar krakkar eru í skáklistinni.
Lokastaðan í eldri flokki:
1. Guðmundur Kristinn Lee, Salaskóla, 4 v.
2. Birkir Karl Sigurðsson, Salaskóla, 3 v.
3. Hans Adolf Linnet, Setbergsskóla, 2 v.
4. Jón Hákon Richter, Öldutúnsskóla, 1 v.
5. Kristjana Ósk Kristinsd., Garðask. 0 v.
Lokastaðan í yngri flokki:
Aukakeppni þurfti í yngri flokki um 2.-4. sæti. Þar varð Hilmir Freyr efstur, Sóley Lind önnur og Magni þriðji.
1. Vignir Vatnar Stefáns. Hörðuvallask. 5 v.
2. Hilmir Freyr Heimisson Salaskóla, 3 v. (+2½ v.)
3. Sóley Lind Pálsdóttir, Hvaleyrarskóla 3 v. (+ 2 v.)
4. Magni Marelsson, Hvaleyrarskóla, 3 v. (+1½ v.)
5. Kári Georgsson, Hofstaðaskóla,1 v.
6. Aron Laxdal, Lágafellsskóla, 0 v.
Sjá nánar úrslit einstakra skák á vefsíðunni: http://chess-results.com/tnr48847.aspx
Á kjördæmismót komast efstu tveir úr hverju sýslufélagi í okkar kjördæmi, þannig að hér eru þeir bestu af þeim bestu að keppa og allir keppendur státa af meistaratitlum hver á sínu svæði. Landsmótið í skólaskák verður að þessu sinni helgina 13 til 15 maí á Akureyri.
Þess má til gamans geta að í Salaskóla eru nú 7 krakkar sem komnir eru með íslensk skákstig en þeir kepptu um páskana á skákþingi Íslands.
Krakkarnir okkar sem eru komnir með íslensk skákstig eru:
Guðmundur Kristinn Lee 1758
Birkir Karl Sigurðsson 1705
Hilmir Freyr Heimisson 1313
Þormar Leví Magnússon 1226
Jón Smári Ólafsson 1175
Hidur Berglind Jóhannsd. 1128
Jón Otto Sigurjónsson 1000
Af þessum listi sést að framtíðin er björt í skákinni í Salaskóla.
Mikil stemmning ríkir í skólanum fyrir árshátíð nemenda í 8. – 10. bekk sem verður í kvöld. Þema hefur verið í gangi alla vikuna þar sem krakkarnir fengust við ýmislegt sem tengist árshátíðinni. Má þar nefna spurningagerð, vídeóupptökur, skreytingar o.m.fl. Þessa vikuna hafa auk þess ýmsar furðuverur sést á göngum skólans og inni í kennslustundum t.d voru hippar á ferli í dag og fyrr í vikunni brá fyrir ofurhetjum eins og Supermann, Batmann og fleiri stórmennum. Þegar betur var að gáð fékkst sú skýring að búningaþema væri í gangi alla vikuna og sá/sú sem stæði sig best í að mæta í búning ynni til verðlauna sem er frímiði á árshátíð í kvöld. Hér eru nokkrar myndir frá undirbúningi.
Sjö öflugir nemendur úr Salaskóla verða keppendur á Skákþingi Íslands nú um páskana. Keppnin hefst föstudaginn 15.04.2011 kl 18:00. Sjá nánar á vefsíðunni: http://www.skaksamband.is/?c=webpage&id=448. Þeir sem keppa frá Salaskóla eru:
Nafn: Elo Skákfélag
Guðmundur Kristinn Lee 1800 SFÍ
Birkir Karl Sigurðsson 1672 SFÍ
Hildur Berglind Jóhannsdóttir 1062 Hellir
Hilmir Freyr Heimisson 0
Þormar Leví Magnússon 0 Hellir
Jón Smári Ólafsson 0
Jón Otti Sigurjónsson 0 Hellir
Úrslit úr einstökum skákum má sjá á síðunni: http://chess-results.com/tnr48046.aspx?lan=1 Það er frábært að svona margir krakkar frá Salaskóla gefi kost á sér til keppni með þeim sterkustu á Íslandi í skák. Þeir keppa allir í áskorendaflokki og ef þeir ná einu af tveimur efstu sætunum komast þeir í landsliðsflokk. En aðalmálið er að þeir munu keppa alvöru kappskákir þar sem þeir verða að skrifa niður alla leikina í skákinni og hafa 90 mínútur til að klára skákina og fá síðan 30 sek í bónus fyrir hvern kláraðan leik. Ef þeir ná að sigra einhvern sem er þagar komin með Elostig munu þeir fá stig eftir sérstökum reglum. Nú er valið í unglingalandslið íslands eftir Elostigum þegar horft er á einstaklinga og er þetta mjög erfið og mikilvæg reynsla fyrir þessa ungu menn. Hægt er að fylgjast með þeim á vefsíðunni www.skak.is
Fyrstubekkingar hafa að undanförnu verið að æfa sig að leika á leiksviði. Teknar voru sögurnar af Gípu og Búkollu og færðar í leikbúning með viðeigandi búningum og heimagerðum leiktjöldum og leikmunum. Markmiðið er að allir nemendur hafi hlutverki að gegna í leikritunum og komist á svið. Krakkarnir stóðu sig með mestu prýði á æfingunum og sýndu síðan leikritin fyrir fullu húsi foreldra í morgun sem klöppuðu þeim lof í lófa og skemmtu sér vel. Flott hjá ykkur krakkar í 1. bekk.
Miðvikudaginn 13. apríl ætlar skólaráð Salaskóla að standa fyrir kaffihúsafundi með foreldrum kl. 17:00 – 18:30. Fundurinn er haldinn í tilefni að 10 ára afmæli skólans og markmiðið er að fá viðhorf foreldra til skólastarfsins, þess sem vel er gert og þess sem má bæta. Við hvetjum alla foreldra til að koma og hafa áhrif á starfsemi skólans. Boðið verður upp á hressingu og skemmtilegan félagsskap þessa stund.
Nú er lokið Íslandsmóti barnaskólasveita í skák. Alls kepptu 41 lið frá flestum skólum á höfuðborgarsvæðinu og einnig frá Vestmanneyjum. Því miður komu ekki lið frá öðrum stöðum af landsbyggðinni. En alls voru 16 lið frá grunnskólum í Kópavogi. Salaskóli sendi 6 lið og náði eftirfarandi árangri:
A lið Salaskóla náði 5 sæti í flokki a liða eftir að hafa verið í toppbaráttu allt mótið. Gjörsigraði m.a. lið Vestmanneyinga 4:0 en lenti í smá óheppni á lokasprettinum.
B lið Salaskóla varð Íslandsmeistari B liða.
C lið Salaskóla var næst besta C liðið
D lið Salaskóla varð Íslandsmeistari D liða.
E lið Salaskóla varð Íslandsmeistari E liða.
F lið Salaskóla varð Íslandsmeistari F liða.
Þrjú lið frá Salaskóla komust á topp 10 og öll liðin okkar fengu 50% vinningshlutfall eða hærra en það einstakur árangur sem sýnir hversu mikil breidd er hjá krökkunum okkar.Neðsta liðið okkar skildi t.d. 8 A lið eftir fyrir neðan sig.
Nánar um einstök úrslit sjá hér.
Framundan eru nokkur spennandi skákmót sem margir krakkar hafa áhuga á að sækja. T.d. Skákbúðir Fjölnis í Vatnaskógi helgina 9. – 10. apríl 2011. Og síðast en ekki síst Áskorendaflokkur Skákþings Íslands 2011sem fram fer 15.-24. apríl í félagsheimili TR, Þar geta keppendur reynt með sér í alvöru kappskák og reynt að ná sér í Elo stig. Umhugsunartími: 90 mín. + 30 sek. til að ljúka. En hér þarf að skrifa skákirnar niður á sérstök eyðublöð. Skráningu skal senda í tölvupósti á skaksamband@skaksamband.is eða tilkynna í síma 568 9141 virka daga kl. 10-13 í síðasta lagi 11. apríl 2011. Einnig er hægt að skrá sig beint á Skák.is. Sjá neðst á þessari síðu: http://www.skaksamband.is/?c=webpage&id=448