Haustið 2014 stóð Mennta- og menningarmálaráðuneytið fyrir úttekt á starfi Salaskóla. Úttektin var framkvæmd af Námsmatsstofnun. Niðurstöður úttektarinnar er að finna í Skýrslu um ytra mat á Salaskóla 2014
Category Archives: Fréttir
Skólaþing
Á fimmtudaginn, 12. febrúar, ætlum við að halda Skólaþing með nemendum í 5. – 10. bekk. Þá skiptum við krökkunum í þessum bekkjum í ca 50 hópa og koma hópstjórar úr elstu bekkjunum. Fyrst verður stuttur sameiginlegur fundur og svo verða umræður í hópunum um ýmis mál sem snerta nám, skipulag, félagslíf, o.fl. Allt verður skráð niður og svo verður unnið úr niðurstöðum þingsins. Það væri fínt ef krakkarnir fengju smá æfingu heima í að setja fram sínar hugmyndir um hvað er gott í náminu og hvað má bæta. Viljum gjarnan fá fram nýjar og ferskar hugmyndir.
Alþjóðlegi netöryggisdagurinn er í dag
Í dag, 10. febrúar, er alþjóðlegi netöryggisdagurinn haldinn í tólfta sinn hjá yfir 100 þjóðum. Þema dagsins er „Gerum netið betra saman“ og víða er skipulögð dagskrá í þessum löndum þar sem fjallað er um þessi mál. SAFT vekur athygli á nýju fræðsluefni á vef sínu saft.is og er þar margt gagnlegt að finna fyrir foreldra og kennara til að styðjast við í sinni umfjöllun við krakkana svo sem um netheilræði, samskipti á netinu og hvað ber að varast.
Samtökin hafa einnig gefið út NETOÐIN 5 sem eru 5 góðar reglur sem vert er að hafa í huga þegar ferðast er um netið – sjá mynd. Þess virði að kíkja á síðu SAFT í dag og skoða það góða efni sem þar er í boði.
Úrslitin úr úrtökumóti unglingastigs – vegna meistaramóts Salaskóla í skák 2015.
Úrslitamót unglingastigs fór fram sl. föstudag og efstur á þessu móti varð Róbert Örn Vigfússon úr 8. bekk en hann sigraði alla sína andstæðinga. Hér má sjá nánari úrslit.
Úrslitin liggja nú fyrir, efstu 4 úr hverjum árgangi komast áfram á lokamótið nema úr 10. bekk fara efstu 6. Þátttaka og skákáhugi í 10 bekk er í sérflokki. Næsta föstudag 13. febrúar keppa krakkar af yngsta stigi og föstudaginn 6. mars verður síðan lokamótið Meisrari meistaranna í Salaskóla árið 2015. Mótsstjóri er Tómas Rasmus.
Hundraðdagahátíðin í 1. bekk
Í dag eru fyrstubekkingarnir okkar búnir að vera 100 daga í skólanum og af því tilefni var haldið upp á daginn með hundraðdagahátíð. Þá er nú margt gert sér til skemmtunar og mikið um að vera.
Í morgun var búið að koma fyrir 10 skálum með góðgæti á stórt borð og það var verkefni hvers og eins að telja alls hundrað mola úr skálunum – 10 úr hverri skál. Krakkarnir voru mjög einbeittir við þetta verkefni og létu ekkert trufla sig enda nákvæmisverk að telja nákvæmlega 100 stykki. Ýmiss önnur verkefni voru í gangi t.d. bjuggu allir sér til hundraðdagakórónu. Botn var sleginn í veisluna með því að krakkarnir horfðu á kvikmynd saman og borðuðu nammið úr pokanum sínum. Skemmtileg hefð í Salaskóla sem hefur viðgengist nokkuð lengi. Myndir.
Salaskólastelpur tóku silfrið
Salaskóli tók silfur á íslandsmóti stúlknasveita í skák á laugardaginn. Athygli vekur að þrjár systur skipuðu efstu þrjú borðin í liðinu okkar og ein góð skólasystir á fjórða borði. Þær sigruðu alla hina skólana nema meistaralið Rimaskóla. En stundum er gott silfur gulli betra.
Lið Salaskóla var skipað eftirfarandi stúlkum:
1b. Hildur Berglind Jóhannsdóttir 10. b kjóar
2b. Þórdís Agla Jóhannsdóttir 3. b glókollar
3b. Elín Edda Jóhannsdóttir 6. b himbrimar
4b. Selma Guðmundsdóttir 6. b flórgoðar
Liðsstjóri var Tómas Rasmus.
Undanrásir fyrir meistaramót Salaskóla í skák hófust á föstudaginn
Alls kepptu 47 krakkar úr 5. til 7. bekk. Hér eru úrslit úr þeim viðureignum. Efstu fjórir úr hverjum árgangi fá síðan að keppa í úrslitakeppninni „ Meistari meistaranna“ sem verðu í lok febrúar. En þar sem gífurlegur skákáhugi er í 6. bekk þá fá þeir 2 aukafulltrúa á lokamótið. Greinilegt er að þeir sem stunda skákina skipulega ná bestum árangri og efstu sætin voru öll skipuð nemendum sem æfa í hverri viku í skákakademíu Kópavogs í Blikastúkunni sjá nánar hér.
Einnig tefla nokkrir á opnum mótum fyrir almenning og eru tveir kappar úr Salaskóla að keppa á Skákþingi Reykjavíkur og nokkrar stúlkur á Íslandsmóti stúlknasveita. Næsta föstudag þann 6. feb.2015 er stefnt á keppni hjá unglingadeildinni og viku síðar hjá yngstu krökkunum. Mótsstjóri á meistaramóti Salaskóla er Tómas Rasmus.
Flott stelpuskákmót í Salaskóla
Stelpuskákmót var haldið í Salaskóla í dag, föstudag, til að finna sterkustu skákstelpurnar vegna Íslandsmóts stúlkna sem verður um næstu helgi. Sveitakeppni stúlkna verður 31. janúar og Íslandsmót stúlkna 1.febrúar. Alls kepptu 26 Salaskólastelpur úr 2. til 10. bekk. Sigurvegari varð Hildur Berglind Jóhannsdóttir úr 10. b. Í öðru sæti Þórdís Agla Jóhannsdóttir úr 3. b. Í þriðja sæti Rakel Tinna Gunnarsdóttir úr 6. b. Mótsstjóri var Tómas Rasmus.
Nánari úrslit