Nemendur í 9. og 10. bekk eiga nú að velja valgreinar sem þeir vilja taka á haustönn. Farið inn á valsíðu með því að smella hér. Nemendur þurfa að velja fyrir miðnætti fimmtudagsins 28. ágúst.
Category Archives: Fréttir
Drengjum og stúlkum kennt á ólíkan hátt!
Almennur fyrirlestur fyrir foreldra og annað áhugafólk um skólamál
Fimmtudaginn 21. ágúst kl. 19:30 mun Kelley King halda almennan fyrirlestur í hátíðarsal Breiðholtsskóla. Fyrirlesturinn verður á ensku.
Kelley fjallar um mun á strákum og stelpum og hvernig hægt er að koma til móts við kynjamun í uppeldi og kennslu.
Foreldrar og annað áhugafólk er hvatt til að mæta.
Þessa dagan stendur Breiðholtsskóli fyrir námskeiðum og fyrirlestri um ólíka nálgun við kennslu drengja og stúlkna. Hátt í 200 kennarar sækja námskeiðin en þau eru ætluð kennurum sem hug hafa á að ná betur til nemenda sinna og minnka um leið bilið á milli árangurs drengja og stúlkna í skólanum.
Mikill munur á árangri drengja og stúlkna
Í niðurstöðum samræmdra prófa hérlendis sem víða erlendis kemur fram mikill munur á árangri drengja og stúlkna. Þessi munur virðist hafa farið vaxandi og er víða umræðuefni meðal áhugafólks um skólamál. Rannsóknir sýna að drengir og stúlkur hafa ekki aðeins mismunandi hormónaframleiðslu heldur er einnig munur á hvernig heilinn starfar. Kelley King fjallar um hvernig við nýtum okkur þessa þekkingu og kemur með raunhæfar leiðbeiningar til foreldra um hvernig við getum eflt getu bæði drengja og stúlkna til að ná betri árangri í námi.
Skólasetning 22. ágúst
Salaskóli verður settur föstudaginn 22. ágúst nk. Nemendur mæta sem hér segir:
2., 3. og 4. bekkur kl. 9:00
5., 6. og 7. bekkur kl. 10:00
8., 9. og 10. bekkur kl. 11:00
Til foreldra og nemenda
Skólasetning verður föstudaginn 22. ágúst en tímasetningar verða auglýstar nánar hér á síðunni er nær dregur.
Innkaupalistar eru í vinnslu og verða aðgengilegir á vefsíðunni föstudaginn 15. ágúst. Skólastarf fer rólega af stað fyrstu dagana og því ætti að vera nægur tími fyrir nemendur að útvega sér stílabækur og möppur. Skólataska er þó nauðsynleg frá fyrsta degi og það sama má segja um blýanta, strokleður og yddara.
Sumarleyfi
Þökkum nemendum og foreldrum fyrir ánægjulegt samstarf á nýliðnu skólaári og óskum þeim góðra daga í sumarleyfinu.
Skrifstofa skólans er lokuð frá 18. júní en opnar aftur 6. ágúst. Ef þarf að koma skilaboðum á framfæri er hægt að senda þau á netfang skólans salaskoli@salaskoli.is.
Útskrift í gær
Í gærkvöldi, 4. júní, voru 10. bekkingar útskrifaðir í þriðja sinn frá skólanum. Mættu þeir prúðbúnir ásamt fjölskyldum sínum á sal skólans þar sem skólastjórinn, Hafsteinn Karlsson, talaði til þeirra í síðasta sinn. Hann þakkaði þeim samstarfið í gegnum tíðina, þeir höfðu sett mikinn svip á skólastarf í Salaskóla og kennarar og starfsfólk væri nú þegar farið að sakna þeirra. Endað var á góðum óskum þeim til handa með afhendingu vitnisburðar þar sem hver nemandi var kallaður upp á svið og lesin upp nokkur vel valin orð um hvern og einn. Styrmir Másson, fráfarandi 10. bekkingur, talaði síðan fyrir hönd nemenda og lét mörg orð falla um góð skólaár í Salaskóla. Endað var á kaffiveitingum þar sem fjölskyldur 10. bekkinga lögðu til meðlæti með kaffinu. Til hamingju með áfangann tíundubekkingar. Myndir frá útskriftinni.
Nýjar myndir
Í myndasafni skólans er að finna nýjar myndir frá vorinu s.s. vorferðalagi nemenda í 1. og 2. bekk, þemadögum í 8. – 10. bekk og óvissuferð 10. bekkinga.
Skólaslit og hátíð í dag
Í dag fimmtudaginn 5. júní verður skólanum slitið. Að loknum skólaslitum hefst hátíð foreldrafélagsins á skólalóðinni.
8. – 9. bekkur á að mæta kl. 13:00 á sal skólans
1. – 7. bekkur á að mæta kl. 14:00 á sal skólans
Eftir skólaslit kl. 14:30 hefst skemmtun foreldrafélagsins á skólalóðinni. Foreldrar eru hvattir til fjölmenna.
Brautskráning 10. bekkinga
Nemendur 10. bekkjar verða brautskráðir frá Salaskóla miðvikudaginn 4. júní og hefst athöfnin kl. 20:00. Foreldrar eru beðnir að koma með sínum útskriftarnema og afar og ömmur eru einnig velkomin. Að lokinni brautskráningu verður boðið upp á veislukaffi og eru allir beðnir um að koma með eitthvað á hlaðborðið.