Ef veður leyfir verður mánudagurinn 18. mars útivistar- og skíðadagur hjá 8. – 10. bekk. Við munum leggja af stað í Bláfjöll klukkan 9:15 og verður skíðað til klukkan 14:00 og lagt af stað heim klukkan 14:30. Þar sem þetta er ekki bara skíðaferð þá mega nemendur sem ekki vilja fara á skíði eða bretti koma með sleða og spil, getað haft það kósý inn í skála milli þess sem þau leika sér í snjónum. Þeir sem eru nýgræðingar á skíðum fá leiðsögn frá okkar frábæru skíðakennurum.

Það getur verið að þetta rekist í tómstundir hjá einhverjum nemendum en við bendum á að skíðaferð er bara einu sinni á ári og ógleymanleg upplifun fyrir krakkana.

Þeir sem vilja leigja skíðabúnað geta gert það. Þeir þurfa að vita hæð sína, þyngd og skóstærð. Leiga á skíðum og brettum er 2.340 kr. Lyftukort kostar 890 kr. Nemendur þurfa að passa vel upp á lyftukortin og skila þeim í lok dags.

Það er mikilvægt að klæða sig vel og hafa skíða- eða reiðhjólahjálm með.

Nemendur koma með nesti sjálfir þennan dag og við mælum auðvitað með hollum bita. Munið einnig eftir drykkjum.

Við munum kanna veður og færð í Bláfjöllum snemma á mánudagsmorgun og láta vita ef það er lokað svo fljótt sem það liggur fyrir. Ef það verður lokað þá mæta nemendur í skólann eins og venjulega.

Ef veður leyfir verður föstudagurinn 15. mars útivistar- og skíðadagur hjá 5. – 7. bekk. Við munum leggja af stað í Bláfjöll klukkan 9:15 og verður skíðað til klukkan 14:00 og lagt af stað heim klukkan 14:30. Þar sem þetta er ekki bara skíðaferð þá mega nemendur sem ekki vilja fara á skíði eða bretti koma með sleða og spil, getað haft það kósý inn í skála milli þess sem þau leika sér í snjónum. Þeir sem eru nýgræðingar á skíðum fá leiðsögn frá okkar frábæru skíðakennurum.

Það getur verið að þetta rekist í tómstundir hjá einhverjum nemendum en við bendum á að skíðaferð er bara einu sinni á ári og ógleymanleg upplifun fyrir krakkana.

Þeir sem vilja leigja skíðabúnað geta gert það. Þeir þurfa að vita hæð sína, þyngd og skóstærð. Leiga á skíðum og brettum er 2.340 kr. Lyftukort kostar 890 kr. Nemendur þurfa að passa vel upp á lyftukortin og skila þeim í lok dags.

Það er mikilvægt að klæða sig vel og hafa skíða- eða reiðhjólahjálm með.

Nemendur koma með nesti sjálfir þennan dag og við mælum auðvitað með hollum bita. Munið einnig eftir drykkjum.

Við munum kanna veður og færð í Bláfjöllum snemma á föstudagsmorgun og láta vita ef það er lokað svo fljótt sem það liggur fyrir. Ef það verður lokað þá mæta nemendur í skólann eins og venjulega.

Við í Salaskóla viljum fá fleiri kennarar til liðs við okkur næsta skólaár. Okkur vantar góða kennara á miðstig og stærðfræðikennara á unglingastig. Upplýsingar gefa skólastjóri eða aðstoðarskólastjóri í síma 441 3200 og netfang hafsteinn@salaskoli.is. Sækið um á vef Kópavogsbæjar, http://kopavogur.is, í síðasta lagi 24. mars.

Rétt fyrir jól unnu nemendur í 10. bekk í Salaskóla verkefni þar sem þeir bjuggu til allskyns áhugaverða hluti ýmiskonar afgöngum. Þeir seldu þá svo á opnu húsi og voru einnig með kaffisölu og ýmsa leiki sem þurfti að borga lítilsháttar fyrir að taka þátt í. Þau söfnuðu 60 þúsund krónum. Þau ákváðu svo að færa UNICEF þennan pening og komu fulltrúar þeirra í heimsókn til þeirra og tóku við framlaginu. Þeir sögðu þennan pening fara í einn brunn og 5 þúsund vatnshreinsitöflur. „Með vatnsdælu frá ykkur fær heilt samfélag aðgang að hreinu vatni. Börnum gefst meiri tími til skólagöngu, heimanáms- og þess að fá að vera börn og leika sér,“ sögðu fulltrúar UNICEF við þetta tækifæri. Það er aldeilis hægt að gera góða hluti með lítilli fyrirhöfn. Glæsilegt hjá 10. bekkingum hér í Salaskóla.

Þann 19. mars er skipulagsdagur í Salaskóla og við vekjum sérstaka athygli á því að dægradvölin er lokuð þann dag. Það eru því engir nemendur í skólanum. Kennarar munu undirbúa og skipuleggja lokatörn skólaársins og starfsfólk dægradvalar undirbýr vorstarfið og býr til ýmis skemmtileg verkefni.

Þessa viku hafa þau Marcus frá Svíþjóð og Renata frá Portúgal verið hjá okkur í Salaskóla að kynna sér skólastarfið. Þau starfa við skólastjórnun í sínum skólum. Þau hafa fylgst með kennslu og skólastarfinu almennt lært ýmislegt sem þau ætla að taka með sér heim, en einnig hafa þau miðlað mörgu góðu til okkar. Það er gott að fá gesti og sannast þá hið fornkveðna að „glöggt er gests augað.“

Í morgun var síðasti liðurinn í upplestrarkeppninni í 7. bekk haldinn hjá okkur í Salaskóla. 12 keppendur lásu upp fyrir fullum sal af fólki og satt best að segja stóðu þeir sig ótrúlega vel. Mættu vel undirbúnir og virkilega skemmtu salnum með vönduðum upplestri. Sumir þeirra bættu jafnvel um betur og fluttu frumsamin ljóð sem vöktu mikla hrifningu viðstaddra. Kæmi ekki á óvart að einhverjir þeirra eigi eftir að gera garðinn frægan sem ljóðskáld þegar fram líða stundir.

En dómnefnd varð að velja tvo nemendur og einn til vara sem munu keppa fyrir skólans hönd í Salnum í Kópavogi í upplestrarkeppni grunnskólanna í bænum þann 7. mars nk. Þeir sem völdust til þess voru: Guðjón Daníel og Matthildur og svo Díana Ósk til vara.

Vegna veikinda varð talsverð röskun  á áætlun skólans um morgunfundi skólastjórnenda með foreldrum. Fundum með 10. bekk, 7. bekk, 6. bekk og 5. bekk þurfti að fresta og eru verið að finna nýja tíma fyrir þá.

En við höldum áætlun að öðru leyti og föstudaginn 15. febrúar verður fundur með foreldrum 3. bekkinga, 19. febrúar eru foreldrar 1. og 2. bekkinga og 20. febrúar foreldrar 4. bekkinga. Fundirnir byrja kl. 810 – 900.

Skákmótið fór fram í Rimaskóla um helgina og fóru tvö stúlknalið á mótið í þessum aldursflokki frá Salaskóla. Alls tóku 8 lið þátt í þessum flokki og tefldu þau öll innbyrðis. Svo fór að A-lið Salaskóla fékk 25 vinninga af 28 mögulegum og var einum vinningi á undan Rimaskóla. Glæsilegur árangur! B-liðið stóð sig líka vel, en þar voru mest yngri stúlkur og reynsluminni, en þær urðu í 6. sæti. Skákstelpurnar í Salaskóla eru bestar! Gaman var að Jóhanna Björg fyrrverandi skákstjarna skólans var meðal skákstjóra á mótinu!
A-liðið var þannig skipað: Katrín María Jónsdóttir, Arey Amalía Sigþórsdóttir, Sesselja Kjartansdóttir, Halla Marín Sigurjónsdóttir (allar í 5. b.) og Berglind Edda Birkisdóttir (4.b.).
B-liðið: Elín Lára Jónsdóttir (3.b), Rakel María Pálsdóttir (5.b.), Rakel Lára Rúnarsdóttir og Katrín Þóra Sveinsdóttir (báðar í 3.b.).