Fyrir áramót tókum við upp samstarf við íþróttafélagið HK um æfingar fyrir yngri börn á dægradvalartíma krakkanna. Rúta kom í skólann og fór með nemendur í íþróttahúsið Kórinn og skilaði þeim svo aftur hingað.
Þetta heldur áfram nú í janúar, óbreytt að mestu. Þó er sú breyting að þetta verður á mánudögum og föstudögum, fimmtudagarnir detta út. Rúta kemur hingað og skilar börnunum svo aftur hingað í skólann að lokinni æfingu.
Við erum með samstarf við fleiri íþrótta- og æskulýðsfélög í bígerð og vonum að málin skýrist fljótlega hvað það varðar.
Það er allt gott að frétta úr Hrútafirðinum þar sem 7. bekkingar dveljast í eina viku í skólabúðum ásamt nemendum úr Ölduselsskóla og Grunnskóla Snæfellsbæjar. Allir eru ánægðir og glaðir og skemmta sér hið besta. Nemendur eru vaktir snemma á morgnana og eftir morgunmat byrjar dagskrá og nám sem stendur til kl. 17. Eftir kvöldmat er svo kvöldvaka þar sem krakkarnir eiga að sjá um skemmtiatriði. Meðfylgjandi mynd sýnir frá kvöldvöku hjá krökkunum. 
