Skrifstofan er opin frá 8:00 – 16:00 innritunardagana.

Innritun nýrra nemenda fyrir næsta skólaár verður á skrifstofu Salaskóla þriðjudaginn 4. mars og miðvikudaginn 5. mars. Mikilvægt er að allir væntanlegir nemendur skólans komi með foreldrum sínum og innriti sig í skólann. Við innritun verða afhentar upplýsingar um vorskóla og skólabyrjun í haust.

Við höldum áfram að bjóða foreldrum í morgunkaffi. Þriðjudaginn 4. mars er foreldrum nemenda í 10. bekk boðið, miðvikudaginn 5. mars foreldrum álfta og 7. mars foreldrum langvía.  Hefst kl. 8:10 og er á kennarastofunni. Hvetjum alla foreldra til að mæta og taka þátt í að búa til betra skólastarf í Salaskóla.

Fræðslukvöld verður haldið þriðjudaginn 4. mars kl. 20:00-22.00 í Kennaraháskóla Íslands við Stakkahlíð, stofu H207-Hjalla. Viðfangsefnið ber heitið Snertir Pisa skólagöngu barnanna minna? Frummælendur eru Júlíus Björnsson, Guðmundur B. kristmundsson og Stefán Bergmann. Sjá nánar í auglýsingu.

Þriðjudaginn 26. febrúar fara 7. og 8. bekkur í skíðaferð í Bláfjöll. Lagt verður af stað frá skólanum kl. 9:10 og nemendur eiga því ekki að mæta fyrr en þá. Lagt af stað úr Bláfjöllum kl. um kl. 15:00. Smellið á "lesa meira" til að fá nánari upplýsingar.

Þriðjudaginn 26. febrúar fara 7. og 8. bekkur í skíðaferð í Bláfjöll. Lagt verður af stað frá skólanum kl. 9:10 og nemendur eiga því ekki að mæta fyrr en þá. Lagt af stað úr Bláfjöllum kl. 15:30.

Matur

Við sjáum um samloku í hádeginu en annað nesti þurfa nemendur að koma með. Drykki og svoleiðis.

Klæðnaður

Allir verða að koma vel klæddir og með nóg af hlýjum aukafötum.  Ekki gleyma húfum, vettlingum og ullarsokkum.

Kostnaður

Skólinn borgar rútukostnað en nemendur greiða sjálfir lyftukort og fyrir leigu á skíðabúnaði, ef um slíkt er að ræða. Verð fyrir daginn er 2000 kr. fyrir skíða-  eða brettapakka. Lyftukortið er á 400 kr. Það verða líklega margir í Bláfjöllum á morgun og getur orðið bið í leigunni. Þeir sem geta fengið búnað hjá ættingjum

Skíðakennsla fyrir alla

Við verðum með margreynda úrvals skíðakennara með okkur sem kennir bæði byrjendum og lengra komnum. 

Aðstoð foreldra

Aðstoð foreldra er mjög vel þegin. Fínt er ef einhverjir vilja koma og vera allan tímann, en ekki síður gott að fá aðstoð hluta af tímanum.  Þeir sem ætla að bjóða fram krafta sína hafi samband við skrifstofu skólans – sími 570 4600 eða sendi tölvupóst á asdissig@kopavogur.is. 

Fararstjórar

Nokkrir kennarar og starfsmenn Salaskóla fara með og aðstoða nemendur eftir því sem þörf er á. 

Reglur

Í skíðaferðinni gilda skólareglur. Nemendur verða að fara eftir þessum reglum og hlýða kennurum og starfsmönnum. Verði misbrestur á því er tafarlaust hringt í foreldra og þeir beðnir um að sækja barn sitt.  Skiljið GSM – síma eftir heima, það er mikil hætta á að týna þeim. Sama má segja um ipod. Hver og einn ber ábyrgð á sínum farangri og ef eitthvað týnist ber nemandinn sjálfur fulla ábyrgð á því.

Upplýsingar

Hafið samband ef eitthvað er óljóst og þið óskið frekari upplýsinga.

Dr. Sigrún Aðalbjarnardóttir prófessor verður með fræðslufund fyrir foreldra í Kópavogi fimmtudagskvöldið 28. febrúar í Smáraskóla,  milli klukkan 20:00 – 21:30.  Með henni verða þær Hrund Þórarinsdóttir og Ragný Þóra Guðjohnsen, sem báðar starfa á rannsóknarsetri Sigrúnar og hafa mikinn áhuga á og víðtæka reynslu af starfi með foreldrum. Þær munu fjalla um vænlegar leiðir foreldra til að hlúa að þroska barna og unglinga og hvernig vinna megi með ágreiningsmál.  Til grundvallar verður nýútkomin bók Sigrúnar „Virðing og umhyggja –Ákall 21. aldar“ en bókin byggir á rannsóknum hennar síðastliðin 20 ár á sviði uppeldis og menntunar.   

Allt er nú klárt fyrir skíðaferð 9. og 10. bekkja eftir helgi. 9. bekkur fer á mánudag kl. 10:30 og 10. bekkur á þriðjudag á sama tíma. Við vorum í sambandi við Bláfjöll rétt í þessu og nú er erfitt að skíða þar sem snjórinn er blautur. Það kólnar eftir helgi skv. spám og vonandi verður færi gott. En við förum hvernig sem viðrar og ef ekki er hægt að skíða þá er þetta bara útivistarferð. Við komum heldur fyrr heim ef svo fer.

Leigugjaldið er 2000 kr á sólarhring, ekki 2500 eins og var á upplýsingablaði sem nemendur fengu. Þá er lyftugjaldið 550 kr. dagurinn. Engin veitingasala er í Bláfjöllum.

Við vekjum athygli á námskeiðum Endurmenntunar Háskóla Íslands fyrir börn. Í ár verða námskeiðin fjögur talsins og haldin á laugardögum á tímabilinu 16. febrúar – 8. mars. Nánari upplýsingar á http://www.endurmenntun.is