Category Archives: Fréttir

Bréf til foreldra 25.febrúar 2021, English below

Birt . Höfundur:
English below
 
Ný reglugerð um takmörkun á skólastarfi vegna farsóttar tók gildi í gærmorgun og gildir til og með 30. apríl.
 
Helstu reglur fyrir grunnskóla eru að nú mega 50 starfsmenn vera saman í rými, lágmarksfjarlægð milli starfsfólks er 1 metri, hámarksfjöldi nemenda í rými er 150 og hvorki grímuskylda né lágmarksfjarlægð hjá þeim. Einnig er okkur heimilt að halda viðburði s.s. fyrirlestra, upplestrarkeppnir og fundi með foreldrum og þá í samræmi við fjölda og nálægðartakmörk hvers skólastigs eða reglugerð um takmörkun á samkomuhaldi vegna farsóttar. Sú reglugerð gildir til 17. mars.
 
Við óskum eftir því að varlega sé farið um sinn og aðkoma foreldra sé skipulögð, bundin við viðburði og samráð haft um aðgengi. Við viljum því að foreldrar komi aðeins á skipulagða viðburði sem skólinn eða félög honum tengd standa fyrir, þeir mæti í viðtöl og á fundi í skólanum skv. samkomulagi við kennara eða stjórnendur en að sinni verði ekki um daglega umgengni foreldra í skólanum að ræða, hvorki inn á ganga eða í fataklefa. Foreldrar sem telja sig eiga erindi inn í skólann þurfa að hafa samband við skrifstofu áður. Foreldrar, aðstandanendur og utanaðkomandi skulu sýna aðgát þegar þeir koma inn í skólann og gæta að sóttvörnum. Þeir skulu gæta minnst 1 metra nálægðartakmörkun jafnt milli sín og gagnvart starfsfólki og skulu bera andlitsgrímur.
 
Við erum afar ánægð að vera komin á þennan stað eftir heilt ár við miklar takmarkanir. Mikilvægt að við förum áfram varlega svo við getum klárað þetta skólaár með stæl og góðri 20 ára afmælishátíð í vor.
 
 
English
A new regulation regarding restrictions on school activities became effective yesterday morning and will be effective until April 30th 2021.
Regulation for primary schools, grades 1 to 10:
Maximum number of employees in the same area is now 50. Minimum distance between employees is 1 meter.
Maximum number of students in the same area is now 150. Students are neither required to wear masks nor do they have to keep minimum distance between each other.
We are now also able to have events such as lectures, reading competitions and meetings with parents. We must always keep in mind the maximum number of each department and the regulation on limitations of social gatherings due to the pandemic, regulation that will be effective until March 17th.
We ask you to be extra careful for the time being and that parental participation in school activities is organized in advance. We ask that parents only attend events that the school or other school-related parties have organized. Parents are asked to attend interviews and meetings that teachers and/or school administrators have planned but they must limit their visits to school. These requests apply to all shared areas such as hallways, entrances, foyers etc. Parents who need to access the school must notify the school´s office beforehand. Parents, guardians and others that enter the school must be careful and keep personal infection prevention in mind at all times. They must also keep at least 1 meter distance between themselves and the school‘s employees and they are required to wear facemasks.
 
We are really happy that we have reached this point after a year of heavy restrictions. It is vital that we continue to be vigilant in order to keep up the good work in our school and celabrate Salaskóli‘s 20th anniversary in May.
 

Góð lestrarkennsla bæði fyrir stráka og stelpur í Salaskóla

Birt . Höfundur:
Þessa dagana er mikið rætt um kynjamun í skólastarfi og að strákar standi sig verr en stelpur t.d. í lestri. Við höfum verið að skoða hvernig staðan er hér í Salaskóla og ef niðurstaða lesfimiprófa Menntamálastofnunar í 1. – 4. bekk frá því í maí 2020 kemur í ljós að munur milli kynjanna er varla greinanlegur. Leshraði stráka og stelpna í 1. og 2. er hnífjafn, í 3. bekk lesa stelpur 4 orðum meira á mínútu en strákar og í 4. bekk lesa þær 12 orðum meira en strákar.
Þess má einnig geta að allir þessir árgangar í Salaskóla voru yfir landsmeðaltali og þrír þeirra yfir viðmiðum Menntamálastofnunar. Þetta er býsna góður árangur.
Lesfimiprófin mæla aðeins lestrarhraða en ekki lesskilning. Þau eru því fyrst og fremst mælikvarði á hvernig tökum nemendur hafa náð á lestrartækninni.
Þessar niðurstöður bera byrjendakennslunni í lestri í skólanum sannarlega gott vitni.

Öskudagur, vetrarleyfi og skipulagsdagur

Birt . Höfundur:

1. Á morgun er öskudagur og eins og venjulega er það svolítið öðruvísidagur í Salaskóla. Nemendur mæta í grímubúningum í skólann og taka þátt í alls konar skemmtilegum verkefnum. Unglingadeildin hefur fengið sína dagskrá og valið sig inn á verkefni. Nemendur í 1. – 7. bekk: Nemendur mæta á bilinu 8:10 – 9:00 í skólann. Við gefum þetta svigrúm svo þeir sem þurfa lengri tíma til að koma sér í búninginn geti það. Allir eiga að vera mættir í sínar stofur kl. 9:00. Ávextir eru í nestistímanum eins og venjulega og kl. 11:30 – 12:00 er boðið upp á pylsur. Ekkert nammi eða nammipokar í skólanum. Skólastarfið er búið kl. 12:00 og þá opnar dægradvölin fyrir þá sem þar eru.

2. Vetrarleyfi er á fimmtudag og föstudag, 18. og 19. febrúar. Þá er skólinn alveg lokaður, dægradvölin líka. Góða skemmtun í leyfinu.

3. Skipulagsdagur er miðvikudaginn 17. mars. Þennan dag er dægradvölin líka með skipulagsdag og því eru engir nemendur í skólanum þennan dag.

16. febrúar í unglingadeild

Birt . Höfundur:

Þriðjudaginn 16. febrúar verður útivistar– og skíðadagur hjá 8. – 10. bekk. Það hafa ekki allir áhuga á að taka þátt í þessu og þeir sem ekki ætla að fara mæta í skólann og vinna undir stjórn kennara. Þeir eiga að mæta kl. 9:00 í skólann og geta því sofið aðeins út 🙂

Við munum leggja af stað klukkan 9:15 frá skólanum og skíðum til klukkan 14:30 og lagt af stað klukkan 15:00. Þar sem þetta er ekki bara skíðaferð þá mega nemendur sem ekki vilja fara á skíði eða bretti koma með sleða. Við höfum aðstöðu í Bláfjallaskála og þar er hægt að borða nestið sitt og svona. Nemendur koma með nesti sjálf, bæði eitthvað að bíta í og drykki. Ekki er hægt að kaupa neitt á staðnum. 

Lyftukortin kosta  930 krónur, leiga á skíðum og bretti er 2.460 krónur. Hafa þetta í reiðufé takk. Nánari upplýsingar um leiguna og fleira var send foreldrum í tölvupósti. 

Það er fín veðurspá fyrir morgundaginn en alltaf getur farið svo að ekki verði opið. Við látum vita á milli kl. 8.00 og 8:30 hvort farið verði eða ekki. Verði ekki farið þá er bara skóli frá kl. 9:00.

Bestu kveðjur – skólastjóri

Um nám og líðan nemenda

Birt . Höfundur:

Í síðustu viku héldum við málþing með nemendum í 8. – 10. bekk. Viðfangsefnið var nám og líðan nemenda. Málþingin voru þrjú, eitt með hverjum árgangi. Að loknum inngangi unnu nemendur í hópum og ræddu málin og skiluðu svo niðurstöðum til skólastjórnenda. Nemendur lýstu ánægju með margt í starfi skólans og lögðum fram fjölmargar góðar tillögur um það sem þau gætu gert, það sem skólinn gæti gert og það sem foreldrar gætu gert. Verið er að vinna úr niðurstöðunum og við höldum svo áfram með þessa vinnu.

Á morgun setjast svo kennarar á rökstóla með Hermundi Sigmundssyni prófessor og ræða um nám og líðan. Hermundur hefur látið sig þessi mál varða á undanförnum misserum og það er fagnaðarefni að fá hann til skrafs og ráðagerða í skólanum.

Fleira er svo á döfinni tengt þessu og vænta má þess að þessi vinna skili sér inn í skólastarfið á næstunni.

Stelpurnar úr Salaskóla fengu gull á Íslandsmeistaramóti grunnskólaveita í skák

Birt . Höfundur:
Íslandsmót grunnskólasveita í stúlknaflokki fór fram á laugardaginn, 30. janúar 2021 í skákhöllinni í Faxafeni 12. Teflt var í þremur flokkum en svo fór að skólar úr Kópavogi hirtu öll gullverðlaunin. Smáraskóli vann öruggan sigur 1.-2. bekk. Mikil spenna var í hinum flokkunum Hörðuvallaskóli vann nauman sigur í 3.-5. bekk og það gerði Salaskóli í 6.-10. bekk. Liðið var skipað þeim Katrínu Maríu Jónsdóttur, Arey Amalíu Sigþórsdóttur McClure og Elínu Láru Jónsdóttur og liðsstjóri var Jón H. Arnarson. Við óskum þeim öllum til hamingju með glæsilegan árangur.

Samrómur – lestrarkeppni grunnskóla

Birt . Höfundur:

Samrómur – lestrarkeppni grunnskóla

Í fyrra tók Salaskóli þátt í lestrarkeppni Samróms og hafnaði í öðru sæti í
æsispennandi keppni. Nemendur, starfsfólk, foreldrar og systkini voru dugleg að taka þátt
sem skiluðu okkur þessum glæsilega árangri og 5 Sphero Bolt vélmönnum. Í ár ætlum við
að taka þátt í annað sinn og munu nemendur okkar fá tækifæri til að taka þátt á skólatíma en
frábært væri ef þeir myndu líka taka þátt heima. Allir sem vettlingi geta valdið eru hvattir til
að taka þátt í nafni skólans. Lestrarkeppni Samróms stendur einungis yfir í viku,
dagana 18.-25. janúar.

Samrómur er heiti samvinnuverkefnis sem snýr að því að safna röddum Íslendinga til að
búa til opið gagnasafn fyrir notkun á íslensku í upplýsingatækni þannig að tölvur geti skilið
íslensku. Lestrarkeppnin er því liður í því að safna röddum fyrir verkefnið. Upptökurnar af
lestrinum eru síðan notaðar til þess að kenna tölvum og tækjum að skilja málið.

Takið þátt, ferlið er einfalt og mjög fljótlegt.
1. Farið inn á þessa vefslóð: https://samromur.is/tala
2. Veljið hversu margar setningar þið viljið lesa.
3. Veljið Salaskóla , setjið inn aldur, kyn og móðurmál.
4. Staðfestið skilmálana og persónuverndaryfirlýsingu verkefnisins.
5. Ýtið á ,,Áfram”.
6. Lesið góðu ráðin, hakið við ,,Sleppa þessum glugga næst” og ýtið á ,,Áfram”.
7. Ýtið á hljóðnemann og lesið setninguna sem birtist á skjánum. Ýtið á pásu þegar
þið hafið lokið við að lesa setninguna. Til að lesa næstu setningu ýtið þið á
hljóðnemann og svo koll af kolli.
8. Þegar þið hafið lokið við að lesa inn allar setningarnar ýtið þá á ,,Senda”.

Staða keppninnar er síðan birt jafnóðum á stigatöflu sem er aðgengileg inni á heimasíðu
verkefnisins. Við hvetjum nemendur, foreldra, systkini og starfsmenn til þess að
lesa inn fyrir Salaskóla og telst hver lesin setning vera stig fyrir skólann. Hver
þátttakandi má taka eins oft þátt og hann vill, því fleiri setningar því fleiri stig.
Þetta getur nýst börnum sem góð æfing í lestri, sér í lagi þar sem hægt er að hlusta á sína
eigin upptöku og meta hvort hún hafi verið rétt lesin.

Forsetahjónin, Guðni Th. Jóhannesson og Eliza Reid, munu hleypa keppninni af
stokkunum, verða verndarar hennar og veita verðlaun að henni lokinni. Hér má einmitt
sjá myndband þar sem forsetahjónin segja frá keppninni og senda kveðju til landsmanna
og hvetja alla til að taka þátt í þessu mikilvæga átaki til að styðja við tungumálið okkar.
Ef þið viljið síður að ykkar barn/börn taki þátt í lestrarkeppni grunnskólanna þá megið
þið endilega láta okkur vita af því annars gerum við ráð fyrir því að allir megi taka þátt.

Ljáðu íslenskri tungu rödd þína. Það er á okkar valdi að alltaf megi finna svar á
íslensku.