Samrómur – lestrarkeppni grunnskóla

Í fyrra tók Salaskóli þátt í lestrarkeppni Samróms og hafnaði í öðru sæti í
æsispennandi keppni. Nemendur, starfsfólk, foreldrar og systkini voru dugleg að taka þátt
sem skiluðu okkur þessum glæsilega árangri og 5 Sphero Bolt vélmönnum. Í ár ætlum við
að taka þátt í annað sinn og munu nemendur okkar fá tækifæri til að taka þátt á skólatíma en
frábært væri ef þeir myndu líka taka þátt heima. Allir sem vettlingi geta valdið eru hvattir til
að taka þátt í nafni skólans. Lestrarkeppni Samróms stendur einungis yfir í viku,
dagana 18.-25. janúar.

Samrómur er heiti samvinnuverkefnis sem snýr að því að safna röddum Íslendinga til að
búa til opið gagnasafn fyrir notkun á íslensku í upplýsingatækni þannig að tölvur geti skilið
íslensku. Lestrarkeppnin er því liður í því að safna röddum fyrir verkefnið. Upptökurnar af
lestrinum eru síðan notaðar til þess að kenna tölvum og tækjum að skilja málið.

Takið þátt, ferlið er einfalt og mjög fljótlegt.
1. Farið inn á þessa vefslóð: https://samromur.is/tala
2. Veljið hversu margar setningar þið viljið lesa.
3. Veljið Salaskóla , setjið inn aldur, kyn og móðurmál.
4. Staðfestið skilmálana og persónuverndaryfirlýsingu verkefnisins.
5. Ýtið á ,,Áfram”.
6. Lesið góðu ráðin, hakið við ,,Sleppa þessum glugga næst” og ýtið á ,,Áfram”.
7. Ýtið á hljóðnemann og lesið setninguna sem birtist á skjánum. Ýtið á pásu þegar
þið hafið lokið við að lesa setninguna. Til að lesa næstu setningu ýtið þið á
hljóðnemann og svo koll af kolli.
8. Þegar þið hafið lokið við að lesa inn allar setningarnar ýtið þá á ,,Senda”.

Staða keppninnar er síðan birt jafnóðum á stigatöflu sem er aðgengileg inni á heimasíðu
verkefnisins. Við hvetjum nemendur, foreldra, systkini og starfsmenn til þess að
lesa inn fyrir Salaskóla og telst hver lesin setning vera stig fyrir skólann. Hver
þátttakandi má taka eins oft þátt og hann vill, því fleiri setningar því fleiri stig.
Þetta getur nýst börnum sem góð æfing í lestri, sér í lagi þar sem hægt er að hlusta á sína
eigin upptöku og meta hvort hún hafi verið rétt lesin.

Forsetahjónin, Guðni Th. Jóhannesson og Eliza Reid, munu hleypa keppninni af
stokkunum, verða verndarar hennar og veita verðlaun að henni lokinni. Hér má einmitt
sjá myndband þar sem forsetahjónin segja frá keppninni og senda kveðju til landsmanna
og hvetja alla til að taka þátt í þessu mikilvæga átaki til að styðja við tungumálið okkar.
Ef þið viljið síður að ykkar barn/börn taki þátt í lestrarkeppni grunnskólanna þá megið
þið endilega láta okkur vita af því annars gerum við ráð fyrir því að allir megi taka þátt.

Ljáðu íslenskri tungu rödd þína. Það er á okkar valdi að alltaf megi finna svar á
íslensku.

Litlu jól með breyttu sniði í ár. Hver bekkur var inn í sinni stofu í stað jólaballs, en aðeins 1.-4. bekkur (einn bekkur í einu) fór og söng jólalög með Stefáni tónlistarkennara inn í sal.
Við óskum ykkur gleðilegra jóla og hafið það allra best yfir hátíðarnar með ykkar nánustu. Þetta hafa verið skrítnir tímar – en það má með sanni segja að allir hafa staðið sig vel hér í Salaskóla.

Merry Christmas everyone.

Atli Elvarsson í 10.bekk var sigurvegari í Bifur (Bebras) áskoruninni á hvorki meira né minna en landsvísu.

Bebras er alþjóðleg tölvuáskorun sem er ætluð að kynna hugmyndafræði og grunnhugsun forritunar.

Við óskum Atla innilega til hamingju.

Myndir af nemendum í 9.bekk sem lentu í sæti innan Salaskóla. (Myndir teknar af Ólafi Orra , nemanda í Salaskóla)

Lúsían

Í Salaskóla hefur verið hefð að vera með Lúsíumessu sem tengist verndardýrðlingnum Santa Lúsíu. Barnahópur klæðist í hvíta kirtla og gengur syngjandi með kertaljós um ganga skólans. Stundum hafa um 80 börn tekið þátt. Í aðalhlutverki hafa þá verið 4. bekkingar og Lúsían hefur verið valin úr 7. bekk. Lúsían sjálf er prýdd ljósakransi.

Í ljósi aðstæðna breyttum við hefðinni í ár og 4. bekkur sá alfarið um sönginn, búningana og kertin. Þetta er eitt lag sem er sungið nokkrum sinnum. Söngnum var streymt þannig að allir í skólanum gátu fengið dagskránna á skjá í stofunni sinni og einnig foreldrar að þessu sinni. Falleg og friðsæl stund í morgunsárið.

Hér má sjá myndbandið

Jólaþorp og hurðir

Það er einnig hefð hér í Salaskóla að 7.bekkur búi til og setji upp jólaþorp í skólanum. Þetta gera nemendurnir í samstarfi við smiðjukennara skólans. Í ár skreyttu umsjónakennarar með nemendum sínum hurðir af skólastofunum sínum. Ólafur Orri, nemendi í skólanum tók myndirnar af hurðunum fyrir vefsíðu Salaskóla svo að aðrir nemendur í skólanum geti notið – þar sem í ljósi aðstæðna má ekki labba um skólann.

Hér má sjá myndir

Alþjóðlega Hour of Code (Klukkustund kóðunar) forritunarvikan verður haldin dagana 7.-13. desember um heim allan. Markmiðið með átakinu er að hver og einn nemandi forriti í a.m.k. eina klukkustund. Átakið hefur náð til yfir milljarð þátttakenda í yfir 180 löndum.

Búið er að skrá Salaskóla til þátttöku og stefnt er að því að sem flestir nemendur taki þátt í skólanum. Nemendum er frjálst að taka þátt einnig í forritunarvikunni heima og hvetjum við áhugasama til þess að kóða sem mest en mjög margt er í boði.

English below

Á morgun, 18. nóvember, taka gildi breyttar sóttvarnarreglur sem hafa smá áhrif á skólastarf í grunnskólum. Við erum reyndar enn að bíða eftir reglugerð með nánari leiðbeiningum en tvennt vitum við:

1. Grímunotkun og fjarlægðarmörk verða felld niður í 5. – 7. bekk
2. Íþróttakennsla getur hafist aftur í íþróttahúsinu.

E.t.v. koma fleiri breytingar fram í reglugerð og við bregðumst við því ef svo verður.

Á morgun, miðvikudaginn 18. nóvember, fella nemendur í 5. – 7. bekk því grímurnar og verða í skólanum skv. stundaskrá til kl. 13:50. Valgreinar og smiðjur falla niður á morgun hjá 7. bekk, þar sem sóttvarnarreglur koma enn í veg fyrir að við getum kennt þær. Þeir fara því heim eitthvað fyrr. Svo eru íþróttir í íþróttahúsinu hjá öllum nemendum skólans sem eiga að vera í íþróttum.

Við viljum biðja foreldra unglingaforeldra að stappa í þá stálinu því þeir þurfa að vera áfram með grímur í skólanum. Það er farið að taka á en þau eru skynsöm og vilja leggja sitt af mörkum sigra veiruna. Það er verið að tala um næstu tvær vikur og skólasókn þeirra miðast því áfram við tímasókn til hádegis, en þó verður væntanlega sundkennsla eftir hádegi hjá einhverjum hópum eftir hádegi.

Tomorrow, 18th of November, slightly changed epidemiological rules will take effect and that will have some effect on schoolwork in primary schools. We are now waiting for a new regulation with further instructions, but this we know:
1. Students in grades 5-7 will no longer be required to wear facemasks.
2. Physical Education can resume in the gymnasium.
Perhaps there will be more changes in the regulation and we will react accordingly.
Students in grades 5-7 can drop their facemasks as of tomorrow and attend classes according to schedule. Schoolday ends at 13.50.
Elective classes and workshop for grade 7 will be cancelled tomorrow because disease-control rules still prevent us from teaching these classes. Students in grade 7 will therefore go home a little earlier.
Sport lessons in the gymnasium will continue for all students who are supposed to attend.
We would like to ask parents of teenagers to give them a pep talk since they must continue to wear facemasks in school. Some find this tiresome but the teenagers are sensible and eager to do their best to beat the virus. Students in grades 8 to 10 will therefore stay in school until noon but a few groups will probably attend swimming lessons in the afternoon.

Bebras (Bifur) – áskorunin í rökhugsun & tölvufærni

Nemendur í 4.-10.bekk í Salaskóla stefna á að taka þátt í Bebras-áskoruninni að þessu sinni en Bebras tölvuáskorunin 2020 fer fram í vikunni 9.-13. nóvember 2020. Áskorunin er alþjóðlegt verkefni og er henni ætlað að kynna hugmyndafræði og grunnhugsun forritunar (e. computational thinking) fyrir nemendum með því að fá þá til að leysa krefjandi og skemmtileg verkefni.

Bebras var upphaflega stofnað af Prófessor Valentina Dagiene hjá Háskólanum í Vilnius, en Bebras (e. Beaver) er heitið á dýrinu bifur á litháísku. Bebras er ætlað að vekja áhuga nemenda á því að kynnast upplýsingatækni. Valentina ákvað að nýta bifur sem ímynd áskoruninnar vegna þess dugnaðar og fullkomnunaráráttu sem þeir virðast hafa. Bifrar eru duglegir, vinnusamir og gáfaðir; og þeir vinna stöðugt í stíflunum sínum, bæði til að gera þær betri og stærri. Fyrsta Bebras áskorunin var í Litháen árið 2004 en áskorunin hefur stækkað gríðarlega á stuttum tíma og er hún ein fjölmennasta áskorun sem notuð er til kennslu í upplýsingatækni.