Nemendur fengu val um að fara í skíðaferð upp í Bláfjöll í góða veðrinu eða taka þátt í öskudagsgleðinni nú á miðvikudaginn. Margir nemendur ákváðu að skella sér á skíði og skemmtu sér konunglega.
Fleiri myndir má nálgast í myndasafni, en þær Ása, Jóhanna Björk og Ragnheiður eiga heiðurinn að þeim.
Öskudagurinn var haldinn hátíðlegur hér í Salaskóla með balli, leikjum og að lokum pylsuáti. Margir nemendur komu í mjög svo frumlegum búningum. Leyfum myndunum að tala sínum máli.
Fleiri myndir má nálgast í myndasafni
Veðrið er að versna og spáin vond. Það á að vera mjög slæmt frá ca. 11:00 – 17:00 í dag. Við höldum börnunum inni í skólanum í dag og sendum engan heim þegar veðrið er vont. Foreldrar verða að sækja börnin en óráðlegt að fara af stað meðan veðrið er verst – þá lenda bara allir í vandræðum. Skynsamlegast er að fara af stað áður en veðrið kemst í sinn versta ham. Um kl. 11:00 verða komnir 20 m/sek skv. belgingur.is og til kl. 17:00 verður kolvitlaust veður.
Við biðjum ykkur um að hringja ekkert í skólann, því þá springur kerfið. Þið getið komið skilaboðum til okkar fljótt og vel með því að senda póst á ritari@salaskoli.is.
Þegar þið komið að sækja börnin eruð þið beðin um að koma inn í skólann og fara að kennslustofunni þeirra. Þannig gengur þetta best fyrir sig.
En eins og áður kom fram þá verða einhverjir starfsmenn hér í dag þar til öll börn hafa verið sótt – hvenær sem það verður.
Veður er að versna og spáin vond. Smellið á linkinn og lesið.
Bad weather focast. Please read the following link:
Röskun á skólastarfi / disruption of school operation
Nokkrir strákar úr 7. bekk gerðu myndband um einelti. Þetta er virkilega vel gert hjá þessum strákum og við vonumst til að sjá eitthvað fleira eftir þá í framtíðinni.
Einelti – Myndband (smellið hér til að skoða myndbandið)
Athygli er vakin á auglýsingu um breytingu á aðalnámskrá grunnskóla og greinasviðum með aðalnámskrá grunnskóla. Breytingarnar varða brautskráningu úr grunnskóla áður en 10 ára skyldunámi er lokið. Í auglýsingu nr. 894/2016, sem birt var í Stjórnartíðindum 31. október 2016, staðfesti mennta- og menningarmálaráðherra breytingar á aðalnámskrá grunnskóla og greinasviðum með aðalnámskrá grunnskóla. Meginbreytingin lýtur að því að ef niðurstöður samræmdra könnunarprófa sýna að nemandi í 9. bekk hefur sýnt framúrskarandi (A) eða góða hæfni (B) samkvæmt hæfnikröfum 10. bekkjar og náð framúrskarandi árangri í öðrum greinum geta foreldrar óskað eftir því við skólastjóra grunnskóla að barn þeirra sé útskrifað úr grunnskóla áður en tíu ára skyldunámi er lokið. Sjá nánari í frétt á heimasíðu mennta- og menningarmálaráðuneytis.
Athygli er einnig vakin á breytingu á reglugerð um innritun nemenda í framhaldsskóla, sem miðar að því að auka svigrúm skólanna við val á umsækjendum um skólavist. Meginefni reglugerðarinnar er að þegar framhaldsskólar þurfa að velja úr stórum hópi umsækjanda um skólavist, er þeim heimilt að taka mið af fleiri gögnum en lokaeinkunnum úr grunnskóla. Þeim er einnig heimilt að taka mið af viðbótargögnum sem nemandi kýs að senda með umsókn sinni, eins og staðfestar upplýsingar um þátttöku og árangur í félagsstarfi, öðru námi, keppnum af ýmsu tagi, svo sem íþróttum, listum, tungumálum og raungreinum og niðurstöður samræmdra könnunarprófa. Þessi breyting kemur fram í reglugerð nr. 1199/2016 um breytingar á reglugerð nr. 1150/2008 um innritun nemenda í framhaldsskóla (sem áður var breytt með reglugerð nr. 204/2012). Sjá nánar í frétt á heimasíðu mennta- og menningarmálaráðuneytis.
Innritun 6 ára barna (fædd 2011) fer nú alfarið fram í gegnum
íbúagátt á vef bæjarins https://ibuagatt.kopavogur.is
Opnað verður fyrir skráningu 1. mars 2017 og stendur hún til
8. mars.
Sömu daga fer fram innritun nemenda sem flytjast milli
skólahverfa og þeirra sem flytja í Kópavog eða koma úr
einkaskólum.
Haustið 2017 munu skólar hefjast með skólasetningardegi
þriðjudaginn 22. ágúst. Nánari upplýsingar um skólabyrjun
munu birtast á heimasíðum skólanna.
Sérstök athygli er vakin á því að umsóknarfrestur um
heimild til að stunda nám í einkaskólum eða grunnskólum
annarra sveitarfélaga er til 1. apríl og skal sækja um á
íbúagátt Kópavogs. Sækja þarf um að nýju fyrir
nemendur, sem nú eru í slíkum skólum, ef gert er ráð fyrir
að þeir verði þar næsta vetur.
Kennarar og skólastjórnendur lesa og svara tölvupósti eftir kennslu og að minnsta kosti innan tveggja daga frá því hann berst. Póstur sem berst eftir að vinnudegi lýkur er ekki lesinn fyrr en daginn eftir.
Ekki er hægt að treysta því að tölvupóstur sem kennarar eða skólastjórnendur fá verði lesinn samdægurs. Ef erindið er brýnt þarf því að hringja á skrifstofu skólans 441-3200 eða senda tölvupóst á skrifstofuna ritari@salaskoli.is
Við hvetjum foreldra til að fara yfir skipulag dagsins með börnum sínum áður en þau fara í skólann ekki síst ef eitthvað á að vera öðruvísi en venjulega. Við eigum oft erfitt með að sinna beiðnum um að koma skilaboðum til barna á miðjum morgni en gerum það auðvitað ef upp koma ófyrirséð tilvik. Í slíkum tilvikum geta foreldrar hringt á skrifstofu skólans eða sent skilaboð á ritari@salaskoli.is.
Kennarar eru með þéttskipaða dagskrá eftir að lokinni kennslu og eru þá að sinna undirbúningi undir kennslu, samstarfi við aðra kennara, fundum með foreldrum og sérfræðingum, kennarafundum og endurmenntun. Foreldrar geta því ekki náð tali af kennara þegar kennslu lýkur t.d. þegar þeir eru að sækja börn sín, nema þeir hafi áður pantað viðtal.
Foreldrar geta óskað eftir fundi við kennara eða skólastjórnendur með því að senda þeim tölvupóst og þeir svara við fyrsta tækifæri.
Ef upp koma alvarleg tilvik utan dagvinnutíma sem þarf að upplýsa okkur um eru foreldra beðnir um að hringja í Hafstein skólastjóra í síma 821 1630 eða Hrefnu Björk aðstoðarskólastjóra í síma 8643719.
Í dag eru foreldraviðtöl og í tilefni þess hafa 10.bekkingar stillt upp þessum fallega kökubasar.
Hægt er að kaupa sér til að maula á staðnum og svo er líka hægt að kaupa heilar kökur. Gott væri að hafa reiðufé í vasanum til að borga fyrir. Salan er við aðalinngang og á miðrými uppi.
Fallega skreyttir kökubakkar
Flottir
Namm, girnilegt!
