Keppnislið Salaskóla í unglingaflokki fer á  morgun, fimmtudag, til Svíþjóðar til að keppa á Norðurlandamóti í liðakeppni skóla í skák.

Keppnin fer fram dagana 10.-14. sept. í Stokkhólmi.

Fylgist með gengi liðsins hér á heimasíðunni um helgina. Linkur á fréttir.

Patrekur Maron Magnússon í 10. bekk endurheimti Íslandsmeistartitil í skólaskák með yfirburðum. Íslandsmótið var haldið á Akureyri dagana 30. apríl – 3. maí 2009 og tóku fimm krakkar úr Salaskóla þátt í mótinu, þau Patrekur Maron Magnússon, Jóhanna Björg Jóhannsdóttir, Páll Andrasons, Eiríkur Örn Brynjarsson og Birkir Karl Sigurðsson.

Þetta er algjört met, aldrei fyrr hafa jafnmargir krakkar úr sama skólanum náð inn á landsmót einstaklinga í skák.  Mesti fjöldi frá sama skóla er 4 keppendur og var það met sett í fyrra af okkar skóla. Krakkarnir okkar stóðu sig vel – það var ekki ein einasta skák auðveld því hér var saman komið úrval þeirra bestu í landinu. Nánari úrslit hér:

Skáksveit Salaskóla gerði sér lítið fyrir og varð Íslandsmeistari grunnskólasveita um helgina.

Liðið skipuðu þau Patrekur Maron, Jóhanna, Páll og Eiríkur Örn. Mótið var haldið hér í skólanum og sendi skólinn 8 lið til keppninnar. Lesið meira um Íslandsmeistarana og aðrar sveitir Salaskóla á http://www.skak.blog.is/blog/skak/entry/864852/. Við óskum skákmönnunum okkar, yngri sem eldri, innilega til hamingju með glæsilegan árangur.

Fimmtudaginn 2. apríl var Skólaskákmeistaramót Kópavogs 2009 haldið í Hjallaskóla. Keppendur voru 38 í yngri flokki og 8 í eldri flokki.

Tefldar voru 7 umferðir í eldri flokki, allir við alla 2x 15 mín á skák. Salaskóli var í algerum sérflokki þar því allir 5 keppendurnir sem við máttum senda lentu í 5 efstu sætunum eins og hér kemur fram:

1. Patrekur Maron Magnússon

2. Jóhanna Björg Jóhannsdóttir

3. Páll Andrason

4.-5. Eiríkur Örn Brynjarsson

4.-5. Guðmundur Kristinn Lee

Patrekur og Jóhanna voru hér jöfn efst og að loknu einvígi þeirra á milli hafði Patrekur sigur. Patrekur Maron sitjandi Íslandsmeistari frá því í fyrra varð því Kópavogsmeistari 2009. Þau keppa síðan sem fulltrúar Kópavogs á kjördæmismóti Reykjanes þann 4. apríl 2009. Myndir

Nemendur Salaskóla stóðu sig einnig afar vel í yngri flokki. Tefldar voru 9 umferðir með Monrad kerfi, 2×12 mín á skák. Þannig röðuð þau sér:

1. Birkir Karl Sigurðsson

2. Arnar Snæland

4.-8. Sindri Sigurður Jónsson

9.-10. Eyþór Trausti Jóhannsson

9.-10. Hildur Berglind Jóhannsdóttir

Við óskum skákfólkinu okkar innilega til hamingju með þennan frábæra árangur.   

Þrjú stúlknalið fóru á Íslandsmeistarmót í skák núna um helgina. Mótið var haldið hér í Salaskóla. Úrslit urðu á þann veg að Salaskóli vann í flokki A liða, B liða og C liða. Öll liðin okkar voru efst að stigum sem er frábær árangur hjá stelpunum. Í einstaklingskeppni varð Jóhanna Björg Jóhannsdóttir, nemandi í 10. bekk, Íslandsmeistari stúlkna í eldri flokki (fæddar 1993-95) sem er stórglæsileg frammistaða. Hægt er að lesa nánar um úrslitin á skak.is.  

Stúlknaliðin voru þannig skipuð:
A-sveit. 1. Jóhanna Björg, 10.bekk

             2. Hildur Berglin, Ritum

             3. Guðbjörg Lilja Svavarsd, Hávellum

             4. Erna María Svavarsd, Súlum.

B-sveit. 1. Una Sól, Ritum

             2. Anastasia, 9. bekk

             3. Rebekka Ósk Svavarsd, Kríum

             4. Heiða, Mávum

 C-sveit 1. Guðrún Vala, Þröstum

             2. Freyja, Hrossagaukum

             3. Móey, Hrossagaukum

             4. Hulda Clara, Steindeplum

Varamenn í C-sveit: Lana Kristín, Þröstum

                                 Hildur María, Steindeplum.

Hinu árlega bekkjamóti Salaskóla lauk föstudaginn 5. desember. Til úrslita kepptu 14 bestu liðin:  Fjögur bestu úr yngsta flokki, 1. til 4. bekk, fimm bestu úr miðstigi 5 til 7 bekk og fimm bestu úr unglingadeild.

Leikar fóru þannig að A lið Lóma bar sigur úr bítum með 15 vinninga en A-lið Fálka fylgdi fast á eftir með 13 vinninga. Tvö lið, A lið hjá Kjóum og Örnum, voru jöfn að vinningum með 11 vinninga sem endaði þó með því að Kjóarnir tóku 3. sætið vegna sterkari stöðu.

Við óskum liðunum til hamingju  með frábæran árangur. Meðfylgjandi mynd sýnir sigurvegarana, A lið Lóma, ásamt Tómasi. Nánari úrslit með því að smella á Lesa meira.

Nú er vetrarstarfið í skákinni að hefjast í Salakóla. Nemendur geta komið á eftirfarandi æfingar:

Byrjendur ( og þeir sem eru í dægradvöl): 1, 2 og 3. bekkur – miðvikudaga og/eða föstudaga kl 13:30 til 14:30  
Kennari: Sigurlaug Regína, skráning hjá viðkomandi umsjónarkennara eða ritara í tölvupósti asdissig@kopavogur.is

Lengra komnir – allur aldur þriðjudaga kl: 14:30 til 16:10 
Kennari: Tómas Rasmus.

Úrvalshópur þeir sem vilja pæla djúpt, þriðjudaga kl: 14:30 til 16:10 
Kennari: Henrik Danielsen stórmeistari.

Hægt er að lesa um skákárið í fyrra á heimasíðu Salaskóla undir liðnum þróunarstarf – skák