Nemendur í 1. – 7. bekk mættu á jólaball þennan morguninn og áttu skemmtilega stund við jólartréð ásamt hljómsveitinni Jólakúlunum og Giljagaur. Eftir jólaballið hófst jólafrí. Hér eru myndir frá morgninum. 4. janúar er skipulagsdagur og nemendur eiga frí, en dægradvölin er opin. Kennsla hefst svo aftur að loknu jólaleyfi miðvikudaginn 5. janúar.
Bestu óskir um gleðileg jól og farsæld á komandi ári.
Það er orðin hefð í Salaskóla að halda upp á Lúsíumessu sem tengist verndardýrðlingnum Santa Lúsíu. Kór Salaskóla, sem er skipaður nemendum úr 3.-7. bekk, sér ávallt um Lúsíuathöfnina undir stjórn Ragnheiðar tónmenntakennara.
Krakkarnir klæðast þá hvítum kyrtlum, hnýta silfurbönd um mitti sér og höfuð og eru með ljós í hönd. Lúsían sjálf er prýdd ljósakransi og með rauðan linda um mitti. Í morgun fór Lúsíugangan um allan skólann með söng og tilheyrandi hátíðleika. Katrín Kristinsdóttir í fálkum var Lúsían þetta árið. Nemendur komu fram á ganga með kennurum sínum og fylgdust með göngunni. Falleg og friðsæl stund í Salaskóla í morgunsárið. Fleiri myndir.
Í Salaskóla taka nemendur gjarnan rafræn próf en það eru próf sem eru tekin með hjálp tölvunnar inni á námsvef Salaskóla. Í sumum tilfellum birtist einkunn nemanda í lok prófsins. Mikil hagræðing og tímasparnaður er af þessu fyrirkomulagi jafnt fyrir nemendur sem kennara og auk þess sparast hellingur af pappír. Í morgun var einmitt rafrænt próf hjá sjöundubekkingum í tölvuveri skólans og þegar litið var yfir hópinn mátti sjá einbeitnina skína úr hverju andliti. Allmörg próf í 7. – 10. bekk í lok þessarar annar eru með rafrænum hætti.
Já, þær voru sannarlega flottar jólasveinahúfurnar sem nemendur og starfsfólk skartaði í dag enda hinn árlegi rauði dagur hér í Salaskóla en þá er mælst til þess að sem flestir klæðist einhverju rauðu. Þetta setur mjög skemmtilegan svip á skólann. Ýmislegt er verið að bralla á rauða deginum, víða mátti sjá jólaföndur í gangi í stofum, sumir bekkir voru að fara í jólatölvutíma (hvað skyldi það vera!!) og úr salnum mátti heyra jólalög sungin hástöfum. Þegar að var gáð voru allir krakkarnir í 4. bekk mættir í samsöng hjá Ragnheiði tónmenntakennara og tóku hraustlega undir sönginn hjá henni. Rauðu jólasveinahúfurnar settu skemmtilegan svip á samsönginn í dag. Á slíkum degi er að sjálfsögðu borinn jólagrautur á borð með kanilsykri og lifrarpylsu. Skoðið myndir.
Nýlega voru níundubekkingarnir, krummarnir, að gera tilraunir í eðlisfræði með því að yfirvinna þyngdarafl jarðar. Með gosflöskum fylltum af vatni og þurrís tókst að skjóta 2 lítra flösku 2x hærra en Salaskóli það eru ca 14 metra upp í himininn. Þegar gosflaskan var orðin tóm var hún komin á efstu stöðu og hrundi síðan aftur til jarðar. Verst að einhverjar vatnsrakettur eru uppá þaki og við þorum ekki að sækja þær við erum svo lofthrædd. Hér eru fleiri skemmtilegar myndir frá tilrauninni.
Bekkjarmeistaramót Salaskóla í skák fór fram í dag, föstudag og urðu úrslitin á þann veg að Himbrimar sigruðu með flesta vinninga. Efstu lið voru Himbrimar 8. b. með 16,5 vinninga, Krummar 9. b. með 16 vinninga og Súlur 6. b. með 13,5 vinning. Í liði Himbrima voru Eyþór Trausti (1b), Baldur Búi (2b) og Aron Ingi (3b).
Í upphafi þessa móts tefldu ca. 100 krakkar í þremur forkeppnum. Lokamótið var síðan skipað þeim bestu af þeim bestu og eru því Himbrimar sannkallaðir meistarar í ár.
Undanrásum er nú lokið í bekkjamóti Salaskóla. Alls kepptu 32 lið í undanrásum eða rétt um 100 krakkar. Efstu 3 lið úr yngsta flokki, efstu 4 lið af miðstigi og efstu 5 liðin úr unglingadeild halda síðan áfram og keppa um titilinn Bestu bekkur Salaskóla í skák 2010 að morgni 3 desember 2010. Tómas Rasmus er mótsstjóri.
Eftirfarandi lið hafa ölast keppnisrétt á lokamótinu:
| Úr 1.- 4. bekk Hrossagaukar A lið 4. bekkur Starar Mátlið 2. bekkur Lóur Alið 4. bekkur |
Úr 5.-7. bekk Súlur A lið 6. bekkur Súlur B lið 6. bekkur Fálkar A lið 7. bekkur Langvíur A lið 6. bekkur
|
Úr 8.-10. bekk Krummar A lið 9. bekkur Himbrimar A aha 8. bekkur Himbrimar nr 1, 8 bekkur Smyrlar A lið 10. bekkur Krummar B lið 9. bekkur |
Fyrstubekkingar ásamt kennurum sínum buðu foreldrum upp á gleðistund í salnum í morgun með sýnishorni úr samsöng og tónmennt vetrarins. Þau komu öguð á svið og sungu við raust hinar ýmsu vísur og lög svo allir gátu ekki annað en hrifist með. Á eftir var foreldrum boðið að koma í bekkina þar sem afrakstur þemaverkefna voru til sýnis. Þar voru t.d flottir teiknaðir fuglar til sýnis eins og sendlingar, músarindlar, spóar og stelkar.
Sjá fleiri myndir hér.
Eftirfarandi bréf barst skólanum frá Reykjum þar sem sjöundu bekkingar dveljast:
Hér á Reykjum ræður gleðin ríkjum. Nemendur dvelja kátir við leik og störf. Læra náttúrfræði, byggðarsögu, fræðast um undraheim auranna og sprikla í íþróttum og sundi. Á milli þess er "chillað" á herbergjum, keppt í borðtennis og billiard eða bara haft gaman saman. Krakkarnir okkar standa sig með prýði og eru sér og sínum til sóma. Svo er gaman að fylgjast með þeim mynda vinatengsl við krakkana úr Flataskóla. Við látum fylgja hér eina dagbókarfærslu sem fangar stemmninguna vel:
Kæra dagbók,
Í dag komum við á Reyki. Það var awesome. Við fengum að fara í herbergin okkar og chilla. Það var awesome. Svo fórum við og kynntumst öllum húsunum. Það var awesome. Svo var okkur skipt í hópa og ég er í hóp 1 sem fór í náttúrufræði í dag. Það var líka awesome. Svo núna fer ég að sofa, góða nótt.
Awesome kveðja,
Fálkar og Ernir