Fyrstubekkingar ásamt kennurum sínum buðu foreldrum upp á gleðistund í salnum í morgun með sýnishorni úr samsöng og tónmennt vetrarins. Þau komu öguð á svið og sungu við raust hinar ýmsu vísur og lög svo allir gátu ekki annað en hrifist með. Á eftir var foreldrum boðið að koma í bekkina þar sem afrakstur þemaverkefna voru til sýnis. Þar voru t.d flottir teiknaðir fuglar til sýnis eins og sendlingar, músarindlar, spóar og stelkar.
Category Archives: Fréttir
Rosastuð á Reykjum
Sjá fleiri myndir hér.
Eftirfarandi bréf barst skólanum frá Reykjum þar sem sjöundu bekkingar dveljast:
Hér á Reykjum ræður gleðin ríkjum. Nemendur dvelja kátir við leik og störf. Læra náttúrfræði, byggðarsögu, fræðast um undraheim auranna og sprikla í íþróttum og sundi. Á milli þess er "chillað" á herbergjum, keppt í borðtennis og billiard eða bara haft gaman saman. Krakkarnir okkar standa sig með prýði og eru sér og sínum til sóma. Svo er gaman að fylgjast með þeim mynda vinatengsl við krakkana úr Flataskóla. Við látum fylgja hér eina dagbókarfærslu sem fangar stemmninguna vel:
Kæra dagbók,
Í dag komum við á Reyki. Það var awesome. Við fengum að fara í herbergin okkar og chilla. Það var awesome. Svo fórum við og kynntumst öllum húsunum. Það var awesome. Svo var okkur skipt í hópa og ég er í hóp 1 sem fór í náttúrufræði í dag. Það var líka awesome. Svo núna fer ég að sofa, góða nótt.
Awesome kveðja,
Fálkar og Ernir
Dagur íslenskrar tungu
Í tilefni af Degi íslenkrar tungu sem er í dag, 16. nóvember, buðu nemendur í 5. og 6. bekk foreldrum og nemendum í yngri bekkjum að koma á sal og hlusta á þau flytja ljóð og vísur. Skáldið Jónas Hallgrímsson var heiðrað með flutningi á mörgum ljóðum hans, fagurlega skreytt myndverkum, og nemendur sýndu svo sannarlega leikræna tilburði í flutningi. Einnig voru sungnar vísur við undirleik þeirra sjálfra og Ragnheiðar tónmenntakennara. Krakkarnir og kennararnir þeirra eiga heiður skilið fyrir þessa vönduðu dagskrá.
Góður námsárangur í 10. bekk
Nemendur í 10. bekk í Salaskóla stóðu sig vel á samræmdu könnunarprófinu nú í haust. Í öllum greinunum, íslensku, ensku og stærðfræði var niðurstaðan vel fyrir ofan landsmeðaltal. Í íslensku var meðaltal skólans 6,6 og landsmeðaltali 6,2. Í stærðfræði var meðaltal skólans 7,2 en landsmeðaltalið 6,5 og í ensku var meðaltal skólans 8,0 en landsmeðaltalið 7,1.
Robobobo flottir og með góða liðsheild
Lególið Salaskóla stóð sig frábærlega vel í First Lego League keppninni sem fram fór á laugardaginn. Í heildina lentu Robobobo í þriðja sæti í keppninni og voru auk þess kosnir liðið með bestu liðsheildina. Til hamingju með flottan árangur.
Fleiri fréttir af keppninni hér.
Allt klárt fyrir legokeppni
Nú eru lególið skólans Robobobo að leggja síðustu hönd á verk fyrir First Lego League keppnina sem verður haldin á laugardaginn í Keili á Suðurnesjum. Undirbúningur hefur staðið yfir í margar vikur. Fylgjast má með liðinu á vefsíðu liðsins http://robobobo.freehostia.com/lego/. Þar er einnig hægt að sjá dagskrá morgundagsins ef einhverjir vilja fara og hvetja liðið til dáða.
Sjá líka frétt á mbl.is
Útikennslustofa í Rjúpnahæð
Í morgun kl. 10:00 var útikennslustofan formlega opnuð. Mættir voru fulltrúar Kópavogsbæjar, starfsmenn fræðsluskrifstofu og skipulags – og umhverfissviðs. Elstu nemendur á Fífusölum og Rjúpnahæð með kennurum sínum og nemendafulltrúar Grænfánans í Salaskóla og kennarar. Einn kennarinn var með gítar og sungu allir saman nokkur lög og bökuðu brauð yfir opnum eldi og fengu heitt kakó.
Þetta var notaleg stund í fallegu stofunni sem á eftir að fá nafn. Allir fóru glaðir og sælir heim. Fullviss um að koma sem fyrst aftur.
Fleiri myndir.
Söguheimur Auðar og Þórarins
Rithöfundarnir Auður Jónsdóttir og Þórarinn Leifsson heimsóttu krakkana í 6. og 7. bekk og sögðu frá bókum sem þau hafa skrifað. Einnig ræddu þau um hvernig allir geta byrjað að skrifa á hvaða aldri sem þeir eru því að skriftir sé leikur þar sem blanda má öllu saman. Auk þessu sýndu þau fram á að myndir og orð fæða oft af sér sögu. Krakkarnir fylgdust með innleggi þeirra af áhuga og spurðu margra spurninga sem tengdust efninu. 
Verðlaunaafhending fyrir fjölgreindaleika
Verðlaunaafhending fyrir Fjölgreindaleika Salaskóla fór fram, 27. október á sal skólans Íþróttakennarar lögðu áherslu á að í raun og veru væru allir sigurvegarar á fjölgreindaleikunum því svo einstaklega vel þóttu nemendur standa sig, yngri sem eldri. Öll liðin fengu stig fyrir unnin störf og veitt voru sérstök verðlaun fyrir þrjú efstu liðin sem hlutu flest stig. Í 1. sæti var lið nr. 38 – Stjörnurnar. Fyrirliðar voru: Hlín (Krummum), Klara Marlín (Lómum) og Salný Vala (Lómum). Í liðinu voru: Sigurður Gylfi (Lóum), Katla (Teistum), Sara Hlín (Lundum), Hildur (Súlum), Helga (Fálkum), Hlynur (Maríuerlum) og Emil Grettir (Glókollum).
Í 2. sæti var lið nr. 6 – Súkkulaðistjarnan. Fyrirliðar voru Gilbert (Smyrlum) og Líney (Kjóum). Í liðinu voru: Hákon (Lóum), Guðbjörg (Fálkum), Pétur (Störum), Rebekka (Sendlingum), Sigríður Sól (Glókollum), Stefanía (Álftumum), Egill (Lundum), Jóhanna (Stelkum), Una (Súlum) og Bjarni (Maríuerlum).
Í 3. sæti var lið nr. 7 – Besti flokkurinn. Fyrirliðar voru Guðmundur Tómas (Smyrlum) og Svanhildur (Kjóum). Í liðinu voru Ágúst (Lóum), Ágúst (Fálkum), Daníel Snær (Störum), Arnaldur (Glókollum), Þórarinn (Sendlingum), Birkir (Álftum), Rebekka (Súlum), Elvar (Lundum , Markús (Stelkum) og Katla (Maríuerlum).
Þrír fyrirliðar voru nefndir sem þóttu skara framúr en það voru þau Bjartur Guðjónsson, Freyja Aðalsteinsdóttir og Steinunn Ýr Hilmarsdóttir.
Hér eru Myndir frá verðlaunaafhendingu en einnig voru um leið veitt viðurkenningarskjöl fyrir Norræna skólahlaupið sem fór nýlega fram. Meðfylgjandi mynd er af liðinu sem varð í fyrsta sæti.