Miðvikudaginn 10. apríl verður fundur fyrir foreldra nemenda í Salaskóla þar sem greint verður frá niðurstöðum kannana á viðhorfum foreldra og nemenda til skólans. Skólapúlsinn kannar viðhorf allra nemenda í 6. – 10. bekk á hverju ári og nú í mars kannaði hann viðhorf foreldra til skólans. Niðurstöður voru að berast og verður farið yfir þær á fundinum. Fundurinn hefst kl. 1730 og stendur til kl. 1830. Mikilvægt að allir mæti.
Category Archives: Fréttir
Þemavika
Skoðið myndir frá frábærri vinnu nemenda í þemaviku Salaskóla 18. – 22. mars sem ber yfirskriftina BÓKMENNTIR, ÞJÓÐSÖGUR og ÆVINTÝRI.
Foreldrum er boðið að koma í hádeginu á föstudaginn til að skoða afrakstur þemavikunnar.
Nýjar myndir koma inn á myndasafnið á hverjum degi.
Smellið á myndina úr Gosa-hópnum til að skoða myndasafnið.
Páskabingó foreldrafélagsins 19. mars
Páskabingó foreldrafélagsins verður haldið þriðjudaginn 19. mars. Bingóið verður með hefðbundnu sniði, yngri hópur (1. – 5. bekkur) verður með sitt bingó frá 17.00 – 19.00 og eldri hópurinn frá 20.00 – 22.00.
Spjaldið kostar 500 krónur og MUNA að taka með reiðufé, engin posi á staðnum. Fjöldi vinninga, meðal annars frá Arionbanka, Reyni Bakara, Lemon, Skautahöllinni, Íslandsbanka, Latabæ, Senu, Skemmtigarðinum, LaserTag, Sporthúsinu, Borgarleikhúsið, Stöð2, Skjá-1, Ölgerðinni, Beco og fullt fullt fleira. Auðvitað fá allir vinningshafar líka páskaegg. Við viljum samt endilega hvetja ykkur foreldra til að hjálpa til við að fjölga vinningum 🙂 Þess má geta að 10. bekkur verður með sjoppu á staðnum og rennur ágóðinn í ferðasjóð þeirra. Einnig minnum við á Facebooksíðu foreldrafélagsins, núna eru yfir 200 manns þar inni, slóðin er: http://www.facebook.com/groups/255515734571459/
Með kveðju
Stjórnin.
Skíðaferðir á fimmtudag og föstudag
Fimmtudaginn 14. mars er skíðaferð fyrir 8. – 10. bekk og föstudaginn 15. mars er skíða- og útivistadagur hjá 5. – 7. bekk. Við munum leggja af stað klukkan 9:00, það verður skíðað til klukkan 14:40 og lagt af stað heim klukkan 15:00. Þar sem þetta er ekki bara skíðaferð þá mega nemendur sem ekki vilja fara á skíði eða bretti koma með sleða. Það er líka hægt að fara í stuttar gönguferðir eða bara leika sér í snjónum. Við ætlumst til að allir komi með.
Skólinn sér um nesti í hádeginu en krakkarnir þurfa að koma með annað nesti sjálf. Lyftukortin kosta 600 krónur, leiga á skíðum og bretti er 2000 krónur. Umsjónarkennarar taka við peningunum og ganga frá greiðslum í Bláfjöllum.
Skólinn sér um rútukostnað og úrvals skíðakennslu.
Allir verða að koma vel klæddir því það getur orðið kalt til fjalla þennan dag.
Comeniusar-gestir í heimsókn
Þessa vikuna höfum við haft góða gesti í heimsókn frá Englandi, Þýskalandi, Spaní og Kýpur. Þetta eru 10 kennarar sem eru þátttakendur í Comeníusar-verkefni sem Salaskóli er einnig hluti af og heitir Europe- Ready, Steady, Go! Verkefnið hófst í haust og stendur yfir í tvö ár á miðstigi. Nemendur tóku vel á móti gestunum, sýndu þeim skólann og hvað þeir væru að gera í náminu. Kennarar á miðstigi funduðu ásamt erlendu gestunum um stöðu verkefnisins og framgang á næstu vikum. Það er alltaf gaman að fá gesti sérstaklega þegar nemendur eru til mikils sóma og sýna sínar bestu hliðar.
Meistaramót Salaskóla
Meistaramót Salaskóla fór fram föstudaginn 1. mars og þangað mættu skáksnillingar á öllum aldri til þess að tefla. Skemmst er frá því að segja að meistari meistaranna í SALASKÓLA 2012- 2013 er Eyþór Trausti Jóhannsson í himbrimum sem var hæstur að stigum með 8 stig eftir allar sínar viðureignir. Ef horft er á aldsursstigin urðu úrslit eftirfarandi:
1. – 4. bekkur – yngsta stig
1. Axel Óli Sigurjónsson 4. b. spóum (6 v.)
2. Egill Úlfarsson 4. b. jaðrökunum (6 v.)
3. Daníel Snær Eyþórsson 4. b. spóum (6 v.)
5. – 7. bekkur – miðstig
1. Jón Otti Sigurjónsson 7. b. teistum (7,5 v.)
2. Jason Andri Gíslason 6. b. kríum (7,5 v.)
3. Aron Ingi Woodward 6. b. kríum (7 v.)
8. – 10. bekkur – unglingastig
1. Eyþór Trausti Jóhannsson 10. b. himbrimum (8 v.)
2. Baldur Búi Heimisson 10. b. himbrimum (7,5 v.)
3. Hildur Berglind Jóhannsdóttir 8. b. kjóum (7 v.)
Innritun nýrra nemenda
Innritun nemenda sem eiga að byrja í Salaskóla í haust verður mánudaginn 4. mars og þriðjudaginn 5. mars. Skemmtilegast er að koma í skólann til innritunar en einnig er hægt að hringja á skrifstofuna. Athugið að her er bæði átt við innritun nemenda sem eru að byrja í 1. bekk og nemendur sem eru að flytja sig á milli skóla. Innritunin er frá kl. 9:00 – 15:00
Meistaramót Salaskóla í skák 1.-4. bekkur
Meistaramót Salaskóla yngsti flokkur 1.- 4. bekkur, 56 keppendur, fór fram í dag 14.02.2013 í Salaskóla. Þetta var úrtökumót þannig að efstu þrír úr hverjum árgangi halda síðan áfram og keppa um meistaratiltil Salaskóla 1.mars.2013 Við lok 7 umferðar birtust góðir gestir Hrafn Jökulsson og Róbert Lagerman með yngstu fulltrúana úr Kínverska landsliðinu í skák. Þessi heimsókn var í tilefni þess að vináttulandsleikur Kína og Íslands í skák fer fram um helgina sjá nánar: http://skak.blog.is/blog/skak/entry/1282816/
Fulltrúar Kína sem komu í heimsókn voru:
Bu Xiangzhi, fæddur 1985 (2675). Varð stórmeistari aðeins 13 ára, einn af allra bestu skákmönnum heims.
Wei Yi, fæddur 1999 (2501). Aðeins 13 ára, efstur allra í heiminum 14 ára og yngri. Hann er yngsti alþjóðameistari í heimi og hefur þegar náð tveimur stórmeistaraáföngum.
Tan Zhongyi, fædd 1991. (2466) Stórmeistari kvenna. Varð í tvígang heimsmeistari stúlkna 10 ára og yngri, 2000 og 2001. Heimsmeistari 12 ára og yngri árið 2002.
Þessi þrjú tefldu síðan fjöltefli hvert við um 15 Salaskólakrakka í einu. Því miður tókst okkur ekki að sigra þá en nokkrir krakkar sýndu þó skemmilega baráttu. Má þar nefna Baldur Búa úr 10b. , Hildi Berglindi úr 8b, Þorstein Breka úr 7b, og stöllurnar Völu, Móey og Tinnu úr 6.bekk. Börnin okkar voru sjálfum sér og Salaskóla til mikils sóma.
Úrslitin úr meistaramótinu ( 1.- 4. bekkur 2013)
Sá sem stóð sig best í meistaramótinu var Axel Óli Sigurjónsson en hann sigraði alla andstæðingana sína og fékk 7 vinninga, í öðru sæti varð Sindri Snær Kristófersson með 6 vinninga. Jafnir í þriðja til fjórða sæti voru síðan félagarnir Kári Vilberg og Anton Fannar með 5,5 vinninga. Nánari úrslit úr meistaramótinu verða síðan kynnt á mánudaginn.
Mótsstjóri var Tómas Rasmus kennari og honum til aðstoðar Ragnhildur Edda Þórðardóttir úr 9b. og Hildur Berglind Jóhannsdóttir úr 8b.
MYNDIR