Nemendur hafa nú fengið niðurstöður samræmdu prófanna í 4. og 7. bekk í hendur. Niðurstöður Salaskóla í 7. bekk voru ákaflega ánægjulegar og nemendur hafa tekið mjög miklum framförum almennt frá því í 4. bekk. Sérstaklega var útkoman í stærðfræði góð en þar er meðaltal skólans 8,0 sem er langt yfir landsmeðaltali en það var 6,9. Í íslensku var meðaltal skólans 6,7, örlítið yfir landsmeðaltali sem var 6,6.

Í 4. bekk var meðaltal skólans 6 í íslensku, rétt undir landsmeðaltalinu sem var 6,1. Útkoman í stærðfræði var heldur lakari en þar var meðaltal skólans 6,1 en landsmeðaltali 6,9.

Við erum nú að rýna í niðurstöður og munum grípa til aðgerða þar sem þess er þörf hjá einstökum nemendum. Við erum einnig að vinna í því að styrkja verulega stærðfræðikennslu í 4. bekk og væntum þess að það skili góðum árangri.

Í morgun fengu nemendur 10. bekkjar afhentar einkunnir úr samræmdu prófunum sem þeir þreyttu í september. Nemendur Salaskóla stóðu sig afar vel og voru langt yfir landsmeðaltali í íslensku og stærðfræði, en rétt undir því í ensku.
Í stærðfræði er meðaltalið í Salaskóla 7,45 en landsmeðaltali er 6,5 og meðaltal skólanna í nágrenni Reykjavíkur er 6,7. Í íslensku er meðaltalið í Salaskóla  6,95 en landsmeðaltalið er 6,4 og meðaltal skólanna í nágrenni Reykjavíkur er 6,5.
Í ensku er meðaltalið í Salaskóla 6,52 en landsmeðaltalið er 6,6 og meðaltal skólanna í nágrenni Reykjavíkur er 6,8.
Framfarir nemenda Salaskóla frá samræmdu prófunum í 7. bekk eru að meðaltali meiri en almennt gerist.
Þessi próf eru könnunarpróf og hugsuð til að sjá stöðu nemenda í upphafi 10. bekkjar. Við munum nú leggjast yfir niðurstöðurnar og skoða hvar þarf að grípa inn í með einhverjum hætti.

Starfsáætlun Salaskóla fyrir skólaárið 2012 – 2013 er komin út í pdf-formi. Hana er hægt að nálgast hér. Í starfsáætluninni er farið yfir fjölmarga þætti skólastarfsins og þeir skýrðir út. Við hvetjum foreldra til að skoða starfsáætlunina rækilega og kynna sér efni hennar.

Skrífstofa skólans hefur nú opnað aftur eftir sumarleyfi en undanfarna daga hafa stjórnendur skólans unnið hörðum höndum að því að hnýta lausa enda varðandi skipulag vetrarins. Mikilvægt er að við fáum sem fyrst tilkynningar um breytingar frá foreldrum ef einhverjar eru. Hlökkum til samstarfsins í vetur.

Skólasetning er 22. ágúst og nemendur mæta sem hér segir:

2., 3. og 4. bekkur        kl.   9:00
5., 6. og 7. bekkur        kl. 10:00
8., 9. og 10. bekkur      kl. 11:00

Kennsla í 2. – 10. bekk hefst samkvæmt stundaskrá fimmtudaginn 23. ágúst. 

Nemendur sem eru að fara í 1. bekk verða sérstaklega boðaðir með foreldrum sínum dagana 22. og 23.  ágúst. Kennsla skv. stundaskrá hefst í 1. bekk föstudaginn 24. ágúst. 

Dægradvöl opnar fimmtudaginn 23. ágúst fyrir 2. – 4. bekk. 

Vorhátið Foreldrafélags Salaskóla er núna á laugardaginn 19. maí. Dagskráin er frábær:

Lúðrasveit
Sirkússkóli
Töframenn
Skólahreysti
Fjöltefli við Helga Ólafsson
Snú-snú keppni
Vítaspyrnukeppni
Ingó veðurguð mætir með gítarinn
Reypitog

Grillaðar pylsur og með því í boði

Dagskráin getur breyst fyrirvaralaust.Hefst kl. 11 á laugardag og stendur til kl. 14. Allir velkomnir.