Erum að leita upplýsinga um hvort opið er í Bláfjöllum í dag. Vitum það kl. 8 og látum vita hér og á facebook. 

Hið geysivinsæla páskabingó foreldrafélagsins verður n.k. þriðjudag, 24. mars, og sem fyrr munum við tvískipta því svona:

1. – 5. bekkur verður frá 17:00 – 19:00
6. – 10. bekkur verður frá 20.00 – 22.00

5. bekkur getur þó valið hvort þau vilja mæta með yngri eða eldri hópnum.

Muna að taka reiðufé með ykkur þar sem engir posar eru á svæðinu.  Spjaldið kostar 500 kr og síðan verður 10. bekkur með veitingasölu í fjáröflun. Í boði verður samlokur, kökur, drykkir og fleira, þau eru heldur ekki með posa,

Ef einhver hefur tök á að útvega vinninga í bingóið þá má hinn sami hafa samband við einhvern úr stjórn foreldrafélagsins :), sjá hér http://salaskoli.is/index.php?option=com_content&view=article&id=300&Itemid=194

Sjáið einnig nánar um viðburðinn á facebook – síðu foreldrafélagsins  https://www.facebook.com/events/580189758751379/

Niðurstöður foreldrakönnunar Skólapúlsins voru að berast. Þær eru komnar á heimasíðuna undir skólinn – mat á skólastarfi. Og svo eru hún bara hér: Foreldrakönnun Skólapúlsins 2014-2015, Salaskóli

Laugafarar hafa flýtt brottför frá Laugum og leggja af stað kl. 9 á föstudagsmorgun. Sleppa því við vonda veðrið. 

Upplestrarkeppninni sem átti að vera í Salnum, tónlistarhúsi Kópavogs í dag er frestað vegna veðurs um óákveðinn tíma

Veðrið er að versna og hvasst við skólann. Við sendum litlu krakkana ekki gangandi heim úr dægradvölinni og höldum þeim inni þar til þau verða sótt. Biðjum foreldra samt að vera rólega í vinnunni og rjúka ekki af stað út í vonda veðrið:-)

Nemendur í 9. bekk eru nú að stíga upp í rútu sem fer með þá í skólabúðirnar á Laugum í Sælingsdal. Þarf verða þau þessa viku. Unnið verður að ýmsum verkefnum og ekki kæmi á óvart að Laxdæla bæri eitthvað á góma.  

Næstkomandi föstudag, 13. mars, verður skipulagsdagur í Salaskóla. Daginn nota kennarar í að meta starfið undanfarna mánuði og leggja línurnar fyrir síðasta áfanga skólaársins. Þá verður einnig gengið frá umbótaáætlun vegna úttektar sem Menntamálaráðuneytið gerði á Salaskóla rétt fyrir jól. Það eru sem sagt ærin verkefni sem liggja fyrir sem ekki gefst tími til að vinna dagsdaglega. Dægradvölin er opin þennan dag. 

Á skólaþingi nemenda 12. febrúar sl. var rætt um matartímana. Fram komu ýmsar góðar hugmyndir sem við höfum nú tekið saman og unnið úr þeim annars vegar viðmið fyrir matartímana og reglur um matartímana hins vegar. Nemendur eiga í raun allan heiður af þessu. Þetta er hægt að sjá hér:

Reglur í matartíma

Máltíðir í Salaskóla

Inn­ritun 6 ára barna (fædd 2009) fer fram í Salaskóla mánudaginn 2. og þriðjudaginn 3. mars. Sömu daga fer fram inn­ritun nemenda sem flytjast milli skóla­hverfa og þeirra sem flytja í Kópa­vog eða koma úr einka­skólum. Haustið 2015 munu skólinn hefjast með skólasetningardegi mánudaginn 24. ágúst. 

Innritunin fer fram á skrifstofu skólans frá kl. 9:00 – 15:00 báða dagana. Það er bæði hægt að koma á skrifstofuna til að innrita eða gera það í gegnum síma, 570 4600. 

Vorskóli fyrir 6 ára börnin verður dagana 7. og 8. maí nk. Fyrri daginn verður jafnframt námskeið fyrir foreldra. Við auglýsum það nána síðar.