Category Archives: Fréttir

Öflugir keppendur frá Salaskóla

Birt . Höfundur:

Sjö öflugir nemendur úr Salaskóla verða keppendur á Skákþingi Íslands nú um páskana. Keppnin hefst föstudaginn 15.04.2011 kl 18:00. Sjá nánar á vefsíðunni: http://www.skaksamband.is/?c=webpage&id=448.   Þeir sem keppa frá Salaskóla eru:

Nafn:                                  Elo          Skákfélag

Guðmundur Kristinn Lee        1800             SFÍ

Birkir Karl Sigurðsson            1672             SFÍ

Hildur Berglind Jóhannsdóttir  1062            Hellir

Hilmir Freyr Heimisson              0

Þormar Leví Magnússon            0              Hellir

Jón Smári Ólafsson                  0

Jón Otti Sigurjónsson               0              Hellir

Úrslit úr einstökum skákum má sjá á síðunni: http://chess-results.com/tnr48046.aspx?lan=1 Það er frábært að svona margir krakkar frá Salaskóla gefi kost á sér til keppni með þeim sterkustu á Íslandi í skák. Þeir keppa allir í áskorendaflokki og ef þeir ná einu af tveimur efstu sætunum komast þeir í landsliðsflokk. En aðalmálið er að þeir munu keppa alvöru kappskákir þar sem þeir verða að skrifa niður alla leikina í skákinni og hafa 90 mínútur til að klára skákina og fá síðan 30 sek í bónus fyrir hvern kláraðan leik.  Ef þeir ná að sigra einhvern sem er þagar komin með Elostig munu þeir fá stig eftir sérstökum reglum.  Nú er valið í unglingalandslið íslands eftir Elostigum þegar horft er á einstaklinga og er þetta mjög erfið og mikilvæg reynsla fyrir þessa ungu menn. Hægt er að fylgjast með þeim á vefsíðunni www.skak.is

Allir á svið

Birt . Höfundur:


Fyrstubekkingar hafa að undanförnu verið að æfa sig að leika á leiksviði. Teknar voru sögurnar af Gípu og Búkollu og færðar í leikbúning með viðeigandi búningum og heimagerðum leiktjöldum og leikmunum. Markmiðið er að allir nemendur hafi hlutverki að gegna í leikritunum og komist á svið. Krakkarnir stóðu sig með mestu prýði á æfingunum og sýndu síðan leikritin fyrir fullu húsi foreldra í morgun sem klöppuðu þeim lof í lófa og skemmtu sér vel. Flott hjá ykkur krakkar í 1. bekk.

Kaffihúsafundur foreldra 13. apríl

Birt . Höfundur:

Miðvikudaginn 13. apríl ætlar skólaráð Salaskóla að standa fyrir kaffihúsafundi með foreldrum kl. 17:00 – 18:30. Fundurinn er haldinn í tilefni að 10 ára afmæli skólans og markmiðið er að fá viðhorf foreldra til skólastarfsins, þess sem vel er gert og þess sem má bæta. Við hvetjum alla foreldra til að koma og hafa áhrif á starfsemi skólans. Boðið verður upp á hressingu og skemmtilegan félagsskap þessa stund.

Salaskóli með þrjú lið á topp 10

Birt . Höfundur:

Nú er lokið Íslandsmóti barnaskólasveita í skák. Alls kepptu 41 lið frá flestum skólum á höfuðborgarsvæðinu og einnig frá Vestmanneyjum. Því miður komu ekki lið frá öðrum stöðum af landsbyggðinni. En alls voru 16 lið frá grunnskólum í Kópavogi. Salaskóli sendi 6 lið og náði eftirfarandi árangri:

 

A lið Salaskóla náði 5 sæti í flokki a liða eftir að hafa verið í toppbaráttu allt mótið. Gjörsigraði m.a. lið Vestmanneyinga 4:0 en lenti í smá óheppni á lokasprettinum.

B lið Salaskóla varð Íslandsmeistari B liða.

C lið Salaskóla var næst besta C liðið

D lið Salaskóla varð Íslandsmeistari D liða.

E lið Salaskóla varð Íslandsmeistari E liða.

F lið Salaskóla varð Íslandsmeistari F liða.

 

Þrjú lið frá Salaskóla komust á topp 10 og öll liðin okkar fengu 50% vinningshlutfall eða hærra en það einstakur árangur sem sýnir hversu mikil breidd er hjá krökkunum okkar.Neðsta liðið okkar skildi t.d. 8  A lið eftir fyrir neðan sig.

Nánar um einstök úrslit sjá hér.

 

Framundan eru nokkur spennandi skákmót sem margir krakkar hafa áhuga á að sækja. T.d. Skákbúðir Fjölnis í Vatnaskógi  helgina 9. – 10. apríl 2011. Og síðast en ekki síst Áskorendaflokkur Skákþings Íslands 2011sem fram fer 15.-24. apríl í félagsheimili TR,  Þar geta keppendur reynt með sér í alvöru kappskák og reynt að ná sér í Elo stig. Umhugsunartími: 90 mín. + 30 sek. til að ljúka. En hér þarf að skrifa skákirnar niður á sérstök eyðublöð. Skráningu skal senda í tölvupósti á skaksamband@skaksamband.is eða tilkynna í síma 568 9141 virka daga kl. 10-13 í síðasta lagi 11. apríl 2011.  Einnig er hægt  að skrá sig beint á Skák.is. Sjá neðst á þessari síðu: http://www.skaksamband.is/?c=webpage&id=448

Páskabingó

Birt . Höfundur:

Páskabingó foreldrafélags Salaskóla verður haldið fimmtudaginn 7 apríl n.k. Bingó fyrir 1-4 bekk og fjölskyldur þeirra verður kl 17:00.  Bingó fyrir 5-10 bekk og fjölskyldur þeirra verður kl 19:00. Vinningar verða að sjálfsögðu páskaegg ofl. Bingóspjaldið kostar kr 300.

Allir í skólanum hlustuðu

Birt . Höfundur:


Allir nemendur Salaskóla  lögðu við hlustir í morgun þegar ný íslensk smásaga var flutt á Rás 1. Alþjóðasamtökin IBBY (The International Board on Books for Young People) fagna degi barnabókarinnar í dag en markmið þeirra samtaka er að vekja athygli á sameiningarmættinum sem býr í barnabókmenntum. Í tilefni dagsins var ný saga eftir Kristínu Helgu Gunnarsdóttur, barnabókahöfund, lesin upp í útvarpinu. Sagan á að höfða til allra aldurshópa en hún segir af systkinunum Hörpu og Val sem lenda í ýmsum ævintýrum á leiðinni í skólann. Eftir sögulesturinn spunnust góðar umræður í bekkjunum um efni sögunnar.   

Kaffihúsafundur fyrir alla foreldra

Birt . Höfundur:

Miðvikudaginn 13. apríl efnir skólaráð Salaskóla til kaffihúsafundar með foreldrum í Salaskóla. Fundurinn er liður í 10 ára afmælishaldi skólans og markmiðið er að kalla fram sem flestar hugmyndir foreldra um það sem vel er gert og jafnframt hvernig foreldrar vilja sjá skólann þróast. Skólaráðið hvetur alla foreldra til að mæta, sitja með öðrum foreldrum í hverfinu og hafa áhrif á mótun skólans. Fundurinn hefst kl. 17:00 og stendur til 18:30.

Hlaðnir verðlaunum eftir Íslandsmót grunnskólasveita

Birt . Höfundur:


Íslandsmót grunnskólasveita í skák 2011 var haldið helgina 19. og 20. mars 2011. Fulltrúar Salaskóla komu  heim  hlaðnir verðlaunum eftir  frækinn árangur. Myndir

                                                                               

A lið Salaskóla                         B lið Salaskóla
32,5 v Silfur í A flokki              18,5v  Brons í B Flokki

1 Guðmundur Kristinn              1 Hildur Berglind

2 Birkir Karl Sigurðs.               2 Jón Smári Ólafs.  

3 Eyþór Trausti Jóhanns           3 Garðar Elí Jónas. 

4 Hilmir Freyr Heimis.              4 Arnar Steinn        

1v Baldur Búi Heimis.   
                                                          

C lið Salaskóla                         D lið Salaskóla
18,0v Gull í  flokki C                 15,5 v Gull í flokki D

1 Helgi Tómas                          1 Kjartan Gauti       

2 Jón Otti                                 2 Óðinn Þorvalds.s

3 Tinna Ósk                             3 Axel Oli

4 Róbert Örn                            4 Sindri Snær Hj.    

                                                                               

E lið Salaskóla                         F lið Salaskóla
15 v Gull í flokki E liða              9,5 v Gull í F liða     

1 Aron Ingi Woodard                1 Breki Freysson    

2 Benedikt Árni Björnsson        2 Vilhelm Þráinn

3 Dagur Kárason                     3 Gísli Gottskálk

4 Jóhann Ágúst Ólafsson          4 Sindri Snær Kr.

 

Enginn skóli sendi jafn marga keppendur og Salaskóli og sýndu krakkarnir góða  framkomu  og  einstaklega góðan árangur. Sigurvegari A liða var Rimaskóli sem sigraði Salskóla í innbyrðis viðureign 2,5v gegn 1,5 v  A liðið okkar sigraði alla aðra andstæðinga  með  miklum  yfirburðum  og  þessi  tvo lið voru í algerum sérflokki. B liðið okkar var hreinlega óheppið með andstæðinga miðað við önnur B lið og hafnaði í þriðja sæti B liða. Hin liðin okkar fengu öll gull, hvert í sínum flokki. En Norðurlandamót grunnskólasveita verður í ár á Íslandi og ef Færeyingar senda ekki lið geta íslendingar sent tvö lið til keppni þannig að A lið Salaskóla getur farið að undirbúa sig fyrir Norðurlandamót í fjórða sinn.
( Færeyingar hafa ekki sent lið síðustu árin, ef þeir verða með þurfum við að víkja fyrir þeim. )

 

Heildarúrslit allra liða er hægt að sjá á vefsíðunni:
http://chess-results.com/tnr46313.aspx

Myndir frá mótinu eru hér.

Minnum á Íslandsmót barnaskólasveita sem verður helgina 2. og 3. april  þar mun Salaskóli sýna öflugustu keppnisliðin sín skipuðum krökkum úr 1. til 7. bekk.

Sérstakt úrtökumót vegna skipulags keppnisliða verður mánudaginn 28. mars nk. í Salaskóla.