Níundubekkingar eru um það bil að leggja af stað frá Laugum (kl. 11:30), við munum heyra í þeim aftur í Borgarnesi og láta vita hér á síðunni hvenær von er á þeim í bæinn.
Category Archives: Fréttir
Níundubekkingar á Laugum
Undanfarin ár hafa 9.bekkingar í skólanum sótt Lauga í Sælingsdal heim sem Ungmennafélag Íslands rekur. Hvert námskeið stendur í viku og er farið á mánudagsmorgni og komið heim á föstudagseftirmiðdegi. Dagskrá daganna samanstendur af skipulögðum viðfangsefnum tengdum lífsleikni, lifandi sögu, íþróttum og útivist og frjálsum tíma síðdegis ásamt kvöldvökum. Aðstaða er öll hin glæsilegasta.
Nemendur okkar í himbrimum og lómum fóru til dvalar á Lauga á mánudaginn og með í för eru kennararnir Jóhanna Pálsdóttir og Rannveig Kristjánsdóttir. Af þeim er allt gott að frétta, krakkarnir eru hressir og kátir og hafa í nógu að snúast. Matráðskonan hefur aldrei hitt eins mikil matargöt, þau eru hreinlega botnlaus. Öruggulega flottasti hópurinn sem hefur komið til Lauga í langan tíma, var okkur tjáð.
Salaskóli hreppti annað sætið í Íslandsmóti barnaskólasveita
Íslandsmót barnaskólasveita í skák fór fram nú um helgina 17. og 18. mars. Salaskóli sendi 5 lið til keppni A, B, C, D og E lið. Enginn annar skóli var með jafn marga keppendur. Eftir mótið er Salaskóli með fjórfaldan Íslandsmeistaratitil því hann hlaut gullverðlaun í flokki B, C, D og E líða og silfur í flokki A liða. Skólinn tók 24 gullverðlaun og 6 silfur ásamt 2 bikurum fyrir bestan árangur á 1. og 3. borði og var samanlagt í öðru sæti á mótinu.
Eftirfarandi nemendur voru í gullliðunum:
E lið: Gísli Gottskálk, Anton Fannar, Kári Vilberg og Samúel Týr allir í 1. og 2. bekk
D lið: Axel Óli, Ívar Andri, Jón Þór, Daníel Snær og Sindri Snær allir í 3. bekk
C lið: Jason andri, Hafþór, Elvar Ingi, Orri Fannar og Björn Breki allir í 4. og 5. bekk
B lið:Arnar Steinn, Garðar Elí, Helgi Tómas, Ágúst Unnar, Rebekka Ósk og Dagur Kára.
Í A liði Salaskóla sem var í toppbaráttu allan tímann og keppti alltaf við erfiðustu andstæðingana voru:
1b. Hilmir Freyr Heimisson
2b. Hildur Berglind Jóhannsdóttir
3b. Róbert Örn Vigfússon
4b. Kjartan Gauti Gíslason
1v Aron Ingi Woodard.
Hér fyrir ofan er mynd af E-liðinu sem eru yngsta sveitin en fleiri myndir af liðunum eru hér.
A liðið sigraði öll hin liðin í innbyrðis viðureignum nema toppliðin frá Rimaskóla ( sitjandi norðurlandameistara ) og Álfhólsskóla en þeim viðureignum lauk með jafntefli 2.2.
Einnig fengu þeir Hilmir Freyr Heimisson og Róbert Örn Vigfússon sérstök verðlaun fyrir bestan árangur á 1 og 3 ja borði, en þeir gjörsigruðu alla sína andstæðinga.
Heildarúrslitin eru sem hér segir:
1 Álfhólsskóli A 30,5
2..3 Salaskóli A 30.0
2..3 Rimaskóli A 30.0
4 Hörðuvallaskóli A 21,5
5 Melaskóli A 20,5
6 Hofsstaðaskóli A 20,5
7 Grandaskóli 20.0
8 Salaskóli D 19,5
9 Salaskóli C 19,5
10 Rimaskóli C 19,0
11 Smáraskóli 19,0
12 Ölduselsskóli 18,5
13 Salaskóli B 18,5
14 Vættaskóli A 18,5
15 Sæmundarskóli 18,5
16 Snælandsskóli 18.0
17 Landakotskóli 18.0
18 Hofsstaðasskóli B 17,5
19 Rimaskóli D 17.0
20 Vættaskóli B 17.0
21 Rimaskóli B 17.0
22 Salaskóli E 16,5
23 Hörðuvallaskóli B 16,5
24 Fossvogsskóli B 16,5
25 Vesturbæjarskóli A 16,5
26 Álfhólsskóli B 16.0
27 Fossvogsskóli A 15.0
28 Kelduskóli-Korpa 14,5
29 Álfhólsskóli C 14,5
30 Melaskóli B 14.0
31 Selásskóli 12,5
32 Breiðagerðisskóli 12,5
33 Vesturbæjarskóli B 11,5
Nánari úrslit á skak.is eða á http://chess-results.com/tnr68535.aspx?art=0&lan=1
Myndasafn frá mótinu eftir Hrafn Jökulsson á síðunni : http://skak.blog.is/album/slandsmot_barnaskolasveita_2012/
Nánari fréttir birtast síðan á http://skak.blog.is/blog/skak/
Liðsstjóri Salaskólaliðanna var Tómas Rasmus.
Páskabingó foreldrafélagsins
Fimmtudaginn 22. mars n.k. verður haldið hið geysivinsæla páskabingó.
Tímasetningar eru sem hér segir:
Yngri bekkir (1. – 5. bekkir): 17:00 – 19:00
Eldri bekkir (6. – 10. bekkir): 20:00 – 22:00
Öll fjölskyldan að sjálfsögðu velkomin með börnunum.
Bingóspjaldið er á 300 kr. ATH: það er ekki posi á svæðinu og því mikilvægt að vera með peninga.
Stórglæsilegir vinningar, meðal gefanda eru: Stöð2 sport, Reynir Bakari, Sala-Grill, Sena, Rafha, Dominos, LaserTag, Modus og margir margir fleirri. Já og auðvitað alveg heill hellingur af páskaeggjum 🙂
Hægt að skoða frekari kynningu á þessum hlekk –> http://youtu.be/X2x-V-SJL38
Sjáumst á fimmtudaginn !!!!
Salaskóli sigraði þrefalt í Sveitakeppni Kópavogs 2012
Sveitakeppni Kópavogs var haldin hér í Salaskóla föstudaginn 18. febrúar. Öll lið Salaskóla í þremur aldursflokkum sýndu sinn allra besta árangur og endaði Salaskóli í fyrsta sæti samanlagt. Við óskum krökkunum okkar innilega til hamingju með þennan frábæra árangur. Á meðfylgjandi mynd eru yngstu meistarar skólans. Betur má lesa um úrslitin með því að smella á hnappinn Nánar.
Úrslit úr Sveitakeppni Kópavogs 2012
Röð Yngsti flokkur 1.-4. b vinn
1 Salaskóli 1 17,5
2 Hörðuvallaskóli 1 16,0
3 Salaskóli 2 15,5
4 Kársnesskóli 1 14,5
5 Snælandsskóli 1 13,0
6 Smáraskóli 1 11,5
7 Salaskóli 3 10,0
8 Hörðuvallaskóli 2 9,0
9 Hörðuvallaskóli 3 8,5
10 Smáraskóli 2 4,5
Sigurlið Salaskóla
1b Axel Óli Sigurjónsson
2b Björn Breki Steingrímsson
3b Ívar Andri Hannesson
4b Jón Þór Jóhannasson
Mótsstjóri Helgi Ólafsson
Röð Miðstig 5.- 7. bekkur vinn
1 Salaskóli 1 30,0
2 Álfhólsskóli 1 29,0
3 Salaskóli 2 24,5
4 Smáraskóli 1 23,5
5 Hörðuvallaskóli 1 22,5
6 Salaskóli 3 21,5
7 Kársnesskóli 1 13,5
8 Vatnsendaskóli 10,0
9 Kársnesskóli 2 6,5
10 Skotta 0,0
Sigurlið Salaskóla
1b Hilmir Freyr Heimisson
2b Jón Smári Ólafsson
3b Jón Otti Sigurjónsson
4b Róbert Örn Vigfússon
1v Dagur Kárason
Mótsstjóri Smári Rafn Teitsson
Röð Unglingar 8. -10. bekkur vinn
1 Salaskóli 1 16
2 Vatnsendaskóli 14
3..4 Kópavogsskóli 1 11
3..4 Álfhólsskóli 1 11
5 Salaskóli 2 4
6 Kópavogsskóli 2 4
Sigurlið Salaskóla
1b Birkir Karl Sigurðsson
2b Baldur Búi Heimisson
3b Jónas Orri Matthíasson
4b Skúli E Kristjánsson Sigurz
Mótsstjóri Tómas Rasmus.
Innritun 6 ára barna og þeirra sem skipta um skóla
Innritun 6 ára barna (fædd 2006) fer fram í Salaskóla mánudaginn 5. og þriðjudaginn 6. mars. Innritað er á skrifstofu skólans frá kl. 9:00 – 14:00. Við viljum helst að foreldrar komi í skólann með börn sín til að innrita. Vorskóli fyrir börnin verður í byrjun maí.
Sömu daga fer fram innritun nemenda sem flytjast milli skólahverfa og þeirra sem flytja í Kópavog eða koma úr einkaskólum. Haustið 2012 munu skólar hefjast með skólasetningardegi mánudaginn 22. ágúst. Sérstök athygli er vakin á því að umsóknarfrestur um heimild til að stunda nám í einkaskólum eða grunnskólum annarra sveitarfélaga er til 1. apríl og skulu umsóknir berast grunnskóladeild menntasviðs rafrænt á eyðublaði sem er á heimasíðunni www.kopavogur.is. Sækja þarf um að nýju fyrir nemendur, sem nú eru í slíkum skólum, ef gert er ráð fyrir að þeir verði þar næsta vetur.
Vampírur, Harry Potter og tómatsósa með fætur sjást á sveimi í Salaskóla!
Líf og fjör er í Salaskóla í dag, öskudag, en nemendur mæta í grímubúningum í skólann og glíma við hin margvíslegu verkefni. Í salnum er m.a. sungið og dansað en í kennslustofum og íþróttasal eru ýmsar stöðvar í gangi sem nemendur kíkja á. Það er t.d. hægt að búa til kókoskúlur, fara í leiki, spila og láta mála sig svo fátt eitt sé nefnt. Krakkarnir una hag sínum vel og mikil stemmning er í skólanum. Endað er á pylsuveislu þar sem allir gæða sér á pylsum með tilheyrandi meðlæti við pylsuvagnana sem staðsettir verða víða um skólann. Nemendur eru svo leystir út með nammipoka sem foreldrafélagið splæsir á þá og fara vonandi heim með bros á vör eftir hádegið eftir velheppnaðan skóladag. Margar myndir voru teknar sem sýna svo sannarlega hversu glaðir krakkar voru í Salaskóla þennan morguninn.
Lundarnir í góðum gír
Nemendur í lundum sem eru sjöttubekkingar blésu til mikillar tónlistarveislu á dögunum í Klettgjá hér í Salaskóla að lokinni frábærri tónlistarviku þar sem æft var þrotlaust alla daga. Flutt var tónverk þar sem allir nemendur í lundum ásamt umsjónarkennaranum, honum Björgvini, spiluðu á hljóðfæri og komu að samningu verksins að einhverju leyti. Þema tónlistarveislunnar var náttfatapartý sem sýndi sig í fjörmikilli tónlist og miklu stuði. Stjórnandi þessarar uppákomu var hún Þórdís Heiða, tónlistarkennari, og henni til astoðar voru tónlistarnemendur úr tónskóla hér í borg. Margir komu og hlýddu á, jafnt nemendur skólans, foreldrar og utanaðkomandi gestir og lýstu þeir hrifningu sinni eftir á – á þessari skemmtilegu uppákomu. Já, lengi á eftir heyrðust menn söngla hér og þar um skólann aðalstefið úr tónverki lundanna. Myndir.
Öskudagsgleði og vetrarleyfi
Á öskudag verður öskudagsgleði í Salaskóla. Skóladagurinn verður svolítið óvenjulegur og alveg örugglega einstaklega skemmtilegur. Nemendur mæta í búningum, taka þátt í alls konar sprelli og foreldrafélagið gefur öllum nammipoka. Allir fá svo pylsur í matinn líka þeir sem ekki eru í mat að öllu jöfnu.
Skólinn opnar á venjulegum tíma en við gefum krökkunum svigrúm að mæta til kl. 9:00. Það gerum við til þess að þeir fái meiri tíma til að klæða sig ef þess þarf. Skóladagurinn verður styttri en venjulega og allt er búið kl. 12:00. Dægradvölin verður þá opin eins og venjulega til kl. 17:00.
Að gefnu tilefni skal tekið fram að allir eiga að mæta þennan dag. Í fyrra báðu foreldrar 6 eða 7 barna um leyfi.
Á fimmtudag og föstudag er svo vetrarfrí í skólum Kópavogs.