Category Archives: Fréttir
Umsókn um leyfi
Óski nemandi eftir að leyfi frá skóla lengur en í tvo daga þurfa foreldrar nemandans að hafa samband við skólastjóra eða aðstoðarskólastjóra og fylla út sérstakt eyðublað á skrifstofu skólans. Umsjónarkennari getur veitt leyfi til styttri tíma.
Eyðublað (pdf – óvirkt)
Aldursblöndun námshópa
Í Salaskóla er aldursblöndun að hluta til í öllum árgöngum. Aldursblöndun af þessu tagi kallast samkennsla, þ.e. tveimur eða fleiri árgöngum er kennt saman í hóp. Þetta er m.a. gert í því skyni að uppræta neikvæð félagsleg mynstur sem gjarnan skapast í hópum sem halda sér lengi, en um leið að styrkja jákvæð samskipti. Markmið skólans með aldursblöndun eru bæði námsleg og félagsleg. Í samkennslu er horft á sérhvern nemanda og hún stuðlar að einstaklingsmiðaðri kennslu. Kennari horfir til þarfa og áhuga nemanda þegar hann skipuleggur kennsluna, fremur en til þess hversu gamall hann er. Nemendur fá meira svigrúm til sinna starfa en ella. Í samkennsluskólum ríkir jafnan góður andi og góð tengsl milli nemenda, m.a. vegna þess að nemendur kynnast bæði eldri og yngri nemendum og þeir þekkja krakka í öðrum bekkjum en sínum eigin. Rannsóknir sem gerðar hafa verið á aldursblöndun benda til þess að hún hafi jákvæð áhrif á skólastarf og nemendur.
Rúnar Sigþórsson, dósent við Háskólann á Akureyri fjallar um samkennslu árganga og aldursblöndun í skólum í grein sem birt er á vef Samtaka fámennra skóla. Þar fjallar hann á fræðilegan hátt um aldursblöndun með vísan í rannsóknir. Grein um samkennslu.
Frábæru lególiðin okkar!
Lególiðin okkar í Salaskóla stóðu sig með miklum sóma í legókeppninni sem fram fór um helgina í Öskju, verkfræðihúsi HÍ. Öll liðin þrjú sýndu frammúrskarandi samvinnu og verkhæfni og komu heim með tvo bikara fyrir gott rannsóknarverkefni og besta skemmtiariði keppninnar. Liðið hans Jóns míns var einnig tilnefnt til að taka þátt í Evrópukeppni FLL í maí 2008 en liðið Ísjakarnir frá Hafnarskóla unnu síðan réttinn til að fara út að þessu sinni. Við óskum lególiðinum þremur innilega til hamingju með góðan árangur.
Foreldrafélagið
Í Salaskóla er starfrækt foreldrafélag. Félagar í því eru allir foreldrar/forráðamenn nemenda í skólanum. Meginmarkmið félagsins er að efla samstarf milli foreldra/forráðamanna nemenda og skólans og stuðla að velferð nemenda í leik og starfi. Starf foreldrafélagsins byggist á skipulögðu samstarfi foreldra/forráðamanna nemenda í hverjum bekk og skólans.
Stjórn foreldrafélagsins er skipuð fimm aðalmönnum og tveimur varamönnum sem allir eru foreldrar/forráðamenn nemenda í skólanum. Stjórnin fundar reglulega einu sinni í mánuði og oftar ef ástæða er til. Til stendur að allar fundargerðir verði aðgengilegar á netinu. Ef foreldrar/forráðamenn vilja koma málum á framfæri við stjórnina þá er hægt að hafa samband við stjórnina í gegnum tölvupóst eða símleiðis. Stjórnarskipti eru á aðalfundi sem er haldinn að hausti.
Bekkjarfulltrúar: Tveir bekkjarfulltrúar koma frá hverjum bekk og er hlutverk þeirra m.a. að halda utan um bekkjarstarf í samráði við kennara og með þátttöku annarra foreldra og mæta á aðalfund foreldrafélagsins.
Nefndir: Ýmsar nefndir munu starfa á vegum foreldrafélagsins. Þær verða skipaðar af foreldrum/forráðamönnum nemenda.
Foreldrafélagið er með facebooksíðu og eru foreldrar hvattir til að fylgjast með henni.
Grænfáninn
Umhverfissáttmáli Salaskóla
Upplýsingarit Landverndar um vistvænan lífsstíl
Grænfánanefnd Salaskóla skólaárið 2013- 2014
Skólar á grænni grein – Grænfáninn
Skólar á grænni grein er alþjóðlegt verkefni til að auka umhverfismennt og styrkja umhverfisstefnu í skólum. Þeir skólar sem vilja komast á græna grein í umhverfismálum leitast við að stíga skrefin sjö. Þegar því marki er náð fá skólarnir leyfi til að flagga Grænfánanum næstu tvö ár en sú viðurkenning fæst endurnýjuð ef skólarnir halda áfram góðu starfi. Grænfáninn er umhverfismerki sem nýtur virðingar víða í Evrópu sem tákn um árangursríka fræðslu og umhverfisstefnu í skólum. Skrefin sjö eru ákveðin verkefni sem efla vitund nemenda, kennara og annarra starfsmanna skólans um umhverfismál. Verkefnin eru bæði til kennslu í bekk og til að bæta daglegan rekstur skóla. Þau auka þekkingu nemenda og skólafólks og styrkja grunn að því að tekin sé ábyrg afstaða og innleiddar raunhæfar aðgerðir í umhverfismálum skóla. Jafnframt sýnir reynslan í Evrópu að skólar sem taka þátt í verkefninu geta sparað talsvert í rekstri.
Markmið verkefnisins er að:
-
Bæta umhverfi skólans, minnka úrgang og notkun á vatni
og orku. -
Efla samfélagskennd innan skólans.
-
Auka umhverfisvitund með menntun og verkefnum innan
kennslustofu og utan. -
Styrkja lýðræðisleg vinnubrögð við stjórnun skólans
þegar teknar eru ákvarðanir sem varða nemendur. -
Veita nemendum menntun og færni til að takast á við
umhverfismál. -
Efla alþjóðlega samkennd og tungumálakunnáttu.
-
Tengja skólann við samfélag sitt, fyrirtæki og
almenning.
Landvernd
Grænfánaverkefninu á Íslandi er stýrt af Landvernd sem er aðili að alþjóðlegu samtökunum FEE. Stýrihópur um Grænfána er Landvernd til fulltingis um allt sem viðkemur verkefninu.
Útikennsla
Í aðalnámskrá er litið svo á að útikennsla, það að flytja kennslu að einhverju leyti út fyrir veggi skólans, auðgi og styrki allt nám ásamt því að vera holl bæði fyrir líkama og sál. Útikennsla er sérstaklega nauðsynleg í náttúrufræðinámi þar sem úti í samfélagi, umhverfi og náttúru er sá raunveruleiki sem börnin eru að læra um og þurfa að þekkja, skilja og skynja. Það er því mikilvægt að skólar samþætti útikennslu í skólanámskrá sína með það m.a. að markmiði að kynna nemendunum nánasta umhverfi sitt og efla vitund þeirra og virðingu fyrir því.
Myndin er tekin í janúar 2011 af nemndum í valgreininni Eldað og tálgað.