Íslandsmót iðn- og verkgreina og Framhaldsskólakynning

Nemendur í 9. og 10. bekk í Salaskóla munu fara í vettvangsferð í Laugardalshöll þann 17. mars kl 10.30.

Markmið ferðarinnar er að gefa nemendum tækifæri til að kynna sér ólíkar starfsgreinar og námsframboð framhaldsskóla.

Í Laugardalshöll munu 26 framhaldsskólar kynna námsframboð sitt, bæði bóklegt og verklegt.

Náms- og starfsráðgjafar, kennarar og fulltrúar nemenda verða á staðnum og svara fyrirspurnum um námið, félagslífið og inntökuskilyrði.

Á sama tíma fer fram Íslandsmót iðn- og verkreina sem að jafnaði er haldið á tveggja ára fresti.
Í þetta sinn munu nemendur í um 24 verkgreinum keppa sín á milli um Íslandsmeistaratitill í sinni grein. Sigurvegurum gefst síðan kostur á að keppa á Evrópukeppni iðn- og verkgreina í Búdapest 2018. Okkar nemendur fá tækifæri til að fylgjast með þessu unga fólki takast á við krefjandi og raunveruleg verkefni í samkeppni sem reynir á hæfni, fagmennsku og skipulagshæfileika. Einnig gefst þeim kostur á að snerta á og prófa hluti undir handleiðslu fagfólks í ýmsum greinum.

Nemendur fara í Laugardalshöllina í rútum í fylgd kennara og starfsmanna skólans. Tekið verður á móti okkur í Laugardalshöllinni þar sem heimsóknin mun hefjast á stuttri kynningu um atburðinn á sal. Síðan verður okkur fylgt inn á framhaldsskólakynninguna. Þegar nemendur hafa gengið í gegnum hana tekur keppnissvæði Íslandsmótsins við þar sem verða um 26 keppnis- og sýningarbásar.

Nemendur munu hafa 2 klukkustundir til að ganga um og kynna sér það sem ber fyrir augum og eru hvattir til að vera duglegir að spyrja, skoða, snerta og prófa. Í lok heimsóknarinnar eiga nemendur að mæta í anddyri hallarinnar þar sem við munum bíða eftir þeim og fylgja þeim út í rútu.

Laugardaginn 18. mars er Fjölskyldudagur milli kl. 10 – 14. Frítt er inn og geta gestir tekið þátt í margvíslegum skemmtilegum þrautum og leikjum, fengið að smakka á afrakstri keppenda í matvælagreinum, prófað rafmagnsbíla, ýtu- og skipstjórnaherma, fylgst með róbótum leysa þrautir og margt fleira skemmtilegt.

Nánari upplýsingar má nálgast á facebook 

.

Meistaramót Salaskóla í skák 2017 hefst á morgun 15. mars. Keppt er í fjórum aldurshólfum og svo er lokamót, meistaramót meistaranna, þar sem 3-4 úr hverjum árgangi taka þátt.

Skákkennari er Sigurlaug Regína Friðþjófsdóttir

Dagskrá er sem hér segir:

Fimmtudaginn 16. mars  kl. 8:20 til 11: 30 – 1. og 2. bekkur

Föstudaginn 17. mars kl. 8:20 til 11:30 – 8. – 10. bekkur

Þriðjudaginn 21. mars kl. 8:20 til 11:30 – 3.-4. bekkur

Miðvikudaginn 22. mars kl. 8:20 til 11:30 – 5. – 7. bekkur

Meistaramót meistaranna fer svo fram fimmtudaginn 23. mars kl. 8:20 – 11:30

Tuesday March 14th Salaskoli has an organization and planning day for the staff. We draw to your attention to the fact that the after school activities (Dægradvöl) is closed this day. The staff of the after school program gets two days in the school year to plan their work and this is one of those.

On organization and planning day we will plan the next months emphasizing the assessment of students work for this spring. The assessment procedure is under change due to new guidelines from the Ministry of Education. We will also look at the results of surveys and evaluations that the school has been a part of and possible reactions based on the results.

Þriðjudaginn 14. mars er skipulagsdagur í Salaskóla. Við vekjum sérstaka athygli á að dægradvölin er lokuð þennan dag, en starfsfólk dægradvalar fær tvo daga á starfstíma skóla til að vinna að skipulagi starfsins.

Þennan dag munum við vinna að skipulagningu næstu mánaða. Sérstök áhersla verður á tilhögun námsmats í vor. Við munum einnig skoða niðurstöður kannana og huga að viðbrögðum við þeim.

Hér í Salaskóla er svokallaður Green Screen veggur. Með honum er hægt að velja sér bakgrunn í myndatökum þar sem notast er við app úr spjaldtölvunum.

Nokkrir krakkar tóku stórskemmtilegar og skapandi myndir á Öskudaginn þar sem þau nýttu sér Green Screen tæknina.

Fleiri myndir má nálgast hér

Nemendur fengu val um að fara í skíðaferð upp í Bláfjöll í góða veðrinu eða taka þátt í öskudagsgleðinni nú á miðvikudaginn. Margir nemendur ákváðu að skella sér á skíði og skemmtu sér konunglega.

Fleiri myndir má nálgast í myndasafni, en þær Ása, Jóhanna Björk og Ragnheiður eiga heiðurinn að þeim.

Öskudagurinn var haldinn hátíðlegur hér í Salaskóla með balli, leikjum og að lokum pylsuáti. Margir nemendur komu í mjög svo frumlegum búningum. Leyfum myndunum að tala sínum máli.

Fleiri myndir má nálgast í myndasafni

Veðrið er að versna og spáin vond. Það á að vera mjög slæmt frá ca. 11:00 – 17:00 í dag. Við höldum börnunum inni í skólanum í dag og sendum engan heim þegar veðrið er vont. Foreldrar verða að sækja börnin en óráðlegt að fara af stað meðan veðrið er verst – þá lenda bara allir í vandræðum. Skynsamlegast er að fara af stað áður en veðrið kemst í sinn versta ham. Um kl. 11:00 verða komnir 20 m/sek skv. belgingur.is og til kl. 17:00 verður kolvitlaust veður.

Við biðjum ykkur um að hringja ekkert í skólann, því þá springur kerfið. Þið getið komið skilaboðum til okkar fljótt og vel með því að senda póst á ritari@salaskoli.is.

Þegar þið komið að sækja börnin eruð þið beðin um að koma inn í skólann og fara að kennslustofunni þeirra. Þannig gengur þetta best fyrir sig.

En eins og áður kom fram þá verða einhverjir starfsmenn hér í dag þar til öll börn hafa verið sótt – hvenær sem það verður.

Veður er að versna og spáin vond. Smellið á linkinn og lesið.

Bad weather focast. Please read the following link:

Röskun á skólastarfi / disruption of school operation

Nokkrir strákar úr 7. bekk gerðu myndband um einelti. Þetta er virkilega vel gert hjá þessum strákum og við vonumst til að sjá eitthvað fleira eftir þá í framtíðinni.

Einelti – Myndband (smellið hér til að skoða myndbandið)