Kennt er samkvæmt aðalnámskrá grunnskóla og í samræmi við stefnu skólans. Kennslustundafjöldi í hverri námsgrein er í samræmi við viðmiðunarstundaskrá menntamálaráðuneytis.[1] Kapp er lagt á fjölbreytni í kennsluaðferðum og endurmenntun kennara miðast við þjálfun og hvatningu til fjölbreytni. Skólanámskrá er unnin í samræmi við aðalnámskrá. Skólanámskrá samanstendur af starfsáætlun skólans og námsáætlunum sem birtar eru á mentor.
Leitast er við að leggja viðfangsefni í hverri grein fram á fjölbreyttan hátt þannig að höfði til allra nemenda. Áhersla er lögð á skapandi viðfangsefni og að sérhver nemandi noti þá hæfileika sem hann býr yfir.
Kennsla fer fram í eða við skólann, íþróttakennslan í íþróttamiðstöðinni Versölum. Einnig verður farið í kennsluferðalög eftir því sem tilefni gefast. Mjög hefur þó dregið úr þessum ferðum frá því sem áður var vegna kostnaðar.
[1] Aðalnámskrá og viðmiðunarstundaskrá er að finna á http://menntamalaraduneyti.is