16. febrúar í unglingadeild

Þriðjudaginn 16. febrúar verður útivistar– og skíðadagur hjá 8. – 10. bekk. Það hafa ekki allir áhuga á að taka þátt í þessu og þeir sem ekki ætla að fara mæta í skólann og vinna undir stjórn kennara. Þeir eiga að mæta kl. 9:00 í skólann og geta því sofið aðeins út 🙂

Við munum leggja af stað klukkan 9:15 frá skólanum og skíðum til klukkan 14:30 og lagt af stað klukkan 15:00. Þar sem þetta er ekki bara skíðaferð þá mega nemendur sem ekki vilja fara á skíði eða bretti koma með sleða. Við höfum aðstöðu í Bláfjallaskála og þar er hægt að borða nestið sitt og svona. Nemendur koma með nesti sjálf, bæði eitthvað að bíta í og drykki. Ekki er hægt að kaupa neitt á staðnum. 

Lyftukortin kosta  930 krónur, leiga á skíðum og bretti er 2.460 krónur. Hafa þetta í reiðufé takk. Nánari upplýsingar um leiguna og fleira var send foreldrum í tölvupósti. 

Það er fín veðurspá fyrir morgundaginn en alltaf getur farið svo að ekki verði opið. Við látum vita á milli kl. 8.00 og 8:30 hvort farið verði eða ekki. Verði ekki farið þá er bara skóli frá kl. 9:00.

Bestu kveðjur – skólastjóri

Um nám og líðan nemenda

Í síðustu viku héldum við málþing með nemendum í 8. – 10. bekk. Viðfangsefnið var nám og líðan nemenda. Málþingin voru þrjú, eitt með hverjum árgangi. Að loknum inngangi unnu nemendur í hópum og ræddu málin og skiluðu svo niðurstöðum til skólastjórnenda. Nemendur lýstu ánægju með margt í starfi skólans og lögðum fram fjölmargar góðar tillögur um það sem þau gætu gert, það sem skólinn gæti gert og það sem foreldrar gætu gert. Verið er að vinna úr niðurstöðunum og við höldum svo áfram með þessa vinnu.

Á morgun setjast svo kennarar á rökstóla með Hermundi Sigmundssyni prófessor og ræða um nám og líðan. Hermundur hefur látið sig þessi mál varða á undanförnum misserum og það er fagnaðarefni að fá hann til skrafs og ráðagerða í skólanum.

Fleira er svo á döfinni tengt þessu og vænta má þess að þessi vinna skili sér inn í skólastarfið á næstunni.

Stelpurnar úr Salaskóla fengu gull á Íslandsmeistaramóti grunnskólaveita í skák

Íslandsmót grunnskólasveita í stúlknaflokki fór fram á laugardaginn, 30. janúar 2021 í skákhöllinni í Faxafeni 12. Teflt var í þremur flokkum en svo fór að skólar úr Kópavogi hirtu öll gullverðlaunin. Smáraskóli vann öruggan sigur 1.-2. bekk. Mikil spenna var í hinum flokkunum Hörðuvallaskóli vann nauman sigur í 3.-5. bekk og það gerði Salaskóli í 6.-10. bekk. Liðið var skipað þeim Katrínu Maríu Jónsdóttur, Arey Amalíu Sigþórsdóttur McClure og Elínu Láru Jónsdóttur og liðsstjóri var Jón H. Arnarson. Við óskum þeim öllum til hamingju með glæsilegan árangur.

18.nóvember 2020

English below

Á morgun, 18. nóvember, taka gildi breyttar sóttvarnarreglur sem hafa smá áhrif á skólastarf í grunnskólum. Við erum reyndar enn að bíða eftir reglugerð með nánari leiðbeiningum en tvennt vitum við:

1. Grímunotkun og fjarlægðarmörk verða felld niður í 5. – 7. bekk
2. Íþróttakennsla getur hafist aftur í íþróttahúsinu.

E.t.v. koma fleiri breytingar fram í reglugerð og við bregðumst við því ef svo verður.

Á morgun, miðvikudaginn 18. nóvember, fella nemendur í 5. – 7. bekk því grímurnar og verða í skólanum skv. stundaskrá til kl. 13:50. Valgreinar og smiðjur falla niður á morgun hjá 7. bekk, þar sem sóttvarnarreglur koma enn í veg fyrir að við getum kennt þær. Þeir fara því heim eitthvað fyrr. Svo eru íþróttir í íþróttahúsinu hjá öllum nemendum skólans sem eiga að vera í íþróttum.

Við viljum biðja foreldra unglingaforeldra að stappa í þá stálinu því þeir þurfa að vera áfram með grímur í skólanum. Það er farið að taka á en þau eru skynsöm og vilja leggja sitt af mörkum sigra veiruna. Það er verið að tala um næstu tvær vikur og skólasókn þeirra miðast því áfram við tímasókn til hádegis, en þó verður væntanlega sundkennsla eftir hádegi hjá einhverjum hópum eftir hádegi.

Tomorrow, 18th of November, slightly changed epidemiological rules will take effect and that will have some effect on schoolwork in primary schools. We are now waiting for a new regulation with further instructions, but this we know:
1. Students in grades 5-7 will no longer be required to wear facemasks.
2. Physical Education can resume in the gymnasium.
Perhaps there will be more changes in the regulation and we will react accordingly.
Students in grades 5-7 can drop their facemasks as of tomorrow and attend classes according to schedule. Schoolday ends at 13.50.
Elective classes and workshop for grade 7 will be cancelled tomorrow because disease-control rules still prevent us from teaching these classes. Students in grade 7 will therefore go home a little earlier.
Sport lessons in the gymnasium will continue for all students who are supposed to attend.
We would like to ask parents of teenagers to give them a pep talk since they must continue to wear facemasks in school. Some find this tiresome but the teenagers are sensible and eager to do their best to beat the virus. Students in grades 8 to 10 will therefore stay in school until noon but a few groups will probably attend swimming lessons in the afternoon.

Skipulagsdagur / organizational day 19. nóvember

Minnum á að nk. fimmtudag, 19. nóvember, er skipulagsdagur í öllum skólum Kópavogs og Salaskóla þar með líka. Það er engin kennsla þennan dag og frístundin er líka lokuð. Við munum nýta daginn til að skipuleggja starfið fram að áramótum.
On November the 19th there is an organizational day in Salaskóli, as other schools in Kópavogur. The school is closed and also the fristund / dægradvöl.

Breytt skólastarf 3. – 17. nóvember

Vegna nýrrar reglugerðar um skólastarf í heimsfaraldri verður starfið svona í Salaskóla frá 3. – 17. nóvember:

Nemendur í 1. – 4. bekk: 

  • Mæting kl. 8:10 og skóli til 13:30. Kennsla verður með sama hætti og verið hefur. 
  • Að kennslu lokinn gefst nemendum kostur á dægradvöl í frístund. Nánari upplýsingar koma frá Auðbjörgu
  • Íþróttakennsla verður úti og nemendur verða því að koma vel klæddir í skólann. 
  • Útivist verður með sama hætti og verið hefur
  • Ekki verður sundkennsla að sinni en íþróttakennarar verða með nemendur
  • Nemendur fá ávexti í morgunhressingu eins og verið hefur og matur í mötuneytinu í hádeginu. 
  • Kennsla í list- og verkgreinum verður með sama hætti og áður.

Nemendur í 5. og 6. bekk: 

  • Mæting á sama tíma og venjulega og skóli til rúmlega 12:00. Nemendur fara heima að loknum hádegismat. Kennsla verður með sama hætti og áður.
  • Nemendur verða að vera með grímur í kennslustundum og á almennum rýmum í skólanum. Foreldrar eru beðnir um að senda þau með grímur í skólann á morgun. Þeir þurfa ekki að vera með grímur í útivist og geta þá teygað í sig ferskt andrúmsloftið.
  • Ekki verður blöndun á milli bekkja að sinni, hvorki í bóklegum tímum né í smiðjum. Við búum til nýja smiðjuhópa og í hverjum þeirra verða aðeins nemendur úr sama námshópi (bekk)
  • Íþróttakennsla verður úti og nemendur verða því að koma vel klæddir
  • Ekki verður sundkennsla að sinni en íþróttakennarar verða með nemendur
  • Útivist verður með sama hætti og áður og jafnvel aðeins bætt í til að hvíla sig á grímunum. 
  • Nemendur fá ávexti í morgunhressingu eins og verið hefur og matur í mötuneytinu í hádeginu. 

Nemendur í 7. – 10. bekk

  • Mæting skv. stundaskrá á morgnana og nemendur mæta beint í ákveðnar kennslustofur eins og kemur fram í bréfi frá kennurum. Kennsla í skólanum er til kl. 12:10. Þá fara nemendur heim.
  • Nemendur verða að vera með grímur í kennslustundum og almennum rýmum í skólanum. Foreldrar eru beðnir um að senda þau með grímur í skólann á morgun. Þeir sem fara í útivist þurfa ekki að nota grímur þar. 
  • Nemendur eru í sömu kennslustund allan daginn og fá þar kennslu skv. stundaskrá. 
  • Valgreinar falla niður sem og smiðjutímar hjá 8. og 9. bekk. 
  • Nemendur verða að koma með nesti í morgunhressingu og það á líka við um 7. bekk sem hefur fengið ávexti. 
  • Íþróttakennsla verður úti og nemendur verða því að koma vel klæddir
  • Sundkennsla fellur niður
  • Stundaskrá breytist eitthvað meðan á þessu varir og koma upplýsingar um það frá kennurum. 
  • Nemendur í 7. bekk fara í útivist og þurfa ekki að hafa grímur þar. 
  • Nemendur í 8. – 10. bekk hafa val um hvort þeir fari í grímufrí í útivist í frímínútum eða verði inni. Ef þeir velja síðari kostinn þurfa þeir að vera í sinni kennslustofu og með grímu fyrir vitum. 

Skipulagsdagur 2. nóvember / November 2 will be used to plan school work with the teachers and other school staff.

English below

Sveitarfélögin og almannavarnir á höfuðborgarsvæðinu hafa ákveðið að hafa skipulagsdag í leik- og grunnskólum, tónlistarskólum og frístundastarfi mánudaginn 2. nóvember vegna hertra sóttvarnareglna stjórnvalda til varnar COVID-19.

Mánudagurinn 2. nóvember verður notaður til að skipuleggja starfið með kennurum og öðru starfsfólki.

Leik- og grunnskólabörn eiga því ekki að mæta í skólann mánudaginn 2. nóvember en nánari upplýsingar um skólastarfið verða sendar frá skólunum til foreldra og forráðamanna um áframhald skólastarfsins. Skóla- og frístundastarf mun hefjast aftur með breyttu sniði þriðjudaginn 3. nóvember.

English

Municipalities and Civil Protection and Emergency Management of the greater Reykjavík area has decided to have an organizational day í preschools, primary schools Music schools and after school centers on Monday, November 6 because of tightened mitigation rules set by the government to prevent COVID-19.

Monday November 2 will be used to plan school work with the teachers and other school staff.

Children in preschools and primary schools should therefore not come to school on Monday, November 2. Further information about this will be sent from the schools to parents and guardians. Schools will be opened again on Tuesday, November 3.

 

 

Nánari upplýsingar veitir Jón Viðar Matthíasson, framkvæmdastjóri almannavarnanefndar höfuðborgarsvæðisins.

Vetrarleyfi / Winter break

Mánudaginn 26. og þriðjudaginn 27. október er vetrarleyfi í Salaskóla. Þá er ekkert skólastarf og dægradvöl er lokuð. Vonum að þið njótið þessara daga og getið gert eitthvað skemmtileg með krökkunum.

On Monday the 26th and Tuesday the 27th of October there is a winter break in Salaskóli. The school and the fristund are closed. We hope you enjoy these days and can have some fun with your kids.

Smit í Salaskóla, 1. – 4. bekkur heima á morgun, föstudag 9. október

Kæru foreldrar/forráðamenn barna í 1. – 4. bekk í Salaskóla

Okkur þykir leitt að tilkynna að upp hefur komið COVID-19 smit hjá starfsmanni í umhverfi barnsins þíns. Til að gæta fyllsta öryggis og varúðar ertu vinsamlega beðin/n að hafa barn þitt heima í úrvinnslusóttkví (allt að tveir dagar) á meðan unnið er að frekari smitrakningu í skólanum. Nánari upplýsingar verða sendar út um leið og þær liggja fyrir.

Ef ungt barn er sett í sóttkví er nauðsynlegt að fullorðinn einstaklingur fari í sóttkví með barninu, aðrir heimilismeðlimir þurfa ekki að fara í sóttkví nema að annað sé tekið fram.

Þið getið að sjálfsögðu leitað til okkar ef eitthvað er óljóst eða viljið koma einhverju á framfæri.

Skólahald er að mestu með eðlilegum hætti í 5. – 10. bekk á morgun, föstudag.

Hjólin og skólinn

Í gær var launhált á götum og stígum hverfisins. Nokkuð var um það að krakkar sem fóru á hjólum í skólann duttu og sum þeirra hlutu slæma byltu og högg á búk og höfuð með tilheyrandi bólgum og skurðum. Það er því skynsamlegt að setja hjólin í geymsluna að sinni, þ.e.a.s. ef ekki hafa verið sett nagladekk undir þau. Þetta gildir um öll hjól; hlaupahjól, reiðhjól og vélhjól.

Það er fín hreyfing fyrir krakkana að ganga í skólann. Flestar leiðir hingað eru þægilegar, greiðar og tiltölulega öruggar. Það á ekki að þurfa að keyra börnin í skólann nema í undantekningatilfellum.