Óveðrið og skólalokun – uppfært

Á fundi neyðarstjórnar Kópavogs í morgun var ákveðið að hvetja foreldra til að sækja börnin sín um hádegi í leikskóla, grunnskóla og frístund. Mælst er til þess að foreldrar verði búnir að sækja börnin sín fyrir kl. 14:00. Börn sem þurfa að ganga heim fari heim í hádeginu, áætlað er að engin börn séu á gangi eftir kl. 13:00.

Leikskólar, grunnskólar, og frístundir loka kl. 15:00 í dag.

………………………….

At a meeting of the  Kópavogur Emergency Board this morning, it was decided to engourage parents to pick up their children at noon in preschools, primary schools and leisure centres and no later than 2:00 pm. Children who have to walk home on their own leave school at noon so that no children will be walking outside after 1:00 pm.

Preschools, primary schools and leisure centres will close at 3 o‘clock.

……………………………

Na spotkaniu sztabu kryzysowego Miasta Kópavogur zdecydowano zalecić rodzicom, żeby w południe odebrali dzieci z przedszkoli, szkół i świetlic szkolnych.

Zaleca się odebranie dzieci najpóźniej do godziny 14:00. Dzieci, które muszą wrócić pieszo, powinny pójśc do domu w południe.

Zakłada się, że żadne dziecko nie będzie samo na dworze po godz. 13:00.

Szkoły podstawowe, przedszkola i świetlice szkolne zostaną dzisiaj zamknięte o godz. 15:00.

Í dag

Foreldrar eru beðnir um að sækja börn í skólann fyrir kl. 15:00 í dag, 10. desember vegna veðurs. Ekki er ráðlagt að börn gangi ein heim eftir klukkan 13:00. Send verður út tilkynning til foreldra á eftir um tímasetningar þegar veðurspá hefur skýrst enn frekar. Engin röskun verður á skólastarfi fyrir hádegi

Við vekjum athygli ykkar á að umferðaröngþveiti á höfuðborgarsvæðinu getur orðið milli kl. 14:00 og 15:00 ef allir ætla að fara af stað á þeim.

English:
Parents are asked to pick up children at the school before 15:00 today, December the 10th due to weather. Children will not go home alone after 1pm. When a weather forecast has been clarified, a notification will be sent to parents afterwards. There will be no disruption to school activities before 13:00

We would like to draw your attention to the fact that traffic jams in the capital area can take place between 14:00 and 15:00 if everyone is going to leave their work at the same time.

jolafolk

Desemberdagar í Salaskóla

Við vitum að það getur verið íþyngjandi fyrir ykkur að muna eftir öllum þessu sérstöku dögum í desember í Salaskóla. Við höfum nú samræmt þá í 1. – 7. bekk til að einfalda lífið. Höfum í huga að þetta er gert til að gleðja blessuð börnin.

En þetta eru dagarnir sem þarf að muna:

  1. – 7. bekkur

3. desember – aðventuganga foreldrafélagsins kl. 17 – 19
4. desember – Jólasveinahúfudagur og / eða rauður dagur (koma með jólasveinahúfu eða í einhverju rauðu t.d. peysu, sokkum, bol, buxum, klút)
6. desember – sparinesti
12. desember – dótadagur / spiladagur
19. desember – stofujól, við bjóðum upp á kakó og krakkarnir koma með smákökur að heiman
20. desember – litlu jól og jólafrí að því loknu.

Hjá 8. – 10. bekk er þetta svona:

3. des – aðventuganga foreldrafélagsins
4. des – jólasveinahúfudagur og / eða rauður dagur, koma með jólasveinahúfu eða í einhverju rauðu
18. des – stofujól unglinga
19. des – körfuboltamót og jólaball um kvöldið

Gegn einelti í dag og alla daga!

​Í dag, 8. nóvember, er baráttudagur gegn einelti og hann ber upp á seinni dag fjölgreindaleikanna í ár. Leikarnir eru því helgaðir baráttunni gegn einelti og fer vel á því, því að fátt stuðlar að betri skólaanda og skólabrag. Nemendur vinna saman í 15 manna liðum þvert á árganga og glíma við ótrúlegustu verkefni sem reyna á bæði hug og hönd. Elstu nemendurnir eru liðsstjórar og leggja sig fram við að búa til góðan liðsanda og hvetja til samvinnu og samstarfs.

Í tilefni dagsins koma elstu nemendur leikskólanna í hverfinu í hverfinu og kynna sér fjölgreindaleikanna og fá að taka þátt í ævintýrinu.

landakort.jpg

17. fjölgreindaleikar Salaskóla

7. og 8. nóvember n.k. verða fjölgreindaleikar í Salaskóla. Þetta er í 17. sinn sem við efnum til þessara leika en þess ber að geta að leikarnir voru „fundnir upp“ í Salaskóla. Nemendur skiptast í hópa þvert á aldur og þeir sem eru elstir eru liðsstjórar. Svo er keppt í alls konar þrautum þessa tvo daga. Kynningarmynd um leikana er að finna hér https://www.youtube.com/watch?v=Wl-UPxtjMUg&t=1s

Skipulagsdagur, foreldraviðtöl og vetrarleyfi

  • Föstudaginn 4. október verður skipulagsdagur í Salaskóla. Dægradvölin er opin allan daginn.
  • Miðvikudaginn 9. október eru foreldraviðtöl og nemendur mæta í þau ásamt foreldrum sínum. Dægradvölin er opin
  • 21. og 22. október eru vetrarleyfisdagar í skólum Kópavogs. Þá er ekkert skólastarf og dægradvöl er lokuð

 

Ólympíuhlaup í Salaskóla 6. september

Föstudaginn 6.september er Ólympíuhlaup ÍSÍ frá kl. 11:00 -13:00 hér í Salaskóla. Hlaupið hefst stundvíslega klukkan 11:00 og lýkur klukkan 13:00. Ræst verður í hollum klukkan 11:00. Nemendur á unglingastigi leggja fyrst af stað, næst fer miðstig og síðast yngsta stig. Hringurinn sem nemendur fara í Ólympíuhlaup ÍSÍ er 2.5 km. Þess má geta að nemendur hlaupa eða ganga sama hring og í fyrra. Vert er að nefna að nemendur geta valið hversu marga hringi þeir hlaupa. Eftirfarandi reglur eru til viðmiðunar fyrir hvern árgang:

  • Nemendur í 8. – 10. bekk hlaupa 2-4. hringi (5 – 10 km).

  • Nemendur í  4. – 7. bekk hlaupa 1-4. hringi (2.5 – 10 km).

  • Nemendur í  2. – 3. bekk hlaupa 1-2 hringi (2.5 – 5 km).

  • Nemendur í  1. bekk hlaupa 1 hring með umsjónakennara.  (2.5 km).

Við bjóðum þeim foreldrum sem vilja að mæta og taka þátt í þessum skemmtilega viðburði með okkur. Þeir geta líka tekið þátt í hlaupinu að hluta til. Við viljum einnig brýna fyrir foreldrum að nemendur séu klæddir eftir veðri, í góðum skóm og fatnaði til hreyfingar. Við hvetjum alla nemendur til að koma með merktan vatnsbrúsa.

Að loknu hlaupi eða frá kl 12:00 ætlar skólinn að bjóða upp á grillaðar pylsur fyrir alla.

Skólasetning föstudaginn 23. ágúst, breyting

Salaskóli verður settur föstudaginn 23. ágúst og eiga nemendur að mæta sem hér segir. 

Kl. 10:00 8.-10. bekkur

Kl. 11:00 5. – 7. bekkur

Kl. 12:00 2. – 4. bekkur

Nemendur mæta í anddyri skólans, þar sem skólinn verður formlega settur, farið yfir áherslur í skólastarfinu, breytingar og nýjungar og nýir starfsmenn á stiginu kynntir. 

Að því loknu fylgja nemendur kennurum sínum í kennslustofu. Þar fara kennarar yfir ýmis mál sem snúa að náminu og kennslunni, skipulagið í árganginum, umgengni um ritföng o.fl. 

Markmiðið skólasetningardagsins er að hefja skólaárið á jákvæðan hátt, losa um spennu og efla félagatengsl. 

Við teljum mikilvægt að foreldrar komi með börnum sínum og fái þannig innsýn inn í starf og áherslur skólans á komandi skólaári, ásamt því að hitta kennara og aðra foreldra. 

Við gerum ráð fyrir að þessi athöfn taki u.þ.b. 45 mínútur, verði alls ekki lengri en klukkustund.